བོད་ལྗོངས་དཔེ་མཛོད་ཁང་གི་དཔེ་ཁྲིད་མུན་སེལ་སྒྲོན་མེ་ཞེས་པའི་བྱ་འགུལ་སྤེལ་འགོ་བརྩམས་པ།

2013ལོའི་ཟླ5པའི་ཚེས30ཉིན་བོད་ལྗོངས་དཔེ་མཛོད་ཁང་གི་དཔེ་དེབ་ལྟ་ཀློག་ཅེས་པའི་བྱ་འགུལ་སྤེལ་འགོ་ཚུགས་པའི་མཛད་སྒོ།(རྒྱུ་ཆའི་པར་རིས)

　　རྒྱུས་ལོན་པ་ལྟར་ན་བོད་ལྗོངས་དཔེ་མཛོད་ཁང་གིས་བོད་ལྗོངས་སྤྱི་ཚོགས་ཚན་རིག་ཁང་གི་ཞིབ་འཇུག་པ་ཆེན་མོ་པ་སངས་དབང་འདུས་ལགས་གདན་དྲངས་ནས་ཟླ4པའི་ཚེས6ཉིན་བོད་ཀྱི་གནའ་རབས་ལོ་རྒྱུས་ལྟ་བ་དང་དེ་དང་འབྲེལ་བའི་གནའ་བོའི་བོད་ཀྱི་ལོ་རྒྱུས་ཡིག་རྙིང་སྐོར་ནས་དཔེ་ཁྲིད་གནང་རྒྱུ་རེད།
　　བོད་ལྗོངས་དཔེ་མཛོད་ཁང་གིས་གཙོ་གཉེར་བྱས་པའི་དཔེ་དེབ་ལྟ་ཀློག་ཅེས་པའི་བྱ་འགུལ་དེ་ནི2013ལོའི་ཟླ5པའི་ཚེས30ཉིན་འགོ་བརྩམས་ཤིང་། དེ་ལས"བོད་ལྗོངས་དཔེ་མཛོད་ཁང་གི་དཔེ་ཁྲིད་མུན་སེལ་སྒྲོན་མེ"ཞེས་པའི་ལེ་ཚན་ཁྲོད་བོད་རིག་པའི་ཆེད་མཁས་མང་པོ་གདན་དྲངས་ནས་དཔེ་ཁྲིད་གནང་གིན་ཡོད་པ་རེད། བྱ་འགུལ་དེས་དམངས་ཡོངས་ཀྱི་སྤྱིའི་རིག་གནས་ཆུ་ཚད་མཐོར་འདེགས་སུ་གཏོང་ཐུབ་པར་མ་ཟད།  སློབ་ཆེན་པ་དང་བོད་ཀྱི་རིག་གནས་ཞིབ་འཇུག་བྱེད་མཁན་རྣམས་ཀྱིས་བོད་ཀྱི་རིག་གནས་ལ་རྒྱུས་ལོན་དང་ཞིབ་འཇུག་བྱེད་པར་མཐུན་རྐྱེན་བསྐྲུན་པ་རེད།