མཚོ་ནུབ་ཁུལ་དུར་ལམ་རྫོང་དུ《གེ་སར་སྒྲུང》གི་སྒྲུང་དཔེ་བྲིས་མ་ཁག་གཉིས་རྙེད་པ།

　　ཉེ་ཆར། མཚོ་སྔོན་ཞིང་ཆེན་མཚོ་ནུབ་ཁུལ་དུར་ལམ་རྫོང་སྒུ་རི་ཡུལ་ཚོ་རུ་དམངས་ཁྲོད་དུ་ཁྱབ་པའི《གེ་སར་སྒྲུང》གི་སྒྲུང་དཔེ་བྲིས་མ་གཉིས་རྙེད་པ་རེད།
　　རྒྱུས་ལོན་བྱུང་བ་ལྟར་ན་སྒྲུང་དཔེ་བྲིས་མ་དེ་གཉིས་ནི་དུར་ལམ་རྫོང་སྒུ་རི་ཡུལ་ཚོའི་སྡེ་དམངས་ཏིང་འཛིན་རྡོ་རྗེ་ལགས་ཀྱིས་དུས་རབས་སྔོན་མའི་ལོ་རབས70པའི་ནང་ཡུལ་དེ་གའི་དམངས་ཁྲོད་ཀྱི་སྒྲུང་བཤད་ལྟར་ཡིག་ཐོག་ཏུ་བཀོད་པའི་སྒྲུང་དཔེ་གཉིས་ཏེ། 《འཁྲུངས་རབས》དང《བདུད་འདུལ》གཉིས་ཡིན་པ་རེད།
　　སྒྲུང་དཔེ་བྲིས་མ་དེ་གཉིས་རྙེད་པར་བརྟེན《གེ་སར་སྒྲུང》དེ་ས་ཁུལ་མི་གཅིག་པ་རུ་དར་ཁྱབ་བྱུང་བ་དང་། ལྷག་པར་དུ་བོད་སོག་འདུས་སྡོད་ཀྱི་ས་ཁུལ་དུ་དར་ཚུལ་ལ་ཞིབ་འཇུག་བྱེད་པར་དོན་སྙིང་གལ་ཆེན་ལྡན་པ་རེད།