༄༅།།མཚོ་ལྷོ་ཁུལ་དཔེ་མཛོད་ཁང་གིས་དམངས་ཡོངས་དཔེ་ཀློག་ལ་མཐོང་ཆེན་དང་དཔེ་ཆ་བའི་ལས་ཁུངས་འཛུགས་སྐྲུན་གྱི་དཔེ་ཀློག་ཁྱབ་སྤེལ་བྱ་འགུལ་སྤེལ།

དེ་རིང་ནི་འཛམ་གླིང་དཔེ་ཀློག་ཉིན་མོ་ཨང25བ་ཡིན་ཞིང་། མཚོ་ལྷོ་ཁུལ་དཔེ་མཛོད་ཁང་གིས་དཔེ་ཆ་བའི་ལས་ཁུངས་འཛུགས་སྐྲུན་བྱེད་པའི་ནུས་པ་འདོན་སྤེལ་དང་། དམངས་ཡོངས་དཔེ་ཀློག་རྒྱ་ཆེར་སྤེལ་ཞིང་། ཁུལ་ཡོངས་ཀྱི་རིགས་སོ་སོའི་མི་དམངས་མང་ཚོགས་ཀྱི་དཔེ་ཀློག་སྤྲོ་སེམས་མཐོར་འདེགས་སུ་གཏོང་ལ། རྒྱ་ཆེ་བའི་ཀློག་པ་པོ་རྣམས་དཔེ་ཀློག་ཁྲོད་སློབ་སྦྱོང་གི་དགའ་སྤྲོ་མྱོང་བར་བྱེད་པ། མུ་མཐུད་དུ་རང་སྟེང་གི་དཔེ་ཀློག་ནུས་པ་མཐོར་འདེགས་སུ་གཏོང་བ་དང་དཔེ་ཀློག་གི་གོམས་གཤིས་ལེགས་པོ་ཆགས་པར། ཟླ4བའི་ཚེས23ཉིན་གྱི་སྔ་དྲོར། མཚོ་ལྷོ་ཁུལ་དཔེ་མཛོད་ཁང་གི་ཐང་ཆེན་དུ་དམངས་ཡོངས་དཔེ་ཀློག་ལ་མཐོང་ཆེན་དང་དཔེ་ཆ་བའི་ལས་ཁུངས་འཛུགས་སྐྲུན་གྱི་དཔེ་ཀློག་ཁྱབ་སྤེལ་བྱ་འགུལ་སྤེལ། དམངས་ཡོངས་དཔེ་ཀློག་ལ་མཐོང་ཆེན་དང་དཔེ་ཆ་བའི་ལས་ཁུངས་འཛུགས་སྐྲུན་གྱི་དཔེ་ཀློག་ཁྱབ་སྤེལ་བྱ་འགུལ་ནི་འཛམ་གླིང་དཔེ་ཀློག་ཉིན་མོའི་བྱ་འགུལ་བརྗོད་གཞི་ལ་གཞིགས་ཏེ། མཚོ་ལྷོ་ཁུལ་དཔེ་མཛོད་ཁང་གི་དྲ་རྒྱའི་ལེགས་ཆ་བེད་སྤྱོད་གང་ལེགས་དང་། དྲ་ལམ་དུ་ཞབས་ཞུའི་དྲིལ་སྒྲོག་ཁྱབ་སྤེལ་བྱེད་པ་གཙོས་ཁྱབ་རྒྱ་ཆུང་བའི་བྱ་འགུལ་ཟུར་རྒྱན་སྒོས། དཔེ་ཆ་བ་ལས་ཁུངས་སུ་སྐྱོད་པ་དང་། གསར་བརྗེའི་གསུང་རབ་དཔེ་ཀློག་གྱེར་འདོན། ཕུལ་བྱུང་ཀློག་པ་པོར་འབུལ་རྟེན་ཕུལ་བ། དམངས་ཡོངས་ཀྱིས་གྲོས་འདོན་ཡི་གེ་ཀློག་པ་སོགས་ཀྱི་བྱ་འགུལ་སྤེལ་ཏེ། དཔེ་ཆ་བའི་མཚོ་ལྷོ་འཛུགས་སྐྲུན་དང་། དམངས་ཡོངས་དཔེ་ཀློག་ལ་སྐུལ་བའི་མཚུངས་སུ། མཚོ་ལྷོ་ཁུལ་གྱི་རིག་གནས་དང་། རང་བྱུང་མཛེས་ལྗོངས། མི་ཆོས་སོགས་ཁྱད་ལྡན་རིག་གནས་ཐོན་ཁུངས་འགྲེམ་སྟོན་གནང་།