གུང་ཧོས་མི་རིགས་མཐུན་སྒྲིལ་རྟགས་མའི་མདའ་འཕེན་འགྲན་བསྡུར་བྱས།

        མདའ་འཕེན་ནི་མང་ཚོགས་ཀྱིས་དུས་ནམ་ཡང་དགའ་བསུ་ཚད་མེད་གནང་གིན་པའི་མི་རིགས་ཀྱི་སྲོལ་རྒྱུན་རིག་གནས་གལ་ཆེན་ཞིག་ཡིན། རྒྱུས་ལོན་པ་ལྟར་ན། མཚོ་སྔོན་ཞིང་ཆེན་དུ་མདའ་འཕེན་ལ་ཞུགས་པའི་མང་ཚོགས་ཕར་ཆེར་ཁྲི༢༠ལ་ཉེ། མདའ་འཕེན་ནི་མི་དམངས་ཀྱི་ལུས་ཕུང་ལ་སྦྱོང་བརྡར་བྱ་བའི་རོལ་རྩེད་ཀྱི་རྣམ་པ་ཞིག་ཡིན་པར་མ་ཟད། མི་རིགས་མཉམ་འདྲེས་དང་ཕན་ཚུན་ལ་རྒྱུས་ལོན་བྱ་བའི་གནད་འགག་ཅིག་ཀྱང་ཡིན།

        ཟླ༢པའི་ཚེས༡༡ཉིན། ༢༠༢༢ལོའི་གུང་ཧོ་རྫོང་གིས་ལོ་སར་བསུ་བའི་མི་རིགས་མཐུན་སྒྲིལ་རྟགས་མའི་སྲོལ་རྒྱུན་མདའ་འཕེན་འགྲན་བསྡུར་དེ་གུང་ཧོ་རྫོང་མདའ་འཕེན་ཁང་དུ་བསྡུས་ཤིང་། ཐེངས་འདིའི་འགྲན་བསྡུར་ལ་མདའ་རིགས༤དང་རྩེད་མོའི་རྣམ་གྲངས༥བཀོད་སྒྲིག་བྱས་ཏེ་རྒྱ་ཆེའི་མདའ་བ་ཡོངས་ཀྱི་འདོད་བློ་བསྐང་ཡོད། གུང་ཧོ་རྫོང་གི་ཤང་དང་གྲོང་རྡལ་གྱི་སྡེ་བ་སོ་སོ་ནས་ཡོང་བའི་མདའ་བ་བརྒྱ་ལྷག་གནས་འདིར་འཛོམས་ནས་འགྲན་བསྡུར་ལ་དངོས་སུ་ཞུགས།