༄༅༎མཐོ་འབྲིང་དང་སློབ་འབྲིང་གི་སློབ་འགོ་ཚུགས་པའི་དུས་ཚོད་གཏན་འཁེལ་བྱས།

ཟི་ལིང་གྲོང་ཁྱེར་སློབ་གསོ་སྡེ་ཁག་ནས་རྒྱུས་ལོན་པ་ལྟར་ན། མཚོ་སྔོན་ཞིང་ཆེན་མི་དམངས་སྲིད་གཞུང་གི་བརྡ་ཁྱབ་ཨང་རྟགས15པ་དང་། ཞིང་ཆེན་སློབ་གསོ་དོ་དམ་སྡེ་ཁག་གཙོ་བོའི་བླང་བྱ། གྲོང་ཨུ་གཞུང་སྒྲུབ་ཁང་དང་གྲོང་ཁྱེར་སྲིད་གཞུང་གཞུང་སྒྲུབ་ཁང་གིས་དཔར་འགྲེམས་བྱས་པའི 《སློབ་གྲྭའི་ཏོག་གསར་གློ་ཚད་ཀྱི་རིམས་ནད་སྔོན་འགོག་ཚོད་འཛིན་དང་དཔྱིད་དུས་སློབ་འགོ་ཚུགས་པའི་བྱ་བ་སྔར་ལས་གཅིག་གྱུར་སྒོས་ལག་བསྟར་བཟང་པོ་བྱེད་པའི་སྐོར་གྱི་བརྡ་ཐོ》ཡི་དགོངས་དོན་གཞིར་བཟུང་སྟེ། ཟི་ལིང་གྲོང་ཁྱེར་གྱི་མཐོ་གསུམ་རིམ་པས་ཟླ3པའི་ཚེས11ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། མཐོ་གཉིས་རིམ་པས་ཟླ3པའི་ཚེས12ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། མཐོ་གཅིག་རིམ་པས་ཟླ3པའི་ཚེས13ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། དམའ་གསུམ་རིམ་པས་ཟླ3པའི་ཚེས18ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། དམའ་གཉིས་རིམ་པས་ཟླ3པའི་ཚེས19ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། དམའ་གཅིག་རིམ་པས་ཟླ3པའི་ཚེས20ཉིན་མིང་ཐོ་དགོད་དགོས་པར་མ་ཟད་སློབ་ཁྲིད་ལ་ཞུགས་དགོས། སློབ་ཆུང་དང་བྱིས་གཉོར་ཁང་། སྤྱི་ཚོགས་ཁག་གི་ལས་རིགས་སོ་སོའི་སློབ་གསོའི་གསོ་སྦྱོང་ལས་ཁུངས་བཅས་ཀྱིས་སློབ་འགོ་ཚུགས་པའི་དུས་ཚོད། རིམས་ནད་ཀྱི་གནས་བབས་དང་གོང་རིམ་གྱི་སློབ་གསོའི་དོ་དམ་སྡེ་ཁག་གི་བླང་བྱ་ལྟར་བརྡ་ཐོ་གཏང་དགོས། དེ་མིན་ཕྱོགས་སོ་སོ་ནས་རིམས་འགོག་བྱ་བ་དང་སློབ་གྲྭའི་བདེ་འཇགས་ཐད་ཀྱི་བྱེད་ཐབས་སྣ་ཚོགས་སྔར་ལས་དོན་འཁྱོལ་བྱས་ཏེ། དགེ་སློབ་ཀྱི་བདེ་ཐང་གི་ཁག་ཐེག་དང་སློབ་གསོའི་སློབ་ཁྲིད་ཀྱི་སྒྲིག་རིམ་ལ་སྲུང་སྐྱོབ་བྱ་དགོས་པ་རེད།