༄༅།།གསེར་ཆེན་རྫོང་གི་དམངས་ཕན་སློབ་གསོའི་སྲིད་ཇུས།

དང་པོ། བྱིས་པའི་བདག་སྐྱོང་སློབ་ཡོན་མེད་པར་བཟོས་པ། 
ལོ་བཅོ་ལྔའི་རིན་མེད་སློབ་གསོའི་ཁྱབ་ཁོངས་སུ་གཏོགས་པའི་བྱིས་པ་སྟེ། སློབ་སྔོན་ལོ་རིམ་དང་པོ(བྱིས་སྐྱོང་ཁང་གི་འཛིན་གྲྭ་ཆེ་བ)ལ་བྱིས་པའི་བདག་སྐྱོང་སློབ་ཡོན་ཚད་གཞི་ལྟར་སྒོར2200དང་། སློབ་སྔོན་ལོ་རིམ་གཉིས་པ་དང་གསུམ་པར(འཛིན་གྲྭ་འབྲིང་བ་དང་འཛིན་གྲྭ་ཆུང་བ)བྱིས་པ་བདག་སྐྱོང་གི་སློབ་ཡོན་ཚད་གཞི་ལྟར་སྒོར1200དང་། རྫོང་རིམ་པས་སློབ་སྔོན་ལོ་རིམ་གཉིས་པ་དང་གསུམ་པར་བྱིས་པ་གཅིག་ལ་ལོ་རེར་ཆ་སྙོམས་སྒོར250ཡི་བདག་སྐྱོང་སློབ་ཡོན་གྱི་ཁ་གསབ་སྤྲོད་པ་ཡིན། 
གཉིས་པ། བྱིས་པར་འཚོ་བའི་ཁ་གསབ་སྤྲོད་པ།
གསེར་ཆེན་རྫོང་ཡང་རྨ་འབྲི་རྫ་གསུམ་མགོ་ཁུངས་ས་ཁུལ་དུ་གཏོགས་པས་སློབ་སྔོན་གྱི་ལོ་རིམ་དང་པོའི་བྱིས་པར་ལོ་རེར་ཆ་སྙོམས་སྒོར1500ཡི་ཚད་གཞི་ལྟར་འཚོ་བའི་ཁ་གསབ་ཐོབ་ཀྱིན་ཡོད།
གསུམ་པ། རྨ་འབྲི་རྫ་གསུམ་ས་ཁུལ་གྱི་རོང་འབྲོག་པའི་སློབ་ཆེན་སློབ་མར་བྱ་དགའི་རོགས་དངུལ་སྤྲོད་པ།
ལོ་དེར་མཐོ་རྒྱུགས་ལ་ཞུགས་པ་དང་མཐོ་རིམ་སློབ་གྲྭས་ཁེར་བསྡུའི་རྒྱུགས་གཞིར་ཞུགས་ཏེ་སློབ་ཆེན་དུ་རྒྱུགས་འཕྲོད་ཅིང་། གསེར་ཆེན་རྫོང་གི་རོང་འབྲོག་པའི་ཁྱིམ་ཐོ་ཡིན་པའི་ཆེད་སྦྱོང་སློབ་མར་སྒོར6000ཡི་བྱ་དགའི་རོགས་དངུལ་སྤྲོད་པ་དང་། དངོས་གཞི་སློབ་མར་འཚོ་བའི་ཁ་སྣོན་ལ་སྒོར10000བྱ་དགའི་རོགས་དངུལ་སྤྲོད་པ་ཡིན། 
མཐོ་རིམ་སློབ་གྲྭར་གསར་དུ་ཞུགས་པའི་དཔལ་འབྱོར་དཀའ་ངལ་ཆེ་བའི་ཁྱིམ་ཚང་གི་སློབ་མའི་རྣམ་གྲངས(འགྲིམ་འགྲུལ་གྱི་རིན་པ)ཞིང་ཆེན་དང་ཁུལ་སློབ་གསོའི་སྡེ་ཁག་གིས་སྤྲོད་པའི་དམིགས་ཚད་གཞིར་བཟུང་ནས། ལོ་དེར་དངོས་གཞི་དང་ཆེད