མཚོ་ལྷོ་ཁུལ་ཨ་མདོའི་བོད་ཀྱི་གཙགས་དྲུབ་ལས་རིགས་སློབ་གྲྭའི་གསོ་སྦྱོང་བྱ་བར་གྲུབ་འབྲས་མངོན་གསལ་ལྡན་པ།

མཚོ་ལྷོ་ཁུལ་ཨ་མདོའི་བོད་ཀྱི་གཙགས་དྲུབ་ལས་རིགས་སློབ་གྲྭའི་
གསོ་སྦྱོང་བྱ་བར་གྲུབ་འབྲས་མངོན་གསལ་ལྡན་པ།

མཚོ་ལྷོ་ཁུལ་ཨ་མདོའི་བོད་ཀྱི་གཙགས་དྲུབ་ལས་རིགས་སློབ་གྲྭའི་
གསོ་སྦྱོང་བྱ་བར་གྲུབ་འབྲས་མངོན་གསལ་ལྡན་པ།

     2013ལོའི་ཟླ7པའི་ཚེས2ལ་བཙུགས་ཤིང2014ལོའི་ཟླ9བར་ལས་སྒོ་ཕྱེས་པའི་མཚོ་ལྷོ་ཁུལ་ཨ་མདོའི་བོད་ཀྱི་གཙགས་དྲུབ་ལས་རིགས་སློབ་གྲྭ་ནི་ཟི་ལིང་གྲོང་ཁྱེར་སྐྱེས་མའི་ལས་རིགས་ནུས་རྩལ་གསོ་སྦྱོང་སློབ་གྲྭ་དང་མཚོ་ལྷོ་ཁུལ་བི་ཤ་ཀརྨ་མི་རིགས་ལག་བཟོས་ཐོན་རྫས་ཚད་ཡོང་འགན་འཁྲི་ཀུང་ཟི་གཉིས་ཀྱིས་མ་དངུལ་བཏང་ཞིང་མཚོ་ལྷོ་ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུའུ་ཡིས་ཞིབ་བཤེར་ཆོག་མཆན་བཀོད་དེ་བཙུགས་པའི་ཆེད་དུ་སྐྱེས་མའི་ནུས་རྩལ་ལ་ཁ་གཏད་པའི་གསོ་སྦྱོང་ལས་ཁུངས་ཤིག་ཡིན། དེའི་དགེ་རྒན་གྱི་དཔུང་སྡེ་སྟོབས་ཆེ་ཞིང་སློབ་སྒྲུབ་ཀྱི་ཉམས་མྱོང་ཕུན་སུམ་ཚོགས་པ། བསླབ་གཞིའི་སྒྲིག་བཀོད་ཚན་རིག་དང་ལྡན་པ་སོགས་ཀྱི་ཁྱད་ཆོས་ལྡན། མིག་སྔའི་བར། བསྡོམས་པས་གསོ་སྦྱོང་འཛིན་གྲྭ་སྤེལ་ཐེངས6དང་གསོ་སྦྱོང་ལ་ཞུགས་པའི་སྐྱེས་མ300ལྷག་ལ་བུད་ལ། སྤྱི་ཚོགས་ལས་རིགས་སོ་སོའི་ཁས་ལེན་དང་གདེང་འཇོག་ལེགས་པོ་ཐོབ།
     གསོ་སྦྱོང་བྱ་བར་དབུལ་སྐྱོར་སྡེ་ཁག་གིས་རྒྱབ་སྐྱོར་ཆེན་པོ་གནང་བས་བྱ་བ་སོ་སོ་བདེ་བླག་ངང་སྤེལ་བ་དང་། གསོ་སྦྱོང་ལ་ཞུགས་པའི་མི་སྣའི་ལས་ཞུགས་བྱེད་ཚད་དེ80％ཡན་ཟིན། ད་སྔའི་བར་གསོ་སྦྱོང་བྱ་བ་དེ་མཚོ་ལྷོ་ཁུལ་གྱི་རྫོང3དང་གྲོང་རྡལ5། སྡེ་བ6ལ་ཁྱབ་པ་སྟེ། ཁྲི་ཀ་རྫོང་གི་ཀ་རིང་ཡུལ་ཚོའི་ཚེ་འགུ་སྡེ་བ་དང་། ཀབ་རོན་གཞུང་ཡུལ་ཚོའི་ཁ་སྒང་གོང་མ། ཆུ་ནུབ་གྲོང་རྡལ་གྱི་ཆུ་ཁོལ་ཁྲེ་ཙེ་གོང་མ། གསེར་ཆེན་རྫོང་ཆབ་ཆ་གྲོང་རྡལ་གྱི་ཟོར་རྒྱལ་སྡེ་བ། བྲག་དཀར་རྫོང་ཆུ་སྔོན་གྲོང་རྡལ་འབྲས་ཐང་སྡེ་བ་དང་ཐོན་ཅེ་སྡེ་བ་བཅས་ཡིན་པ་དང་། སྔ་གཞུག་ཏུ་བསྡོམས་པས་གསོ་སྦྱོང་མ་དངུལ་སྒོར436800བཏང་།