མཐོ་རྒྱུགས་སྐར་གྲངས་ཟླ6པའི་ཚེས25ཉིན་ཁྱབ་སྒྲོག་བྱ་རྒྱུ་རེད།

     སྤྱི་ཟླ6པའི་ཚེས9ཉིན་གྱི་ཕྱི་དྲོའི་དུས་ཚོད17སྟེང2019ལོའི་མཚོ་སྔོན་གྱི་མཐོ་རྒྱུགས་མཇུག་སྒྲིལ་པ་རེད། ཞིང་ཆེན་ཡོངས་ནས་སློབ་མ44313གྱིས་རྒྱུགས་ཁུལ34དང་རྒྱུགས་ལེན་ས་ཚིགས48། རྒྱུགས་ར1532ནས་མཐོ་རྒྱུགས་བླངས་ཤིང་། དེའི་ཁྲོད་རྒྱུགས་ལ་མ་ཞུགས་པའི་སློབ་མ248ཡོད། རིམ་པ་སོ་སོའི་རྒྱུགས་དོན་རྩ་འཛུགས་དང་རྒྱུགས་ཤོག་སྲུང་བ། རྒྱུགས་རའི་ལྟ་ཞིབ། འགན་སྒྲུབ་སྐོར་ཞིབ། སྨན་བཅོས་སྲོག་སྐྱོབ། གློག་ཤུགས་འགན་སྲུང་དང་སྐུལ་མེད་གློག་འཕྲིན་གྱི་བརྡ་རྟགས་དོ་དམ་སོགས་ཀྱི་བྱ་བ་སྣ་ཚོགས་ལས་བྱེད་མི་སྣ་ཁྲི2ཉེ་བ་ཞིག་གིས་དཀའ་སྤྱད་འབད་བརྩོན་སྒོས་ལེགས་པོར་བསྒྲུབས་ཏེ། མཐོ་རྒྱུགས་བདེ་བླག་ངང་ལེན་ཐུབ་པར་འགན་ལེན་བྱས་པ་རེད།

      མཐོ་རྒྱུགས་མཇུག་སྒྲིལ་རྗེས། མཐོ་རྒྱུགས་ཀྱི་རྒྱུགས་ཤོག་ལ་བལྟ་བའི་དུས་རིམ་ལ་བསླེབས་ཡོད། སྔོན་རྩིས་ལྟར་ན། མཐོ་རྒྱུགས་སྐར་གྲངས་དང་སློབ་བསྡུའི་འཆར་འགོད་ཟླ6པའི་ཚེས25ཉིན་ཁྱབ་སྒྲོག་བྱ་རྒྱུ་རེད། རྒྱ་ཆེའི་སློབ་མ་རྣམས་ཀྱིས་མཚོ་སྔོན་ཞིང་ཆེན་སློབ་གསོ་རྒྱུགས་ལེན་དྲ་བ  དང་མཚོ་སྔོན་ཞིང་ཆེན་སློབ་གསོ་སློབ་བསྡུའི་རྒྱུགས་ལེན་གྱི་སྐད་འཕྲིན་སྤྱི་རྟགས་ལ་དུས་དང་རྣམ་པ་ཀུན་ཏུ་དོ་ཁུར་བྱས་ཏེ། སློབ་བསྡུའི་བྱ་བ་དང་སྲིད་ཇུས་ཆ་འཕྲིན་ལ་དུས་ལྟར་རྒྱུས་ལོན་བྱས་ནས། དྲ་ཐོག་ནས་མིང་ཐོ་དགོད་རྒྱུར་གྲ་སྒྲིག་བྱ་དགོས།