་སྦྱོང་སློབ་གླིང་དུ་རྒྱུགས་འཕྲོད་པའི་སློབ་མ་སྟེ། ཞིང་ཆེན་ནང་ཁུལ་གྱི་སློབ་ཆེན་སློབ་མར་སྒོར500དང་། ཞིང་ཆེན་ཕྱིའི་སློབ་ཆེན་སློབ་མར་སྒོར1000རོགས་དངུལ་སྤྲོད་པ་ཡིན། རོགས་དངུལ་སྤྲོད་ཡུལ་ནི་དབུལ་སྐྱོར་མཁྲེགས་གཏོར་ཚགས་སྒྲིག་བྱང་བཟོའམ་མཁར་གྲོངགི་མ་མཐའི་འགན་སྲུང་ཡོད་པའི་ཁྱིམ་ཚང་གི་སློབ་མ་ཡིན། 
བཞི་བ། སློབ་ཡོན་ཙག་ཙིག་མེད་པར་བཟོས་པ། 
གྲོང་བརྡལ་དང་ཡུལ་ཚོའི་འགན་བབས་སློབ་གསོའི་རིམ་པར་སླེབས་པའི་སློབ་མ་ཡོངས་ཀྱི་སློབ་ཡོན་ཙག་ཙིག་མེད་པར་བཟོས་པ། སློབ་ཡོན་ཙག་ཙིག་མེད་པར་བཟོས་རྗེས་སློབ་གྲྭའི་འཁོར་རྒྱུགས་ལ་ཁག་ཐེག་བྱ་ཆེད། སློབ་གྲྭར་སྤྱི་དོན་གྲོན་དངུལ་སྤྲོད་པ་སྟེ། བཅའ་སྡོད་མ་ཡིན་པའི་སློབ་གྲྭར་ལོ་རེར་སློབ་ཆུང་སློབ་མ་གཅིག་ལ་སྒོར1095ཚད་གཞི(ཀྲུང་དབྱང་དང་ཞིང་ཆེན་ནས་སྒོར745བཏང་བ་དང་། ཞིང་ཆེན་རིམ་པ་ནས་བཏང་བའི་སྒོར་མོ་ལ་2016ལོར་སྒོར100དང་། 2017ལོར་འཕར་སྒོར50ཡོད་། གཙང་གསུམ་མགོ་ཁུངས་ཀྱི་ཁ་གསབ་རོགས་དངུལ་ལ་སྒོར200)དང་། བཅའ་སྡོད་སློབ་གྲྭར་ལོ་རེར་སློབ་ཆུང་སློབ་མ་གཅིག་ལ་སྒོར1445སྤྲོད་ཀྱིན་ཡོད(ཀྲུང་དབྱང་དང་ཞིང་ཆེན་ནས་བླངས་པའི་སྒོར་མོ1045དང་། ཞིང་ཆེན་རིམ་པ་ནས་བླངས་པའི་སྒོར་མོ་ལ་2016ལོར་སྒོར100ཡོད་པ་དང་། 2017ལོར་འཕར་སྒོར50ཡོང་། གཙང་གསུམ་མགོ་ཁུངས་ཀྱི་གསབ་དངུལ་ལ་སྒོར200དང་རྫོང་རིམ་པའི་གསབ་དངུལ་སྒོར50)པ་དང་། དམའ་འབྲིང་ལ་སྒོར1645(ཀྲུང་དབྱང་དང་ཞིང་ཆེན་ནས་སྒོར945དང་། ཞིང་ཆེན་རིམ་པ་ནས་བླངས་པའི་སྒོར་མོ་ལ་2016ལོར་སྒོར100ཡོད་པ་དང་། 2017ལོར་འཕར་སྒོར50ཡོད་། གཙང་གསུམ་མགོ་ཁུངས་ཀྱི་གསབ་དངུལ་ལ་སྒོར200དང་། རྫོང་རིམ་པ་ནས་གསབ་དངུལ་སྒོར50)གཏོང་བ་ཡིན། 
