ཀརྨ་ཕུན་ཚོགས་ཀྱིས་ཁྲི་ཀ་རྫོང་དུ་མང་ཚོགས་ཀྱི་ཡིག་སྐུར་ངོ་གཏུག་སྣེ་ལེན་བྱས་པ།

       ཟླ10བའི་ཚེས28ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས་ཀྱིས་ཁྲི་ཀ་རྫོང་གི་སྤྱི་ཚོགས་ཕྱོགས་བསྡུས་བཅོས་སྐྱོང་ཞབས་ཞུ་ལྟེ་གནས་སུ་མང་ཚོགས་ཀྱི་ཡིག་སྐུར་ངོ་གཏུག་ལ་སྣེ་ལེན་བྱས་པ་དང་། མང་ཚོགས་ཀྱིས་ཡིག་སྐུར་ངོ་གཏུག་བྱ་བར་བཏོན་པའི་རེ་བ་དང་བསམ་འཆར་ལ་ཉན་ཞིང་། ཡུལ་དངོས་ནས་མང་ཚོགས་ཀྱི་དཀའ་ཁག་དང་གནད་དོན་ལ་ཞིབ་འཇུག་ཐག་གཅོད་བྱས། ཁོས་མི་དམངས་གཙོར་འཛིན་པའི་བསམ་བློ་བརྟན་པོར་གཏོང་བ་དང་། བཅའ་ཁྲིམས་དང་སྒྲིག་སྲོལ་ལྟར་འགལ་བ་དང་རྩོད་གཞི་སེལ་བ། གཟབ་ནན་གྱིས་ལུགས་མཐུན་གྱི་རེ་ཞུ་ཐག་གཅོད་བྱ་དགོས་ཤིང་། སེམས་སྟེང་ནས་མང་ཚོགས་ལ་བྱ་བ་དངོས་སྒྲུབ་སྟེ། མང་ཚོགས་ཀྱི་ཐོབ་སྣང་དང་བདེ་སྣང་། བློ་ཡིད་ཚིམ་ཚད་བཅས་ཇེ་མཐོར་གཏོང་དགོས་ཞེས་ནན་བཤད་གནང་།

       སྣེ་ལེན་སྐབས། ཀརྨ་ཕུགས་ཚོགས་ཀྱིས་མང་ཚོགས་ཀྱི་རེ་ཞུར་གཟབ་ནན་གྱིས་ཉན་པ་དང་དོན་དག་གི་མགོ་མཇུག་གི་འབྱུང་རྐྱེན་ལ་རྒྱུས་ལོན་བྱས་ཏེ་གནད་དོན་གྱི་འབྱུང་རྩར་དབྱེ་ཞིབ་བྱས་པར་མ་ཟད། འབྲེལ་ཡོད་ས་ཁུལ་དང་སྡེ་ཁག་གི་འགན་ཁུར་བློ་མཐུན་དང་མཉམ་དུ་ཐག་གཅོད་བྱེད་པའི་ཇུས་གཞིར་ཞིབ་འཇུག་བྱས་ཤིང་། ཁོང་གིས་ས་གནས་སོ་སོ་དང་སྡེ་ཁག་སོ་སོའི་མང་ཚོགས་ཀྱི་སེམས་ཁྲལ་བྱེད་བཞིན་པའི་གནད་དོན་དངོས་ཐག་གཅོད་བྱེད་པ་དང་། ཁྲིམས་ལྟར་མང་ཚོགས་ཀྱིས་བཏོན་པའི་དགོས་མཁོ་བསྐངས་ཏེ་ཡིག་སྐུར་ངོ་གཏུག་བྱ་བས་མང་ཚོགས་ཀྱི་བློ་ཡིད་ཚིམས་པར་བྱ་དགོས་པ་བསྟན།

