བོད་ལྗོངས་ཀྱི་པར་ལེན་པས་རི་ཐང་གི་གསའ་ཡི་བརྙན་པར་རྩ་ཆེན་བླངས་བ།

       ཉེ་ཆར། བོད་ལྗོངས་མངའ་རིས་སྒེར་རྩེ་རྫོང་མཉམ་འདྲེས་སྨྱན་སྦྱོར་ལྟེ་གནས་ཀྱི་གསར་འགོད་པ་བསོད་ནམས་རིན་ཆེན་གྱིས་སྒེར་རྩེ་རྫོང་སྒེར་རྩེ་གྲོང་རྡལ་གཡུ་རྡོ་གྲོང་ཚོའི་མཐའ་འཁོར་གྱི་བྲག་རིའི་གསེང་དུ་ཉིན་འགའི་རིང་ལ་རེ་སྒུག་དང་རྗེས་འདེད་བྱས་པ་བརྒྱུད། རྒྱལ་ཁབ་ཀྱི་སྲུང་སྐྱོབ་རིམ་པ་དང་པོའི་སྲོག་ཆགས་གསའ་ཡི་གཟུགས་བརྙན་པར་དུ་བླངས་བ་དང་། བརྙན་པར་རྩ་ཆེན་དེ་དག་ལས་ས་གནས་དེའི་སྐྱེ་དངོས་སྣ་མང་རང་བཞིན་གྱི་ཞིབ་འཇུག་ལ་ཐོག་མའི་དཔྱད་ཡིག་གལ་ཆེན་མཁོ་འདོན་བྱས་ཡོད། །