ལྔ་བ། བཅའ་སྡོད་སློབ་གྲྭའི་འཚོ་བའི་ཁ་སྣོན་གྱི་རིན་པ་སྤྲོད་པ། 
རོང་འབྲོག་ཁུལ་གྱི་བཅའ་སྡོད་སློབ་མ་དང་གྲོང་ཁྱེར་གྱི་དབུལ་ཕོངས་ཁྱིམ་ཚང་གི་བཅའ་སྡོད་སློབ་མར་འཚོ་བའི་ཁ་གསབ་སྤྲོད་པ་སྟེ། སློབ་ཆུང་སློབ་མ་གཅིག་ལ་ལོ་རེར་སྒོར2100(ཀྲུང་དབྱང་དང་ཞིང་ཆེན་ནས་སྒོར1500དང་། གཙང་གསུམ་མགོ་ཁུངས་ཀྱི་གསབ་དངུལ་ལ་སྒོར100དང་། ཁུལ་རིམ་པའི་གསབ་དངུལ་སྒོར212དང་། རྫོང་རིམ་པ་ནས་གསབ་དངུལ་སྒོར50གཏོང)དང་། དམའ་འབྲིང་སློབ་མ་གཅིག་ལ་སྒོར2300(ཀྲུང་དབྱང་དང་ཞིང་ཆེན་ནས་སྒོར1700དང་། གཙང་གསུམ་མགོ་ཁུངས་ཀྱི་གསབ་དངུལ་ལ་སྒོར100དང་། ཁུལ་རིམ་པའི་གསབ་དངུལ་སྒོར212དང་། རྫོང་རིམ་པ་ནས་གསབ་དངུལ་སྒོར288)གཏོང་བ་ཡིན། 
དྲུག་པ། འཚོ་བཅུད་ལེགས་བཅོས་ཀྱི་འཆར་གཞི། 
ཞིང་སྡེའི(རྫོང་མཁར་མི་འདུ)འགན་བབས་སློབ་གསོའི་སློབ་མར་སློབ་མ་གཅིག་ལ་ལོ་རེར་སྒོར800ཡི་ཚད་གཞི་ལྟར་འཚོ་བཅུད་སྙོམ་སྒྲིག་གི་ཁ་གསབ་རོགས་དངུལ་སྤྲོད་ཀྱིན་ཡོད། 
བདུན་པ། ཁུལ་དྲུག་གི་ཡུལ་གཞན་དུ་འཛིན་གྲྭ་བསྒྲུབ་པར་རོགས་དངུལ་སྤྲོད་པ། 
སློབ་གསོའི་ལས་ཁུངས་ཀྱི་གཅིག་གྱུར་རྩ་འཛུགས་སྒོས་སྐྱེས་ཁུངས་ཁུལ་དྲུག་ནས་ཡིན་པའི་དམའ་འབྲིང་སློབ་མ་ཁུལ་དྲུག་ཕྱི་ཡི་སློབ་གྲྭར་ཞུགས་སུ་འཇུག་པ་དང་། སློབ་མ་དེ་དག་རེ་རེར་སློབ་ལོ་གཅིག་ལ་སློབ་ཡོན་ཙག་ཙིག་ལ་སོགས་སྒོར2300སྤྲོད་རྒྱུ་མེད་པར་བཟོ་བར་མ་ཟད། མི་གཅིག་ལ་ལོ་རེར་སྒོར2200ཚད་གཞི་ལྟར་འཚོ་བའི་རིན་པ་སྤྲོད་ཀྱིན་ཡོད། 
བརྒྱད་པ། སློབ་གཉེར་རོགས་དངུལ། 
སྤྱིར་བཏང་གི་མཐོ་འབྲིང་དུ་ཞུགས་པའི་ཁྱིམ་ཚང་དཀའ་ངལ་ཅན་གྱི་སློབ་མར་སློབ་གྲྭའི་སློབ་མའི་ཁ་གྲངས་ཀྱི30%བསྡུར་ཚད་ལྟར། སློབ་མ་གཅིག་ལ་ལོ་རེར་སྒོར2000ཡི་སློབ་གཉེར་རོགས་དངུལ་སྤྲོད་པ་ཡིན། 
