བོད་ལྗོངས་སློབ་ཆེན2016ལོར་འབུམ་རམས་པའི་ཡོན་གནས་བརྩོན་སྦྱོང་གི་ཞིབ་འཇུག་སློབ་བསྡུའི་མིང་ཐོ་འགོད་པ།

     བོད་ལྗོངས་སློབ་གྲྭ་ཆེན་མོའི2016ལོའི་འབུམ་རམས་པའི་ཡོན་གནས་བརྩོན་སྦྱོང་བྱེད་པའི་ཞིབ་འཇུག་སློབ་མ་བསྡུ་བའི་མིང་ཐོ་འགོད་པའི་ལས་དོན་དངོས་སུ་སྒྲུབ་བཞིན་ཡོད་པ་དང་། རྒྱུགས་ཞུགས་སློབ་མ་ཚོས2016ལོའི་ཟླ2པའི་ཚེས29ཉིན་གྱི་སྔོན་དུ་དྲ་ཚིགསhttp://yz.chsi.com.cnསྟེང་དུ་བླང་བྱ་ལྟར་མཐོ་རིམ་སློབ་གསོའི་སློབ་མའི་ཆ་འཕྲིན་དྲ་བའི་རྩིས་ཐོའི་ཨང་གྲངས་འགོད་རྒྱུ་མ་ཟད། མི་སྒེར་གྱི་ཆ་འཕྲིན་ངོ་མ་ཁག་ཐོ་འགོད་ཀྱང་བྱེད་དགོས་པ་རེད།
     བོད་ལྗོངས་སློབ་གྲྭ་ཆེན་མོའི2016ལོའི་འབུམ་རམས་པའི་ཡོན་གནས་བརྩོན་སྦྱོང་ཞིབ་འཇུག་སློབ་མ་བསྡུ་བའི་རྒྱུགས་ལེན་བྱ་ཐབས་ནི་གཙོ་བོར་ཐོག་མའི་རྒྱུགས་ལེན་དང་བསྐྱར་མའི་རྒྱུགས་ལེན་དུས་རིམ་གཉིས་སུ་ཕྱེ་ཡོད་ཅིང་། དེའི་ནང་རིམ་མཚུངས་སློབ་གནས་དང་སློབ་ཚན་ལས་བརྒལ་བའི་རྒྱུགས་སྤྲོད་མཁན་ཀྱིས་ཡིག་རྒྱུགས་འཐོལ་པ་སྤྲོད་དགོས་པ་རེད། ཐོག་མའི་རྒྱུགས་ལེན་ནི་ཡིག་རྒྱུགས་ཡིན་ཞིང་། ཡིག་རྒྱུགས་གི་ཚན་པར་ཕྱི་རྒྱལ་གྱི་སྐད་ཡིག་དང་། ཆེད་ལས་རྨང་གཞིའི་སློབ་ཚན། ཆེད་ལས་སློབ་ཚན་བཅས་ཡོད་པ་དང་། རྒྱུགས་ལེན་ཚན་པ་རེའི་རྒྱུགས་ལེན་དུས་ཚོད་ནི་ཆུ་ཚོད3ཡིན་པ་དང་། སྐར་མ་བསྡོམས་གྲངས་སྐར་མ100ཡིན་ཞིང་། ཐོག་མའི་ཡིག་རྒྱུགས་ཡོངས་ཀྱི་སྐར་མ་བསྡོམས་གྲངས་སྐར་མ300རེད།
     ཐོག་མའི་རྒྱུགས་ལེན་གྱི་དུས་ཚོད་ནི2016ལོའི་ཟླ4བའི་ཚེས9ཉིན་ནས་ཚེས10ཉིན་བར་ཡིན་པ་དང་། རྒྱུགས་ལེན་ས་ནི་བོད་ལྗོངས་སློབ་གྲྭ་ཆེན་པོའི་སློབ་ཁུལ་རྙིང་པར་རེད།
     བསྐྱར་མའི་རྒྱུགས་ལེན་ནི་ངོ་འཕྲད་རྒྱུགས་ལེན་ཡིན་ཞིང་། དེའི་ནང་ཚན་རིག་ཞིབ་འཇུག་གི་རྨང་གཞི་དང་ཚན་རིག་ཞིབ་འཇུག་གི་བག་ཉལ་བྱང་ཚད་ཚད་ལེན་ཚོད་མཇལ་བྱེད་རྒྱུ་དང་། ཕྱི་རྒྱལ་གྱི་སྐད་ཡིག(ལེགས་སྦྱར་གྱི་སྐད་ཡིག་ཀྱང་འདུས་པ)གི་ཉན་བརྗོད་ནུས་པ་ཚད་ལེན་ཚོད་འཇལ་གཉིས་ཡིན་ཞིང་། དེའི་དུས་ཚོད་ནི2016ལོའི་ཟླ4བའི་ཚེས11ཉིན་ཡིན་པ་དང་། གལ་སྲིད་རིམ་མཚུངས་སློབ་གནས་ཀྱི་རྒྱུགས་སྤྲོད་སློབ་མ་ཡོད་ན། བསྐྱར་མའི་རྒྱུགས་ལེན(ངོ་འཕྲད་རྒྱུགས་ལེན)གྱི་དུས་ཚོན་ནི2016ལོའི་ཟླ4ཚེས12ཉིན་རེད།