བོད་ལྗོངས་ཡོངས་ཀྱི་ལས་བྱེད་པའི་སློབ་གསོའི་སྦྱོང་བརྡར་གྱི་མཉམ་འབྲེལ་ཚོགས་འདུ་ཐེངས་དང་པོ་ལྷ་སར་འཚོགས་པ

            སྤྱི་ཚེས22ཉིན་གྱི་སྔ་དྲོ།   བོད་ལྗོངས་ཡོངས་ཀྱི་ལས་བྱེད་པའི་སློབ་གསོའི་སྦྱོང་བརྡར་གྱི་མཉམ་འབྲེལ་ཚོགས་འདུ་ཐེངས་དང་པོ་ལྷ་སར་འཚོགས་པ་རེད། 
            ཚོགས་འདུའི་ཐོག  བོད་ལྗོངས་ཏང་ཨུད་ཀྱི་ཏང་གི་སློབ་གྲྭ་དང་སྲིད་འཛིན་སློབ་གླིང་གི་སྤྱི་ལོ2011ལོའི་འཛིན་གྲྭ་གཉེར་བའི་འཆར་གཞི་བརྡ་ཁྱབ་བཏང་བ་དང་། བོད་རང་སྐྱོང་ལྗོངས་ཀྱི་སྤྱི་ལོ2010ལོ་ནས་སྤྱི་ལོ2020ལོ་བར་གྱི་ལས་བྱེད་པའི་སློབ་གསོའི་སྦྱོང་བརྡར་བསྒྱུར་བཅོས་རྩ་གནད་ལག་བསྟར་དོན་འཁྱོལ་བྱེད་རྒྱུའི་སྐོར་གྱི་ལག་བསྟར་བསམ་འཆར་གྱི་ལས་འགན་ལས་བགོས་ཇུས་གཞི་དང་། སྤྱི་ལོ2011ལོའི་ལྗོངས་ཡོངས་ཀྱི་ལས་བྱེད་པའི་སྦྱོང་བརྡར་ལས་དོན་གྱི་རྩ་གནད་ལ་གྲོས་བསྡུར་བྱས་ནས་གྲོས་འཆམ་བྱུང་བ་མ་ཟད། བོད་ལྗོངས་ཀྱི་ལས་བྱེད་པའི་སློབ་གསོའི་སྦྱོང་བརྡར་བསྒྱུར་བཅོས་དང་། སྤྱི་ལོ2011ལོའི་ལས་བྱེད་པའི་སློབ་གསོའི་སྦྱོང་བརྡར་ལས་དོན་ལ་སྐུལ་འདེད་གཏོང་རྒྱུའི་ཐད་བཞུགས་མོལ་དང་སྤེལ་རེས་བྱས་པ་རེད།