དགུ་བ། སློབ་ཡོན་ཙག་ཙིག་མེད་པར་བྱས་ཤིང་རིན་མེད་དུ་སློབ་དེབ་མཁོ་འདོན་བྱེད་པ། 
2016ལོའི་དཔྱིད་མགོ་ཚུགས་པ་ནས་བརྩམས་ཏེ། དཀྱུས་མའི་མཐོ་འབྲིང་གི་རིན་མེད་སློབ་གསོའི་ཁྱབ་ཁོངས་སུ་གཏོགས་པའི་སློབ་མ་རེར་ལོ་གཅིག་ལ་སྒོར400ཡི་སློབ་ཡོན་ཙག་ཙིག་མེད་པར་བཟོས་པ་དང་། སློབ་མ་རེར་ལོ་གཅིག་ལ་སྒོར400ཡི་ཚད་གཞི་ལྟར་སློབ་དེབ་རོགས་དངུལ་སྤྲོད་ཀྱིན་ཡོད། 
བཅུ་བ། ཁུལ་དྲུག་གི་ཡུལ་གཞན་དུ་འཛིན་གྲྭ་བསྒྲུབ་པར་རོགས་དངུལ་སྤྲོད་པ། 
སློབ་གསོའི་ལས་ཁུངས་ཀྱི་གཅིག་གྱུར་རྩ་འཛུགས་སྒོས་སྐྱེས་ཁུངས་ཁུལ་དྲུག་ནས་ཡིན་པའི་མཐོ་འབྲིངདཀྱུས་མའི་་སློབ་མ་ཁུལ་དྲུག་ཕྱི་ཡི་སློབ་གྲྭར་ཞུགས་ཀྱིན་ཡོད་པ་ལ། སློབ་མ་དེ་དག་རེ་རེར་སློབ་ལོ་གཅིག་ལ་སློབ་ཡོན་ཙག་ཙིག་ལ་སོགས་སྒོར2800སྤྲོད་རྒྱུ་མེད་པར་བཟོ་བར་མ་ཟད། མི་གཅིག་ལ་ལོ་རེར་སྒོར2700ཚད་གཞི་ལྟར་འཚོ་བའི་རིན་པ་སྤྲོད་ཀྱིན་ཡོད། རྫོང་ཡོངས་ཀྱི་སློབ་གྲྭར་ཞུགས་པའི་ནུས་པ་མེད་པའི་རིམ་པ་གསུམ་པའི་དབང་པོ་སྐྱོན་ཅན་གྱི་ལོ་ཆུང་བྱིས་པར་རིན་མེད་དུ་ཁྱིམ་ལ་སོང་ནས་སློབ་ཁྲིད་ཞབས་ཞུ་བསྒྲུབ་པ་ཡིན། 
བཅུ་གཅིག སློབ་ཡོན་ཙག་ཙིག་མེད་པར་བྱས་ཤིང་རིན་མེད་དུ་སློབ་དེབ་མཁོ་འདོན་བྱེད་པ། 
གཙང་གསུམ་མགོ་ཁུངས་ས་ཁུལ་ལ་ལོ་ཧྲིལ་བའི་སློབ་ཁོངས་དངོས་མའི་འབྲིང་རིམ་ལས་རིགས་སློབ་མ་རེར་ལོ་གཅིག་ལ་སྒོར3200ཡི་ཚད་གཞི་ལྟར་སློབ་ཡོན་ཙག་ཙིག་དང་ཉལ་ཁང་། སློབ་དེབ། དྲོད་རླངས་རིན་པ་སོགས་མེད་པར་བཟོས་ཡོད། གཙང་གསུམ་མགོ་ཁུངས་ཕྱའི་ས་ཁུལ་ལ་ལོ་ཧྲིལ་བོའི་སློབ་ཁོངས་དངོས་མའི་འབྲིང་རིམ་ལས་རིགས་སློབ་མ་རེར་ལོ་གཅིག་ལ་སྒོར2000ཡི་ཚད་གཞི་ལྟར་སློབ་ཡོན་མེད་པར་བཟོས་ཡོད་པ་དང་། ལོ་རིམ་དང་པོ་དང་གཉིས་པའི་སློབ་མ་རེར་ལོ་རེར་སྒོར400ཡི་ཚད་གཞི་ལྟར་སློབ་དེབ་མཁོ་འདོན་བྱེད་ཀྱིན་ཡོད། 
