བྲག་དཀར་རྫོང་གིས་ཨ་མདོའི་ཁ་སྐད་གསོ་སྦྱོང་འཛིན་གྲྭ་སྤེལ་བ།

     མིག་སྔར། མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་གིས་གོམ་གང་མདུན་སྤོས་ཀྱིས་གཞི་གསུམ་འཛུགས་སྐྲུན་དང་རྫོང་ཨུའི་ཏང་གི་སློབ་གྲྭའི་ནུས་པ་འདོན་སྤེལ་གང་ལེགས་བྱེད་ཆེད། ཨ་མདོའི་ཁ་སྐད་གསོ་སྦྱོང་འཛིན་གྲྭ་བཙུགས་ཏེ་ལས་བྱེད་པ་གཞི་རིམ་དུ་བསྐྱོད་པར་རྨང་གཞི་བཏིངས།
     བྲག་དཀར་རྫོང་གིས་གཟབ་ནན་སྒོས་བྲག་དཀར་རྫོང་གི་ཨ་མདོའི་ཁ་སྐད་གསོ་སྦྱོང་གི་ཇུས་གཞི་གཏན་འབེབས་བྱས་ཏེ་རྫོང་ཡོངས་ཀྱི་ཨ་མདོའི་སྐད་མཁོ་བའི་ཞང་དང་གྲོང་རྡལ་དང་རྫོང་ཐད་གཏོགས་ལས་ཁུངས་དང་ཞབས་འདེགས་ལས་རིགས་ཀྱི་ལས་བྱེད་པ་བདམས་ཏེ་གསོ་སྦྱོང་ལ་ཞུགས་སུ་བཅུག གསར་དུ་བསྒྲིགས་པའི་མཚོ་ལྷོ་ཁུལ་གྱི་ལས་བྱེད་པས་སྦྱོང་དགོས་པའི་ཨ་མདོའི་ཁ་སྐད་བཞི་བརྒྱ་དེ་རྨང་གཞིའི་དཔེ་དེབ་ཏུ་བྱས་ཏེ་དགེ་རྒན་གྱིས་སློབ་ཁྲིད་བྱེད་པ་དང་སྨྱན་མང་གཟུགས་བཀོལ་ཏེ་སློབ་ཁྲིད་བྱེད་པ། བརྗེ་རེས་སྐུལ་སྤེལ་བྱེད་པ་སོགས་ཀྱི་བྱེད་ཐབས་སྤྱད་དེ་གཙོ་བོར་རྒྱན་མཁོའི་ཁ་སྐད་ཤེས་བྱར་སློབ་སྦྱོང་བྱས་པ་དང་དངོས་ཡོད་བརྗེ་རེས་དང་ཕན་ཚུན་སྐུལ་སྤེལ་སློབ་སྦྱོང་བྱེད་པར་དོ་སྣང་བྱས་ནས་མི་རེ་རེས་ཨ་མདོའི་སྐད་སློབ་པ་དང་མི་རེ་རེས་སྐད་རིགས་གཉིས་བཀོལ་བའི་སྣང་ཚུལ་བཟང་བོ་བསྐྲུན།