logo

ནུབ་བྱང་མི་རིགས་སློབ་ཆེན་གྱིས་སློབ་མ་གསར་བ་བསུ་བའི་དགོང་ཚོགས་སྤེལ་བ།

རྩོམ་པ་པོ།:ལྷ་མོ་ཚེ་སྐྱིད། ཡོང་ཁུངས།:མཚོ་སྔོན་པོ་དྲ་བ། དུས་ཚོད།:2010-12-06 ཀློག་གྲངས།:


གཞས་བྲོ་འཁྲབ་སྟོན།    པར་མཁན་རྟ་མགྲིན་རྒྱལ།

  ཟླ12པའི་ཚེས4ཉིན་གྱི་ཆུ་ཚོད7གྱི་སྟེང་།  ནུབ་བྱང་མི་རིགས་སློབ་ཆེན་བོད་སྐད་ཡིག་རིག་གནས་སློབ་གླིང་གིས་སྐབས་བཅུ་བདུན་པའི་སློབ་མ་གསར་བ་བསུ་བའི་དགོང་ཚོགས་འདི་ཁྲང་ཀོན་ཆུས་སྒྱུ་རྩལ་ཚོགས་ཁང་ཆེན་མོ་རུ་སྤེལ་ཞིང་།སློབ་གླིང་གི་ཧྲུའུ་ཅི་ཁུན་ཅིན་ཏྲུའུ་དང་། སློབ་དཔོན་ཆེན་མོ་དགེ་འདུན་བསམ་གཏན།  དགེ་རྒན་སངས་རྒྱས་བསོད་ནམས་སོགས་དགོང་ཚོགས་ལ་ཞུགས་པ་རེད། 
  དགོང་ཚོགས་འདིར་སློབ་ཆེན་སློབ་མ་རྣམས་ཀྱིས་རང་ཉིད་ཀྱི་གོ་སྐབས་དམ་འཛིན་བྱས་ཏེ།   དུས་ཡུན་རིང་བོར་འབད་འབུངས་བྱས་པའི་འབྲས་བུ་སྐད་ཅིག་གི་གར་སྟེགས་སུ་ངོམས་པ་ཡིན་ལ། རང་རང་གིས་སྒྲིག་འཁྲབ་བྱས་པའི་བྲོ་གར་དང་། གླུ་གཞས།  རྡུང་ལེན།  རྒྱ་གར་གྱི་ཞབས་བྲོ།  སྲང་ལམ་ཞབས་བྲོ་སོགས་རྣམ་པ་སྣ་མང་ཅན་གྱི་སྒོ་ནས་གཟིགས་མོ་བ་རྣམས་ཀྱི་མིག་དབང་འཕྲོག་པར་བྱས་པ་དང་།   ལྟད་མོ་བ་རྣམས་ཀྱིས་སྤྲོ་བའི་ཐེལ་མོ་རྡེབ་ཏེ་ཁོ་ཚོའི་འཁྲབ་སྟོན་ལ་ཡིད་ཚིམས་པའི་ཉམས་སྣང་གིས་ཁེངས་ཤིང་།    མཐར་མར་རྩྭ་ཐང་གི་གླག་རྒོད་ཅེས་པ་ལས་དགོང་ཚོགས་ཀྱི་མཇུག་སྒྲིལ་པར་བྱས། 
  འདི་ལྟ་བུའི་སྒྱུ་རྩལ་དགོང་ཚོགས་བརྒྱུད་དེ་སློབ་མ་དག་གིས་བསླབ་ཚན་ཁོ་ན་ལས་བརྒལ་ཏེ་ཕྱོགས་གཞན་ཞིག་ནས་རང་ཉིད་སྦྱོང་བརྡར་བྱེད་པར་ཉམས་མྱོང་ལེན་ཐུབ་ཀྱི་ཡོད་པ་དང་།   སློབ་སྦྱོང་བྱེད་པ་ནི་འཚོ་བ་དངོས་ལ་ཁ་གཏད་པ་ཡིན་ན།   འདི་ལྟ་བུའི་དགོང་ཚོགས་འཁྲབ་སྟོན་ལས་ཁོ་ཚོས་ཕྱོགས་གང་མང་ཞིག་ནས་རང་ཉིད་ཀྱི་ལེགས་པའི་ཆ་དང་ད་དུང་ཁ་གསབ་བྱེད་དགོས་པའི་ཆ་དེ་ཤུགས་དྲག་སྒོས་རྟོགས་ཐུབ་ཀྱི་ཡོད་པ་རེད།   དེར་བརྟེན།  ཁོ་ཚོར་རྗེས་ཕྱོགས་སུ་མདུན་སྐྱོད་ཀྱི་འདུན་མ་སྔར་ལས་དྲག་ལ།   མ་འོངས་རེ་བཞག་དང་སྤྲོ་སེམས་རྒྱས་པའི་འཚོ་བ་ལ་ཡར་བསྐྱེད་ཀྱི་བསམ་འདུན་དེ་ལས་ཅུང་བརྟན་པོ་ཡོད་སྲིད། 


འབྲེལ་ཡོད་འོས་སྦྱོར།