ཡུན་ནན་དུ་སེམས་ཀྱི་ཉི་ཟླའི་ཞིབ་འཇུག་ཚོགས་པ་བཙུགས་པ།

སེམས་ཀྱི་ཉི་ཟླའི་ཡུལ་གྱི་བཀོད་པ།

　　ཟླ6པའི་ཚེས29ཉིན། ཡུན་ནན་ཞིང་ཆེན་སེམས་ཀྱི་ཉི་ཟླའི་ཞིབ་འཇུག་ཚོགས་པ་དངོས་སུ་བཙུགས་པ་དང་། དེ་སྔའི་བདེ་ཆེན་བོད་རིགས་རང་སྐྱོང་ཁུལ་གྱི་ཁུལ་ཨུའི་ཧྲུའུ་ཅི་སྐལ་བཟང་དོན་གྲུབ་ལགས་ཚོགས་གཙོར་བདམས་པ་རེད། ཚོགས་པ་དེ་ནི་རྒྱལ་ནང་གི་སེམས་ཀྱི་ཉི་ཟླའི་དམངས་ཁྲོད་ཚོགས་པའི་ཞིབ་འཇུག་ལས་ཁུངས་ཐོག་མ་ཡིན་ཞིང་། དེས་སེམས་ཀྱི་ཉི་ཟླའི་ཡུལ་གྱི་ལོ་རྒྱུས་རིག་གནས་སོགས་ལ་ཞིབ་འཇུག་བྱས་ནས་བོད་ཀྱི་རིག་གནས་དར་སྤེལ་དུ་གཏོང་བར་སྐུལ་སྤེལ་བྱེད་པ་ཡིན།
　　སེམས་ཀྱི་ཉི་ཟླའི་ཞིབ་འཇུག་ཚོགས་པ་ལ་ཁོངས་མི200ལྷག་ཡོད་པར་མ་ཟད། མི་རིགས་བྱ་བ་གཉེར་བཞིན་པའི་འགོ་ཁྲིད་དང་ཆེད་མཁས་སོགས་བློ་འདྲི་བར་གདན་འདྲེན་ཞུས་ཡོད་པ་རེད།