«གསེར་གྱི་ལྷ་དར»རྩོམ་རིག་ལོ་དེབ་ཀྱི་རྩོམ་བསྡུའི་བརྡ་ཐོ།

རྒྱ་ཆེའི་སྙུག་ཐོགས་པ་ལྷན་རྒྱས།
     ཀུན་གྱིས་མཁྱེན་གསལ་ལྟར«གསེར་གྱི་ལྷ་དར»རྩོམ་རིག་ལོ་དེབ་ནི། མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་རྫོང་ཨུ་དང་རྫོང་མི་དམངས་སྲིད་གཞུང་གི་རྒྱབ་སྐྱོར་འོག  བྲག་དཀར་རྫོང་བོད་སྐད་ཡིག་བྱ་བའི་གཞུང་ལས་ཁང་གིས་གཙོ་གཉེར་འགྲེམ་སྤེལ་བྱས་ནས་ལོ་འཁོར18ཕྱིན་པའི་རྩོམ་རིག་ལོ་དེབ་ཞིག་ཡིན། རྩོམ་བསྡུའི་ནང་དོན་གྱི་ཆ་ནས་བརྩམས་སྒྲུང་དང་སྙན་ངག ལྷུག་རྩོམ། དཔྱད་རྩོམ། བསྒྱུར་རྩོམ། གནའ་རྩོམ། གསར་དུ་བསྣན་པའི་སློབ་མའི་ལེ་ཚན་བཅས་ཡོད། སྔར་ལས་ལྷག་པའི་སྒོ་ནས«གསེར་གྱི་ལྷ་དར»རྩོམ་རིག་ལོ་དེབ་ཀྱི་རྣམ་པ་དང་ནང་དོན་ཕུན་སུམ་ཇེ་ཚོགས་སུ་གཏོང་བ། གསར་རྩོམ་སྒྱུ་རྩལ་གྱི་རིན་ཐང་མཐོར་འདེགས་སོགས་བྱ་ཆེད་ཕྱོགས་གང་ཐད་ནས་དུས་རབས་ཀྱི་གོམ་འགྲོས་དང་གསར་གཏོད་ཀྱི་ཁྱད་ཆོས་མངོན་དགོས། དེ་བས་རྒྱ་ཆེའི་རྩོམ་མཁན་དག་གིས་དུས་དེབ་དང་ཚགས་པར་སོགས་སུ་བཀོད་ཟིན་པའི་བརྩམས་ཆོས་དང་བཤུ་འབྲི་བྱས་པའི་རྩོམ་ཡིག་མི་བསྐུར་བར་མཁྱེན། 
གཤམ་གསལ་གྱི་དོན་ཚན་དག་ལ་དོ་སྣང་བྱ་དགོས་ཏེ།
གཅིག རྩོམ་ཡོན་དང་རྩོམ་དེབ་བསྐུར་བདེ་བའི་ཆེད་དུ། རྩོམ་པ་པོའི་རུས་མིང་དང་སྡོད་གནས། འབྲེལ་གཏུག་ཁ་པར་ཨང་གྲངས། སྦྲག་སྲིད་ཨང་གྲངས་བཅས་གསལ་བོར་བྲི་རོགས།
གཉིས། རྩོམ་བསྡུའི་དུས་ཡུན་ནི་སྤྱི་ལོ2018ལོའི་ཟླ4པའི་ཚེས18ཉིན་ནས་ཟླ7པའི་ཚེས20བར་ཡིན།
གསུམ། ཡིག་གཟུགས་ངེས་པར་དུ་ཧི་གཟུགས་ཡིན་དགོས།
བཞི། 1.བརྩམས་སྒྲུང་སྐུར་གནས། 903574087@qq.com
     2.སྙན་ངག་སྐུར་གནས།   1034385677@qq.com
     3.ལྷུག་རྩོམ་སྐུར་གནས།   1286723369@qq.com
     4.གནའ་རྩོམ་དང་དཔྱད་རྩོམ་སྐུར་གནས། 278935613@qq.com
     5.བསྒྱུར་རྩོམ་དང་སློབ་མའི་རྩོམ་ཡིག་སྐུར་གནས། 992654670@qq.com