བཅུ་གཉིས། སློབ་གཉེར་རོགས་དངུལ། 
འབྲིང་རིམ་ལས་རིགས་སློབ་གསོའི་ཉིན་ཧྲིལ་བོའི་སློབ་ཁོངས་དངོས་མའི་ལོ་རིམ་དང་པོ་དང་གཉིས་པའི་ཞིང་སྡེ་དང་། གྲོང་ཁྱེར་གྱི་ཁྱིམ་ཚང་དབུལ་བོའི་སློབ་མ་དང་ཞིང་ལས་སྐོར་གྱི་ཆེད་ལས་སློབ་མར་སློབ་གཉེར་རོགས་དངུལ་སྤྲོད་ཀྱིན་ཡོད་ཅིང་། སློབ་མ་རེར་ལོ་གཅིག་ལ་སྒོར2000དང་། གཙང་གསུམ་མགོ་ཁུངས་ས་ཁུལ་གྱི་འབྲིང་རིམ་ལས་རིགས་སློབ་གསོའི་སློབ་ཁོངས་དངོས་མའི་ལོ་རིམ་དང་པོ་དང་གཉིས་པའི་སློབ་མ་རེར་ལོ་གཅིག་ལ་སྒོར2000ཡི་སློབ་གཉེར་རོགས་དངུལ་མཁོ་འདོན་བྱེད་པ་དང་། ལོ་རིམ་གསུམ་པའི་སློབ་མར་སྒོར800ཡི་རོགས་དངུལ་སྤྲོད་པ་ཡིན། 
བཅུ་གསུམ། ཁུལ་དྲུག་གི་ཡུལ་གཞན་དུ་འཛིན་གྲྭ་བསྒྲུབ་པར་རོགས་དངུལ་སྤྲོད་པ། 
སྐྱེས་ཁུངས་ཁུལ་དྲུག་ནས་ཡིན་པ་ལ་ཁུལ་དྲུག་མ་ཡིན་པའི་ཡུལ་གཞན་དུ་སློབ་གྲྭར་ཞུགས་པའི་འབྲིང་རིམ་ལས་རིགས་སློབ་མར་རོགས་དངུལ་སྤྲོད་པ་ཡིན། སློབ་མ་རེར་ལོ་གཅིག་ལ་སློབ་ཡོན་ཙག་ཙིག་སོགས་སྒོར3300སྤྲོད་མི་དགོས་པར་བྱས་ཡོད་ཅིང་། མི་གཅིག་ལ་ལོ་རེར་འཚོ་བའི་ཁ་སྣོན་གྱི་རིན་པར་སྒོར3200སྤྲོད་པ(དེའི་ནང་ལོ་རིམ་གསུམ་པའི་སློབ་མར་སྒོར2200སྤྲོད་ཀྱིན་ཡོད)ཡིན། 
རྒྱལ་ཁབ་གསར་སྤེལ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་ནས་སྐྱེས་ཁུངས་ཡུལ་འདིའི་སློབ་གཉེར་རོགས་དངུལ་བསྐྱི་བ། མཐོ་རིམ་སློབ་ཆེན་གྱི་དངོས་གཞི་དང་ཆེད་སྦྱོང་སློབ་མ(སློབ་ཆེན་ད་ཡོད་སློབ་མ)རེར་ལོ་གཅིག་ལ་ཆེས་མཐོ་ནའང་སྒོར8000བསྐྱི་བ་ཡིན། ཞིབ་འཇུག་སློབ་མ་རེར་ལོ་གཅིག་ལ་ཆེས་མཐོ་ནའང་སྒོར12000བསྐྱི་ཐུབ་པ་ཡིན།