ཡུན་ནན་བདེ་ཆེན་གྱིས་བོད་རྒྱའི་སྐད་གཉིས་སློབ་གསོའི་སྣ་འཛོམས་ཅན་གྱི་མི་སྣ་སྐྱེད་སྲིང་བྱས།

     ཡུན་ནན་བདེ་ཆེན་བོད་རིགས་རང་སྐྱོང་ཁུལ་སློབ་གསོ་ཅུའུ་ནས་རྒྱུས་ལོན་བྱས་པ་ལྟར་ན། ས་གནས་དེ་གའི་སློབ་འབྲིང་དང་སློབ་ཆུང་དག་ཏུ་སྤྱིར་བཏང་ལོ་རིམ་གསུམ་པའི་ཡན་ནས་བོད་ཡིག་སློབ་ཁྲིད་བཀོད་སྒྲིག་བྱས་ཏེ་སློབ་མར་ཆེས་རྨང་གཞིའི་སྦྱོར་ཀློག་དང་བོད་ཡིག་ཤེས་བྱ་སློབ་ཁྲིད་བྱེད་བཞིན་ཡོད།
     མིག་སྔར་བདེ་ཆེན་ཁུལ་གྱིས་འབད་པ་ཆེན་པོས་བོད་རྒྱའི་སྐད་གཉིས་སློབ་གསོའི་མ་ལག་འཐུས་ཚང་དུ་བཏང་སྟེ་བོད་ཡིག་བྲིས་གཟུགས་དང་བོད་ཀྱི་བཟོ་བཀོད་སྒྱུ་རྩལ། བོད་ཀྱི་རིག་གནས་ཀྱི་ལྟ་སྐོར་སྣེ་ཤན་པའི་ཤེས་བྱ་སོགས་ཀྱི་སློབ་ཁྲིད་གསར་དུ་བསྣན་ཏེ་སྣ་འཛོམས་རང་བཞིན་གྱི་མི་སྣ་སྐྱེད་སྲིང་བྱས།