དོར་ཞི་སྙིང་རྗེ་ཚོགས་པས་དཔའ་ལུང་རྫོང་དོར་ཞི་སྡེ་བ་ནས་བྱམས་བརྩེའི་བྱ་འགུལ་སྤེལ་བ།

སློབ་མ་རྣམས་ཀྱིས་དགུན་ལྭ་གསར་བ་ལག་ཏུ་བཟུང་ནས་གདོང་ལ་
འཛུམ་ཤར།(པར་རིས་ཡོངས་ཁུངས།  མཚོ་སྔོན་བོད་རིགས་དྲ་བ།)

སློབ་གྲོགས་ཆུང་ཆུང་གིས་ལྭ་བ་གྱོན་བཞིན་པ།(པར་རིས་ཡོངས་ཁུངས།  མཚོ་སྔོན་བོད་རིགས་དྲ་བ།)

          ཉེ་ཆར། ནུབ་བྱང་མི་རིགས་སློབ་ཆེན་གྱི་སློབ་མ་འགའ་དང་དོར་ཞི་སྙིང་རྗེ་ཚོགས་པའི་ལས་བཟོ་བ་རྣམས་ཀྱི་བྱམས་དང་སྙིང་རྗེའི་སེམས་པ་དེ་འཁུར་ནས་ལེ་བར་བརྒྱ་ཕྲག་གི་བཅད་པའི་གནའ་མཁར་ལན་གྲུ་ནས་དཔའ་ལུང་རྫོང་དོར་ཞི་སྡེ་བའི་སློབ་ཆུང་གི་བྱིས་པ་དག་ལ་གྲང་ངར་གྱི་མངར་ཁ་བཅོམ་པའི་དགུན་ལ་དང་། ཡི་གེ་སྦྱངས་བྱེད་ཀྱི་འབྲི་དེབ་ལ་སོགས་པའི་དངོས་པོ་གང་མང་ཞིག་རང་ཉིད་ཀྱི་གསོག་དངུལ་ལ་བརྟེན་ནས་དགུན་འགོ་མ་ཚུགས་གོང་དུ་དཔའ་ལུང་རྫོང་དོར་ཞི་སྡེ་བའི་སློབ་ཆུང་དུ་བསྐྱལ་ནས་བྱིས་པ་དག་ལ་ཕུལ་བ་རེད།

དོར་ཞི་སྙིང་རྗེ་ཚོགས་པས་སློབ་གྲོགས་ཆུང་ཆུང་རྣམས་ལ་གྲ་སྒྲིག་བྱས་པའི་
ཞ་སྨྱུག(པར་རིས་ཡོངས་ཁུངས།  མཚོ་སྔོན་བོད་རིགས་དྲ་བ།)

དོར་ཞི་སྙིང་རྗེ་ཚོགས་པའི་ཚོགས་མི་དང་དོར་ཞི་སྡེ་བའི་སློབ་མ་རྣམས་ཀྱི་
ལྷན་རྒྱས།(པར་རིས་ཡོངས་ཁུངས།  མཚོ་སྔོན་བོད་རིགས་དྲ་བ།)

          དོར་ཞི་སྙིང་རྗེ་ཚོགས་པའི་འགན་ཁུར་བ་སློབ་གྲོགས་འཇམ་དབྱངས་ལགས་ཀྱིས་ལོ་འདི་འགའི་རིང་དོར་ཞི་སྙིང་རྗེ་ཚོགས་པ་ལ་ཕུལ་བའི་དཀའ་སྡུག་དང་ཉམས་མྱོང་། སྤྱི་ཚོགས་སྟེང་གི་མི་གང་མང་ལ་འབྲེལ་གཏུག་བྱས་ཏེ་རོགས་སྐྱོར་བྱེད་སའི་གནས་ཚུལ་དང་ཚོགས་པ་འདི་བཙུགས་པའི་དམིགས་ཡུལ་སོགས་ངོ་སྤྲོད་བྱས་བའི་རྐྱེན་གྱིས་ཐེངས་འདིའི་བྱ་འགུལ་ལ་ཡང་ཀུའེ་ལེན 1+1སྤྱི་ཚོགས་བྱམས་བརྩེ་ཚོགས་པའི་མ་དངུལ་དང་དངོས་ཟོག་སོགས་ཀྱི་རྒྱབ་སྐྱོར་མཛད་པ་རེད།