«ནུབ་མཚོ་ལྗང་མདོག་འཕེལ་རྒྱས་ཚགས་པར»གསར་དུ་སྤེལ།

        2022ལོའི་ཟླ9པའི་ཚེས27ཉིན་གྱི་སྔ་དྲོར། «ནུབ་མཚོ་ལྗང་མདོག་འཕེལ་རྒྱས་ཚགས་པར»གསར་སྤེལ་གྱི་ཚོགས་འདུ་ཟི་ལིང་གྲོང་ཁྱེར་གྲོས་ཚོགས་ལྟེ་གནས་སུ་འཚོགས།

        «ནུབ་མཚོ་ལྗང་མདོག་འཕེལ་རྒྱས་ཚགས་པར»ནི་མཚོ་སྔོན་ཉིན་རེའི་ཚགས་པར་གིས་གཙོ་སྒྲུབ་བྱས་ཤིང་། སྔོན་གྱི«ནུབ་མཚོ་ཚོང་དོན་ཚགས་པར»བསྒྱུར་བཀོད་བྱས་པ་ལས་བྱུང་ཞིང་། འདི་ནི་ལྗང་མདོག་འཕེལ་རྒྱས་ཀྱི་སླད་དུ་བསྐྲུན་པ་ཡིན་པས། ཚགས་པར་འདིས“ཆེས་ཆེ་བ་གསུམ”གྱི་ཞིང་ཆེན་གྱི་གནས་ཚུལ་ལ་རྐང་བཙུགས་ཏེ། སྤྱི་ཚོགས་ཀྱི་ལས་རིགས་སོ་སོར་གདོང་གཏད་ནས། ཞི་ཅིན་ཕིང་གི་སྐྱེ་ཁམས་དཔལ་ཡོན་དགོངས་པ་དྲིལ་སྒྲོག་བྱེད་པ་དང་། དཔལ་འབྱོར་དང་སྤྱི་ཚོགས་འཕེལ་རྒྱས་ཁྱོན་ཡོངས་ནས་ལྗང་མདོག་ཏུ་བསྒྱུར་བར་སྐུལ་སྤེལ་བྱེད་པ། ཀྲུང་དབྱང་དང་ཞིང་ཆེན་ཏང་ཨུའི་ལྗང་མདོག་འཕེལ་རྒྱས་ཀྱི་སྲིད་ཇུས་བྱེད་ཐབས་དྲིལ་སྒྲོག་བྱས་ནས་མི་དང་རང་བྱུང་འཆམ་མཐུན་མཉམ་གནས་ལ་སྐུལ་སྤེལ་བྱེད་པ། རི་སྔོ་ཆུ་དྭངས་ནི་གསེར་རི་དངུལ་རི་ཡིན་པའི་སློབ་གསོར་ཤུགས་བསྣན་ནས་ལྗང་མདོག་ཐཱན་ཉུང་གི་འཚོ་བ་རོལ་སྟངས་དར་སྤེལ་བྱེད་པ། ལྗང་མདོག་འཕེལ་རྒྱས་ཀྱི་ཚན་རྩལ་གྲུབ་འབྲས་དྲིལ་སྒྲོག་བྱས་ནས་ལྗང་མདོག་ཐོན་རྫས་རྒྱུན་མཐུད་འཕེལ་རྒྱས་འབྱུང་བར་སྐུལ་སྤེལ་བྱེད་པ། ལྗང་མདོག་འཕེལ་རྒྱས་ཀྱི་མཚོ་སྔོན་གྱི་ཉམས་མྱོང་དྲིལ་སྒྲོག་བྱས་ནས་གསར་སྐྲུན་རང་བཞིན་དང་དཔེ་སྟོན་རང་བཞིན་གྱི་ཐུན་མོང་དང་མི་སྒེར་ཁྱབ་སྤེལ་བྱེད་འཆར་ཡོད།

        ཚགས་པར་འདི་ནི་ཟླ་རེར་ཐེངས་རེ་དང་ཐེངས་རེར་ཡོངས་སུ་ཚོན་མདོག་ཡིན་པའི་པར་ངོས24རེ་དཔར་ནས། «གཏིང་ཚུགས་རྟོག་ཞིབ»དང«ལྗང་མདོག་གི་མཚོ་སྔོན་དུ་བསྐྱོད་པ» «གཙང་པོའི་མགོ་ཁུངས་ཀྱི་གླེང་མོལ» «ཐཱན་ཉུང་འཚོ་བ» «གཙང་པོའི་མགོ་ཁུངས་ཀྱི་འཆད་ཁྲིད་ཆེན་མོ»སོགས་ཀྱི་ལེ་ཚན་བཀོད་སྒྲིག་བྱས་ཡོད།

        ཚགས་པར་འདི་གསར་དུ་བཏོན་པ་ནི། མཚོ་སྔོན་གྱིས་ཞི་ཅིན་ཕིང་གི་སྐྱེ་ཁམས་དཔལ་ཡོན་གྱི་དགོངས་པ་དྲིལ་སྒྲོག་བྱེད་པར་སྟེགས་བུ་གསར་པ་ཞིག་བསྐྲུན་པ་དང་། གཙོ་རྒྱུག་གླེང་ཕྱོགས་ལ་གཡུལ་ས་གསར་པ་བསྐྲུན་ཞིང་། མཉམ་འདྲེས་སྨྱན་བྱད་འཕེལ་རྒྱས་ཡོང་བར་སྐུལ་འདེད་གཏོང་བའི་གྲུབ་འབྲས་གསར་པ་ཞིག་ཡིན།