       ཀརྨ་ཕུན་ཚོགས་ཀྱིས་ཡིག་སྐུར་ངོ་གཏུག་བྱ་བ་ནི་ཕྱོགས་གཅིག་ནས་ཏང་ཨུ་དང་སྲིད་གཞུང་ལ་འབྲེལ་བ་དང་ཕྱོགས་གཞན་ཞིག་ནས་མི་དམངས་མང་ཚོགས་ལ་འབྲེལ་ཡོད་པས། དེ་ནི་སྤྱི་ཚོགས་སྲུང་སྐྱོང་དང་འཆམ་མཐུན་བརྟན་བརླིང་གི་འབྱུང་རྩ་དང་རྨང་གཞིའི་བྱ་བ་གལ་ཆེན་ཞིག་ཡིན་ལ། འགན་འཁྲི་དམ་འཛིན་གྱིས་དམངས་ཚིས་བྱ་བ་ལེགས་བསྒྱུར་ནས་མགོ་བརྩམས་ཏེ། དམངས་ཀྱིས་ཡིག་སྐུར་ངོ་གཏུག་བྱས་པའི་གནད་དོན་གཟབ་ནན་གྱིས་ཐག་གཅོད་བྱ་དགོས་པ་དང་། དུས་རབས་གསར་པའི་ཧྥིན་ཆའོ་ཉམས་མྱོང་རྒྱུན་འཁྱོངས་དང་འཕེལ་རྒྱས་སུ་བཏང་ནས་འབྱུང་རྩའི་འགོག་བཅོས་ལ་དོ་སྣང་བྱེད་པ་དང་། གནད་དོན་གཞི་རིམ་དུ་ཐག་གཅོད་པ་དང་ཐོག་མ་ནས་མེད་པར་བྱས་ཏེ་ཡིག་སྐུར་ངོ་གཏུག་གི་བྱ་བར་སྔར་ལས་མི་ཚུལ་ལྡན་པར་བྱས་ཤིང་། གནད་དོན་གནད་ལ་འཁེལ་བ་དང་གནད་དོན་ལ་དམིགས་ནས་ཡོ་བསྲང་བྱེད་པ། མང་ཚོགས་ཀྱིས་ཡིག་སྐུར་ངོ་གཏུག་བྱས་པའི་གནད་དོན་གྱི་སྤྱི་འབོར་དང་གྲུབ་ཚུལ། འཕེལ་ཕྱོགས་བཅས་ལ་དམིགས་ཏེ། ཐུན་མོང་རང་བཞིན་གྱི་གནད་དོན་ཐག་གཅོད་བྱེད་པར་སྐུལ་འདེད་གཏོང་དགོས། དེ་མིན་ཁྱོན་ཡོངས་ནས་སྔོན་འགོག་དང་། བདག་སྤྲོད། སྒྲུབ་གཉེར། སྒྲིག་ལམ་སྲུང་སྐྱོང་། ལྟ་སྐུལ་བདའ་འདེད་དེ་ཁྲིམས་སྐྱོང་ལས་འགན་གཙོ་བོར་བསྒྱུར་བའི་ཡིག་སྐུར་ངོ་གཏུག་ཁྲིམས་སྐྱོང་ཅན་གྱི་བྱ་བར་སྐུལ་འདེད་བཏང་སྟེ། འགན་དབང་ཁ་གསལ་བ་དང་རྒྱུས་ལོན་ཡང་དག་ཡིན་པ། ཁྲིམས་ལྟར་བསྒྲུབ་པ་དང་གོ་རིམ་ལྡན་པ། མང་ཚོགས་ཀྱི་བློ་ཡིད་ཚིམས་པའི་བྱ་བའི་དམིགས་ཚད་ལེགས་འགྲུབ་ཡོང་བར་འབད་དེ་མང་ཚོགས་ཀྱི་ཞུ་གཏུག་སྒྲུབ་གཉེར་ལ་ཁྲིམས་ལྟར་སྐུལ་འདེད་གཏོང་དགོས་ཞེས་ནན་གྱིས་བསྟན།