བོད་ལྗོངས་ཀྱི་ཞིབ་འཇུག་སློབ་མའི་འཕར་ཚད30%ལ་བསླེབས་པ།

            ཉེ་སྔོན། བོད་ལྗོངས་སློབ་གསོ་ཐིན་ནས་རྒྱུས་ལོན་བྱུང་བ་ལྟར་ན་བོད་རང་སྐྱོང་ལྗོངས་སུ་ཞིབ་འཇུག་སློབ་མའི་སློབ་གསོའི་གཞི་རྒྱ་མུ་མཐུད་དུ་ཆེ་རུ་ཕྱིན་ཏེ་མིག་སྔར་སློབ་གྲྭ་ཆེན་མོའི་ཞིབ་འཇུག་སློབ་མའི་འཕར་ཚད30%ལ་བསླེབས་པ་རེད།
            ཉེ་བའི་ལོ་ནང་རང་སྐྱོང་ལྗོངས་ཀྱི་སློབ་གསོའི་བཅོས་སྒྱུར་མུ་མཐུད་དུ་གཏིང་ཟབ་ཏུ་སོང་བ་དང་། ཚན་རིག་ཞིབ་འཇུག་དང་རིག་ཚན་གྱི་ཆུ་ཚད་མུ་མཐུད་དུ་མཐོ་རུ་བཏེགས་པ། སློབ་གྲྭ་ཆེན་མོའི་ཆེད་ལས་སྒྲིག་གཞི་ཇེ་ལེགས་སུ་བཏང་ནས་ཡོན་གནས་དང་ཞིབ་འཇུག་སློབ་མའི་སློབ་གསོའི་བྱ་བ་མུ་མཐུད་དུ་གོང་སྤེལ་བྱུང་། མིག་སྔའི་བར་དུ་རང་སྐྱོང་ལྗོངས་སུ་བསྡོམས་པས་མཐོ་རིམ་སློབ་གྲྭ6དང་། མཐོ་རིམ་སློབ་གྲྭའི་དངོས་གཞིའི་ཆེད་ལས་སློབ་གནས130། ཆེད་ཚན་ཆེད་ལས་སློབ་གནས131། རབ་འབྱམས་པའི་སློབ་གནས23། སློབ་གྲྭ་རུ་ཡོད་པའི་ཞིབ་འཇུག་སློབ་མའི་འཕར་ཚད30%ལ་བསླེབས། མཐོ་རིམ་སློབ་གསོའི་རགས་རྩིས་བྱས་པའི་སློབ་གྲྭར་འགྲིམ་ཚད27.4%ཡིས་ཇེ་མཐོར་སོང་། མཐོ་རིམ་སློབ་གྲྭའི་ཆེད་བསྐོས་དགེ་རྒན3500ལྷག་ལ་བསླེབས་ཤིང་། ད་ལྟའི་མཐོ་རིམ་སློབ་གསོའི་གཞི་རྒྱ་དེ་རང་སྐྱོང་ལྗོངས་ཀྱི་མི་གྲངས་ས་ཡ3གྱི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་ཆུ་ཚད་དང་ཕལ་ཆེར་བསྟུན་ཐུབ་པ་རེད།