བོད་ཀྱི་ཁྲིམས་ལུགས་རིག་པའི་འབུམ་རམས་པ་ལུང་བ་རིན་ཆེན་གྱི་རིག་གཞུང་ཆེད་རྩོམ་ལ་བྱ་དགའ་ཐོབ་པ།
ལུང་བ་རིན་ཆེན་ལགས་ཀྱི་རིག་གཞུང་ཆེད་རྩོམ《སྤྱི་ཚོགས་རིང་ལུགས་ཀྱི་ཁྲིམས་སྐྱོང་འཛུགས་སྐྲུན་དང་བོད་ཀྱི་ཁྲིམས་ལུགས་
རིག་གནས་བར་གྱི་འབྲེལ་བར་ཞིབ་འཇུག》།
རྒྱུས་ལོན་བྱུང་བ་ལྟར་ན2012ལོའི“ཀན་སུའུ་ཞིང་ཆེན་གྱི་སློབ་ཆེན་ཚན་རྩལ་ཡར་རྒྱས་བྱ་དགའ་དང་སྤྱི་ཚོགས་ཚན་རིག་གི་ཕུལ་བྱུང་གྲུབ་འབྲས་བྱ་དགའ”ཡི་དཔྱད་འདེམས་དང་། “རྒྱལ་ཁབ་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་སྐབས་གཉིས་པའི་མི་རིགས་གནད་དོན་ཞིབ་འཇུག་གི་ཕུལ་བྱུང་གྲུབ་འབྲས་བྱ་དགའ”དཔྱད་འདེམས་ཁྲོད། ཀྲུང་གོ་སྲིད་ཁྲིམས་སློབ་ཆེན་གྱི་ཁྲིམས་ལུགས་རིག་པའི་འབུམ་རམས་པའམ་ནུབ་བྱང་མི་རིགས་སློབ་ཆེན་གྱི་ཁྲིམས་ལུགས་རིག་པའི་སློབ་གླིང་གི་འཆད་ཁྲིད་དགེ་རྒན་ལུང་བ་རིན་ཆེན་ལགས་ཀྱི་རིག་གཞུང་ཆེད་རྩོམ《སྤྱི་ཚོགས་རིང་ལུགས་ཀྱི་ཁྲིམས་སྐྱོང་འཛུགས་སྐྲུན་དང་བོད་ཀྱི་ཁྲིམས་ལུགས་རིག་གནས་བར་གྱི་འབྲེལ་བར་ཞིབ་འཇུག》ཅེས་པར“ཀན་སུའུ་ཞིང་ཆེན་གྱི་སློབ་ཆེན་སྤྱི་ཚོགས་ཚན་རིག་གི་ཕུལ་བྱུང་གྲུབ་འབྲས་བྱ་དགའ”ཡི་ཁྲོད་ཨང་དང་པོ་ཐོབ་རྗེས། པེ་ཅིང་གི“རྒྱལ་ཁབ་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་གི་སྐབས་གཉིས་པའི་མི་རིགས་གནད་དོན་ཞིབ་འཇུག་གི་ཕུལ་བྱུང་གྲུབ་འབྲས་བྱ་དགའ”དཔྱད་འདེམས་ཁྲོད་ཨང་གསུམ་པ་ཐོབ་པ་རེད།
