མཁན་པོ་ཚུལ་ཁྲིམས་བློ་གྲོས་ལ་རྩོམ་རིག་གཟེངས་རྟགས་ཀྱི་བྱ་དགའ་ཐོབ་པ།

འཛམ་གླིང་སྐད་ཡིག་གི་སྐྱེ་འཆིའི་ལོ་རྒྱུས་
བསྡུས་པ་ལུག་རྫི་རྒན་པོའི་ཀི་སྒྲ

         བོད་ཀྱི་སྐད་ཡིག་ནི་བསིལ་ལྡན་གངས་རིའི་ལྗོངས་ཀྱི་ཆོས་དང་རིག་གཞུང་སྲུང་སྐྱོབ་བྱེད་པར་ཕན་ནུས་རླབས་ཆེན་ཐོན་པའི་ལམ་བུ་ཞིག་ཡིན་ཞིང་། ཀླུ་སྨྱོན་རྩོམ་རིག་བྱ་དགའི་ཚོགས་ཆུང་གིས་རང་གི་སྐད་ཡིག་གིས་གཙོས་པའི་རིག་གཞུང་རྒྱུན་འཛིན་དང་སྲུང་སྐྱོབ་བྱེད་པའི་དམིགས་ཡུལ་བཅངས་ཏེ་ཀླུ་སྨྱོན་རྩོམ་རིག་བྱ་དགའི་ལས་འགུལ་སྤེལ།

མཁན་པོ་ཚུལ་ཁྲིམས་བློ་གྲོས་ལ་རྩོམ་རིག་གཟེངས་རྟགས་ཐོབ།

         ལས་འགུལ་ཐེངས་གཉིས་པའི་ནང་བོད་མི་མང་པོ་ཞིག་གིས་འོས་བསྡུའི་ལམ་ནས་གསེར་རྟ་བླ་རུང་མཁན་པོ་ཚུལ་ཁྲིམས་བློ་གྲོས་ལགས་ཀྱི་རྩོམ་དེབ《འཛམ་གླིང་སྐད་ཡིག་གི་སྐྱེ་འཆིའི་ལོ་རྒྱུས་བསྡུས་པ་ལུག་རྫི་རྒན་པོའི་ཀི་སྒྲ》ཞེས་པ་དེ་ཐེངས་འདིའི་ཀླུ་སྨྱོན་རྩོམ་རིག་བྱ་དགའ་འབུལ་ཡུལ་དུ་བདམས།