དཔེ་དེབ《བོད་ལྗོངས་མིག་ལོང་བྱིས་པའི་འོད་སྣང》པར་སྐྲུན་བྱས་པ།
རྩོམ་པ་པོ།：ལྷ་མོ་ཚེ་སྐྱིད།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2011-08-29
ཀློག་གྲངས།：
《བོད་ལྗོངས་མིག་ལོང་བྱིས་པའི་འོད་སྣང》དཔེ་དེབ་ཀྱི་མདོན་ཤོག
ཉེ་ལམ། དཔེ་དེབ《བོད་ལྗོངས་མིག་ལོང་བྱིས་པའི་འོད་སྣང》ཞེས་པ་གླིང་ལྔའི་ཁྱབ་བསྒྲགས་པར་སྐྲུན་ཁང་གིས་པར་སྐྲུན་བྱས་ཤིང་། འདི་ནི་བྱམས་སེམས་ཀྱིས་ཕྱུག་པའི་ཡི་གེ་དང་པར་རིས་ཟུང་འབྲེལ་གྱི་དཔེ་ཆ་ཞིག་ཡིན་ལ། འདིའི་ནང་འཇར་མན་མིག་ལོང་བུད་མེད་སཱ་པོ་ལི་ཡཱ་དང་པོའོ་ལོ་གཉིས་ཀྱིས་བོད་ལྗོངས་མིག་ལོང་བྱིས་པའི་སློབ་གྲྭ་བཙུགས་པའི་གཏམ་རྒྱུད་དང་། བོད་ལྗོངས་པར་ལེན་པ་ཁྲིག་ཀང་གིས་ལོ་ངོ10ལ་རྒྱུན་ཆད་མེད་པར་མིག་ལོང་བྱིས་པའི་འཚོ་བ་པར་དུ་བླངས་བ་དང་བྱམས་ལྡན་མི་སྣ་དང་ཁེ་ལས་པ་གང་མང་ཞིག་ལ་མིག་ལོང་སློབ་གྲྭར་རོགས་རམ་རྒྱབ་སྐྱོར་བྱེད་དུ་བཅུག་པའི་གཏམ་རྒྱུད། བོད་ལྗོངས་མིག་ལོང་བྱིས་པའི་འོད་སྣང་གི་སེམས་ཁམས་དངོས་ཀྱི་ཞིབ་འབྲི། བྱིས་པ་ཚོས་མུན་ནག་ཁྲོད་འོད་སྣང་འཚོལ་བ་དང་རྨི་ལམ་འཚོལ་བའི་གཏམ་རྒྱུད། དེ་མིན་མིག་ལོང་བྱིས་པ་ཚོ་བྱམས་སེམས་ཀྱིས་ཁེངས་བའི་འཇིག་རྟེན་ན་འཚར་ལོང་བྱུང་བའི་གཏམ་རྒྱུད་སོགས་འདུས་ཡོད།
《བོད་ལྗོངས་མིག་ལོང་བྱིས་པའི་འོད་སྣང》དཔེ་དེབ་མདུན་ཤོག་སྟེང་གི་པར་རིས།
《བོད་ལྗོངས་མིག་ལོང་བྱིས་པའི་འོད་སྣང》ཞེས་པ་འདི་ནི་བྱམས་ལྡན་མི་སྣ་གང་མང་གིས་བྱམས་སེམས་ཕྲེང་དུ་བརྒྱུས་པའི་གཏམ་རྒྱུད་ཅིག་ཡིན་ལ། ལྐོག་ཏུ་གཟིགས་རྟོགས་དང་བྱམས་སྙིང་རྗེ་སྒོམ་པའི་མི་གང་མང་ཞིག་གིས་མིང་ཐོ་ཙམ་ཡང་མེད་པར་བོད་ལྗོངས་མིག་ལོང་བྱིས་པ་རྣམས་ལ་དྲོད་ཁོལ་སྦྱིན་པའི་གཏམ་རྒྱུད་ཀྱང་ཡིན། རྒྱུས་ལོན་བྱས་པ་ལྟར་ན། དཔེ་ཆ་འདིའི་བསྡུ་སྒྲིག་དང་པར་རིས་མཁོ་སྤྲོད་པ་ནས། དཔེ་ཆ་ཡོངས་ཀྱི་རྩོམ་སྒྲིག་དང་། པར་སྐྲུན། ཁྱབ་སྤེལ་སོགས་གོ་རིམ་ཐམས་ཅད་སྤྱི་ཚོགས་ལས་རིགས་ཁག་གི་བྱམས་ལྡན་མི་སྣའི་བྱམས་དང་སྙིང་རྗེའི་སྟོབས་ཤུགས་ལས་ཡོངས་སུ་ལེགས་འགྲུབ་བྱུང་ཞིང་། དཔེ་ཆ་འགྲེམ་ཚོང་བྱས་པའི་ཡོང་སྒོ་ཡོད་ཚད་བོད་ལྗོངས་མིག་ལོང་སློབ་གྲྭར་ཕུལ་ཏེ་མ་འོངས་འཕེལ་རྒྱས་བྱེད་པའི་དངུལ་རྩ་གསོག་ཉར་བྱེད་འཆར་ཡོད་པ་རེད།
《བོད་ལྗོངས་མིག་ལོང་བྱིས་པའི་འོད་སྣང》དཔེ་དེབ་མདུན་ཤོག་གི་ནང་མ།
མཚམས་སྦྱོར་བྱས་པ་ལྟར་ན། 《བོད་ལྗོངས་མིག་ལོང་བྱིས་པའི་འོད་སྣང》པར་སྐྲུན་བྱས་རྗེས། ཅང་སུའུ་ཡི་ཁེ་ལས་ཀྱིས་ལྷ་སའི་མིག་ལོང་སློབ་གྲྭ་དང་གཞིས་ཀ་རྩེ་ཡན་ལག་སློབ་གྲྭའི་བྱིས་པ་རྣམས་ལ་ཆེད་དུ་ཉི་འོད་ནུས་པའི་ཚ་དམ་འཕྲུལ་ཆས་ཉོས་པ་དང་། གཞིས་ཀ་རྩེ་ཡན་ལག་སློབ་གྲྭའི་ནང་དུའང་མིག་ལོང་བྱིས་ཆུང་གླིང་ཞིག་བཙུགས་པ་རེད།
