མཚོ་ལྷོ་ཁུལ་གྱི5Gདཔེ་མཛོད་ཁང་ཚོད་ལྟའི་སྒོ་འབྱེད་བྱས་པ།

       མཚོ་ལྷོ་ཁུལ་གྱི5Gདཔེ་མཛོད་ཁང་ཟླ7པའི་ཚེས1ཉིན་ནས་བཟུང་ཚོད་ལྟའི་སྒོ་འབྱེད་བྱས། དཔེ་མཛོད་ཁང་གིས་སྤྲིན་ཐོག་རྩིས་རྒྱག་དང5Gདྲ་རྒྱ་གཞི་གྲངས་སྟེགས་བུར་བཟུང་ནས་དེང་རབས་ཅན་གྱི་རིག་གནས་ལག་རྩལ་དང་དྭངས་གསལ་བརྙན་ལམ་གྱིས་རྒྱ་ཆེའི་ཀློག་པ་པོ་རྣམ་ལ་ལྟ་ཆོག་ཅིང་ཁོར་ཡུལ་མཛེས་པ། དཔེ་ཀློག་གི་ཞིང་ཁམས་སུ་འགྲིམ་པའི་ཉམས་ལེན་གསར་པ་ཞིག་འདོན་སྤྲོད་བྱས་ཏེ། རྒྱ་ཆེའི་དཔེ་ཀློག་ལ་དགའ་མཁན་ཚོར་དཔེ་ཀློག་བྱེད་པའི་སྤྲོ་སེམས་དང་ཁོར་ཡུལ་ལེགས་པོ་ཞིག་འདོན་སྤྲོད་བྱས་ཡོད་པ་རེད།

       མཚོ་ལྷོ་ཁུལ་གྱི5Gདཔེ་མཛོད་ཁང་ལེགས་གྲུབ་བྱུང་བ་འདིས་ཁུལ་ཡོངས་ཀྱི་རིག་གནས་འཛུགས་སྐྲུན་ཐད་ལ་དཔེ་སྟོན་དང་ཁྲིད་སྟོན་གྱི་ནུས་པ་ཐོན་ཐུབ་པས། མཚོ་ལྷོ་ཁུལ་རིག་གནས་སྨྱན་བྱད་ལྟེ་གནས་དང་ཡོངས་འཛིན་གཞི་གྲངས་ལྟེ་གནས་དང་མཉམ་དུ་མཚོ་ལྷོ་ཁུལ་གྱི་ཁྱད་ཆོས་ལྡན་པའི་དཔེ་ཀློག་དང་གཞི་གྲངས་མཉམ་ལེན། ཤེས་རིག་ཐང་ཆེན། རིག་གནས་རླངས་འཁོར་འཇོག་ས་བཅས་གཞི་གཅིག་ཅན་གྱི་རིག་གནས་བྱ་འགུལ་ཆེན་མོ་ཞིག་ཆགས་ཡོད་ལ། དག་གཙང་མཚོ་ལྷོ་དྲིལ་སྒྲོག་བྱེད་པའི་མིང་བྱང་དུའང་གྱུར་ཡོད་པ་རེད།