བོད་ལྗོངས་ཀྱི་ཡིག་ཚགས་ལས་དོན་རྒྱུན་ཆད་མེད་པར་འཕེལ་རྒྱས་དང་ཡར་ཐོན་བྱུང་བ།

            “ལོ་ལྔ་ཚན་བཅུ་གཅིག་པའི་”རིང་ལྗོངས་ཡོངས་ཀྱི་རིམ་ཁག་ཡིག་ཚགས་སྡེ་ཚན་གྱིས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལྟེ་བའི་ལས་དོན་ལ་དམ་པོར་དམིགས་ནས་འཕེལ་རྒྱས་དང་བརྟན་ལྷིང་གི་ཁྱོན་ཡོངས་ལ་ཞབས་འདེགས་ཞུས་ཏེ་ཚན་རིག་དང་མཐུན་པའི་གོང་འཕེལ་ལྟ་བ་ལག་བསྟར་དོན་འཁྱོལ་ནན་ཏན་བྱས་ནས་ལས་དོན་གྱི་དཀའ་གནད་རྒྱུན་ཆད་མེད་པར་སྒྲོལ་བས་སྒྱུར་བཅོས་གསར་གཏོད་ཁྲོད་ཡིག་ཚགས་ལས་དོན་རྒྱུན་ཆད་མེད་པར་འཕེལ་རྒྱས་དང་ཡར་ཐོན་བྱུང་ཡོད།
            “ལོ་ལྔ་ཚན་བཅུ་གཅིག་པའི”རིང་ལྗོངས་ཡོངས་ཀྱི་རྫོང་ཡིག་ཚགས་ཁང74ཚང་མར་སྒོ་བྱང་བསྒར་ནས་བཙུགས་པ་དང་། རང་སྐྱོང་ལྗོངས་ཡིག་ཚགས་ཁང་གི་ལས་སྒོའི་ཐོག་བརྩེགས་ཁང་གསར་ལེགས་གྲུབ་བྱུང་ནས་བེད་སྤྱོད་བྱེད་པ་དང་ལྷ་ས་གྲོང་ཁྱེར་ཡིག་ཚགས་ཁང་གི་ཁང་གསར་འཛུགས་སྐྲུན་བྱ་རྒྱུ་དེ་ཅང་སུའུ་ཞིང་ཆེན་གྱི་སྐྲུན་རོགས་རྣམ་གྲངས་ནང་བཅུག་ནས་སྐྲུན་འགོ་ཚུགས་ཡོད་ཅིང་། རང་སྐྱོང་ལྗོངས་ཡིག་ཚགས་ཁང་གི་ཁང་གསར་འཛུགས་སྐྲུན་གྱི་རྣམ་གྲངས་དེ་རང་སྐྱོང་ལྗོངས་ཀྱི“ལོ་ལྔ་ཚན་བཅུ་གཉིས་པའི”འཛུགས་སྐྲུན་རྣམ་གྲངས་ནང་བཅུག་ཡོད།
            “ལོ་ལྔ་ཚན་བཅུ་གཅིག་པའི”དུས་མཇུག་བར་ལྗོངས་ཡོངས་ཀྱི་རིམ་ཁག་ཡིག་ཚགས་སྡེ་ཚན་གྱི་ཡིག་ཚགས་ཁང་དུ་ཡིག་ཚགས་པོད་ཁྲི373ལྷག་ཙམ་ཉར་ཡོད། ལས་ཁུངས་དང་བྱ་གཞག་ཚན་པའི་ཡིག་ཆ་དང་དཔྱད་ཡིག་ཆ་ཚང་ཉར་ཚགས་བྱེད་པ་དང་དུས་མཚུངས་སུ།   རིམ་ཁག་ཡིག་ཚགས་སྡེ་ཚན་གྱིས་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་དམངས་འཚོ་ལེགས་སུ་གཏོང་བའི་བྱ་ཐབས་གལ་ཆེན་ལ་དོ་སྣང་དམ་ཟབ་བྱས་ནས་ཞིང་འབྲོག་པའི་བདེ་སྡོད་ལས་གྲྭ་དེ་ཚད་བརྒལ་ཡོང་སར་བརྩིས་ཏེ་སྤྱི་ཚོགས་རིང་ལུགས་ཀྱི་གྲོང་གསེབ་གསར་པ་འཛུགས་སྐྲུན་དང་། སྤྱི་ཚོགས་འགན་སྲུང་། ས་ཞིང་དང་རྩྭ་ར་རྒྱུན་འཁོར། ནགས་ཚལ་བདག་དབང་སྒྱུར་བཅོས་སོགས་ཉེ་བའི་ལོ་ཤས་རིང་གསར་དུ་ཆགས་པའི་དམངས་འཚོའི་ཡིག་ཚགས་ལ་དུས་ཐོག་ཏུ་ཡིག་ཚགས་བཟོ་རྒྱུར་མཛུབ་ཁྲིད་དང་ཡིག་ཚགས་ཐོན་ཁུངས་འཛུགས་སྐྲུན་གྱི་མ་ལག་ནང་བཅུག་ཡོད།
            “ལོ་ལྔ་ཚན་བཅུ་གཅིག་པའི”རིང་རྒྱལ་ཁབ་དང་རང་སྐྱོང་ལྗོངས་ཀྱི་ནོར་སྲིད་ཀྱིས་སྔ་རྗེས་སུ་སྒོར་ཁྲི་སྟོང་ཕྲག་ཁ་ཤས་བཏང་ནས་རང་སྐྱོང་ལྗོངས་ཀྱི་རྒྱལ་ཁབ་ཀྱི་གཙོ་གནད་ཡིག་ཚགས་མྱུར་སྐྱོབ་དང་སྲུང་སྐྱོབ་ཐད་བེད་སྤྱོད་བྱས་པས་རང་ལྗོངས་ཀྱི་རྒྱལ་ཁབ་ཀྱི་གཙོ་གནད་ཡིག་ཚགས་མྱུར་སྐྱོབ་དང་སྲུང་སྐྱོབ་ལས་དོན་ལ་སྐུལ་འདེད་ཀྱི་ནུས་པ་ཐོན་ཡོད།  “ལོ་ལྔ་ཚན་བཅུ་གཅིག་པའི”དུས་མཇུག་བར་ཡིག་ཚགས་པོད་ཁྲི50ལྷག་ཙམ་མྱུར་སྐྱོབ་དང་ཉམས་གསོ་བྱས་པས་རྒྱལ་ཁབ་ཀྱི་གཙོ་གནད་ཡིག་ཚགས་དང་ལྷག་པར་དུ་སྟོངས་ཉེར་ཡོད་པའི་ཡིག་ཚགས་དུས་ཐོག་ཏུ་མྱུར་སྐྱོབ་དང་ནུས་ལྡན་ངང་སྲུང་སྐྱོབ་བྱས་ནས་ཡིག་ཚགས་སྤྱོད་ཡུན་ཧ་ཅང་རིང་དུ་བཏང་ཡོད།