སྟག་རྩེ་རྫོང་ཤིང་ཚང་གྲོང་ཚོར་རིན་མེད་དཔེ་ཀློག་གི་བྱེད་སྒོ་སྤེལ་བ།

      ཉེ་ལམ། བོད་རང་སྐྱོང་ལྗོངས་གསར་འགྱུར་དཔེ་སྐྲུན་ཁོངས་གཏོགས་ཀྱི་དཔེ་དེབ་འགྲེམ་སྟོན་དང་རིན་མེད་ལྟ་ཀློག་བྱེད་སྒོ་ལྷ་ས་གྲོང་ཁྱེར་སྟག་རྩེ་རྫོང་བདེ་ཆེན་གྲོང་རྡལ་ཤིང་ཚང་གྲོང་ཚོར་བདེ་བླག་ངང་སྤེལ།
      བོད་རང་སྐྱོང་ལྗོངས་གསར་འགྱུར་དཔེ་སྐྲུན་ཅུའུ་དཔེ་དེབ་འགྲེམ་སྤེལ་དོ་དམ་ཁྲུའི་འགོ་གཙོ་གཞོན་པ་བདེ་སྐྱིད་ཀྱིས་མཚམས་སྦྱོར་གནང་བ་ལྟར་ན། དཔེ་དེབ་འགྲེམ་སྟོན་དང་རིན་མེད་ལྟ་ཀློག་གི་བྱེད་སྒོ་འདི་ནི་བོད་རང་སྐྱོང་ལྗོངས་ཀྱི་འགྲེམ་སྟོན་ལྔའི་བྱེད་སྒོའི་ནང་དོན་གཙོ་གྲས་ཡིན་ཞིང༌། བྱེད་སྒོ་དེ་སྤེལ་བ་ནི་རོང་འབྲོག་མང་ཚོགས་ཀྱི་ཚན་རྩལ་ཤེས་བྱའི་ཆུ་ཚད་མཐོ་རུ་གཏོང་བ་དང་། རོང་འབྲོག་མང་ཚོགས་ཀྱིས་དཔེ་དེབ་ལེགས་པོ་གང་མང་ལྟ་བར་ཁྲིད་སྟོན་བྱེད་རྒྱུ་དེ་ཡིན་པ་རེད།