གུང་ཧོ་རྫོང་མི་རིགས་བཅའ་སྡོད་སློབ་ཆུང་གཉིས་བའི་ལུས་རྩལ་འགྲན་ཚོགས།
གུང་ཧོ་རྫོང་མི་རིགས་བཅའ་སྡོད་སློབ་ཆུང་གཉིས་བའི་ལུས་རྩལ་འགྲན་ཚོགས་ཡུལ་དངོས།
གོང་རིམ་ལས་ཁུངས་དང་འགོ་ཁྲིད། དགེ་བཟོ་བ་ཡོངས་ཀྱི་རྒྱབ་སྐྱོར་དང༌། རྩ་འཛུགས་ཚན་ཆུང་གི་ཧུར་བརྩོན་སྒོས། གུང་ཧོ་རྫོང་མི་རིགས་བཅའ་སྡོད་སློབ་ཆུང་གཉིས་བའི་སྐབས་གཉིས་པའི་ལུས་རྩལ་འགྲན་ཚོགས་འདི་ཉེ་སྔོན་དངོས་སུ་འགོ་བརྩམས་པ་རེད།
མཚོ་ལྷོའི་སློབ་གསོའི་སྒྲིག་གཞི་སྙོམས་སྒྲིག་བྱས་ཏེ་ལོ་གཉིས་འགོར་བའི་དུས་འདིར། གུང་ཧོ་རྫོང་མི་རིགས་བཅའ་སྡོད་སློབ་ཆུང་གཉིས་བའི་བྱ་བཞག་མཐའ་དག་ལ་སྐྱེས་སྟོབས་ཀྱི་དཔལ་འབར་ཞིང་། དོན་ལྡན་གྱི་འབྲས་བཟང་སྨིན་ལ། ཐེངས་འདིའི་ལུས་རྩལ་འགྲན་ཚོགས་ཀྱང༌མཐུན་སྒྲིལ་དང་། ཧུར་བརྩོན། འབད་པ། འགྲན་སློང་གི་བསམ་བློའི་འོག སྦྱོང་བརྡར་དང་། དྲང་བདེན། འགྲན་རྩོད། མཛའ་བརྩེ་ནི་འགྲན་བསྡུར་གྱི་ཁ་ཕྱོགས་ཡིན་པ་ལག་བསྟར་བྱས་ཏེ། སློབ་རའི་རིག་གནས་སྣ་མང་ཕུན་ཚོགས་དང་སློབ་རའི་བསམ་པའི་དཔལ་ཡོན་འཛུགས་སྐྲུན་དང་། ཐུན་མོང་གི་འདུ་ཤེས་སྲ་བརྟན། དགེ་སློབ་ཡོངས་ཀྱི་གཟུགས་གཞིའི་སྤུས་ཚད་མཐོར་འདེགས་ཡོང་བར་སྐུལ་སློང་ཆེན་པོ་ཐོབ་ཅིང་། ལུས་རྩལ་པ་རྣམས་ཀྱིས་མཛའ་བརྩེ་དང་པོ་དང་འགྲན་བསྡུར་གཉིས་པའི་ཁ་གཡང་ཇི་བཞིན། རང་སོ་སོའི་ཁྱད་ཆོས་དང་ཆུ་ཚད་མངོན་ལ། མདུན་སྐྱོད་ཀྱི་སྙིང་སྟོབས་ཆེན་པོས་གཡུར་ཟའི་གྲུབ་འབྲས་ཐོབ་པར་བརྩོན་པ་ལྷུར་ལེན་བྱེད་ཀྱི་ཡོད།
འགྲན་བསྡུར་གྱི་གོ་རིམ་ཁྲོད་དུ། ལུས་རྩལ་པས་ཡ་རབས་སྤྱོད་བཟང་གི་འགྲན་བསྡུར་རྣམ་པ་བརྩོན་ལེན་དང༌། ཤན་འབྱེད་པས་རང་འགན་དང་དུ་བླངས་ནས། དྲང་བདེན། ཚད་ལྡན་གྱིས་ཤན་འབྱེད་བྱས་ཏེ། ལུས་རྩལ་འགྲན་ཚོགས་འདིས་སློབ་གྲྭའི་ལོ་རྒྱུས་ཀྱི་སྒོ་མོ་གསར་བ་ཞིག་ཕྱེ་བྱུང་།
ཐེངས་འདིའི་ལུས་རྩལ་འགྲན་ཚོགས་ཀྱིས་སློབ་གྲྭའི་མཐུན་སྒྲིལ་གྱི་དཔུང་རྡང་སྦྲེལ་ཞིང་འགྲན་རྩོད་ཀྱི་སྙིང་སྟོབས་འབར་ལ། མཛའ་བརྩེ་ཡི་འཛུམ་མདངས་དང༌། དྲང་བདེན་གྱི་འགྲན་རྩོད་ལས་དགེ་སློབ་ཡོངས་ཀྱི་རེ་ལྟོས་སྔར་ལས་ཟབ་ཅིང་། མུ་མཐུད་དུ་ཡ་རབས་སྤྱོད་བཟང་དར་སྤེལ་སྒོས་སྔར་མེད་གྲུབ་འབྲས་ལེན་པར་ཡིད་ཆེས་དང་སྤོབས་པས་ཁེངས་པ་རེད།
