༄༅།།མཐོ་རྒྱུགས་ལ་ཞུགས་མཁན་གྱི་སློབ་མར་སྤྲིངས་པའི་འཕྲིན།

ཉེ་ཆར། མཚོ་སྔོན་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གིས་ཞིང་ཆེན་ཡོངས་ཀྱི་མཐོ་རྒྱུགས་རྒྱུགས་སྤྲོད་སློབ་མར་བཏང་བའི་འཕྲིན་ཡིག་ནང་རིམས་ནད་སྔོན་འགོག་ཚོད་འཛིན་དང་། ལད་ཟློས་རེ་འདུན་རེའུ་མིག་སྐོང་བ་སོགས་ཀྱི་འབྲེལ་ཡོད་དོན་ཚན་ཁྱབ་སྒྲོག་བྱས།
རིམས་ནད་སྔོན་འགོག་ཚོད་འཛིན་གྱི་འབྲེལ་ཡོད་དོན་ཚན།
ཏོག་གསར་གློ་ཚད་ཀྱི་ཤུགས་རྐྱེན་ཐེབསཔའི་རྐྱེན་གྱིས། ད་ལོའི་མཐོ་རྒྱུགས་ལ་ཞུགས་སྐབས་སྔོན་ཆད་དང་ཁྱད་པར་ཡོད་དེ། ངེས་པར་དུ་ཐོབ་ཐང་ལག་ཁྱེར་དང་རྒྱུགས་སྤྲོད་འཛིན་ཡིག་ཁྱེར་དགོས་པ་ལས་གཞན།
ཞིང་ཆེན་ནང་ཁུལ་གྱི་རྒྱུགས་སྤྲོད་སློབ་མས་རྒྱུགས་ལེན་གྱི་ཉིན་དང་པོར་གཤམ་གྱི་རྒྱུ་ཆ་དག་སྤྲོད་དགོས། 1.བདེ་ཐང་ཨང་རྟགས། 2.བདེ་ཐང་ལྟ་ཞིབ་ཚད་ལེན་གྱི་ཐོ་འགོད་རེའུ་མིག 3.རིམས་འགོག་ཁས་ལེན་ཡི་གེ་བཅས་སྤྲོད་དགོས། 
ཞིང་ཆེན་ཕྱིའི་མཚོ་སྔོན་དུ་ལོག་པའི་རྒྱུགས་སྤྲོད་སློབ་མས་རྒྱུགས་ལེན་ཉིན་དང་པོར་གཤམ་གྱི་རྒྱུ་ཆ་དག་སྤྲོད་དགོས། 1.བདེ་ཐང་ཨང་རྟགས། 2.བདེ་ཐང་ལྟ་ཞིབ་ཚད་ལེན་གྱི་ཐོ་འགོད་རེའུ་མིག 3.རིམས་འགོག་ཁས་ལེན་ཡི་གེ 4.ཞིང་ཆེན་ནང་ཁུལ་གྱི་སྨན་བཅོས་འཕྲོད་བསྟེན་ལས་ཁུངས་ཀྱིས་བཏོན་པའི་ཏོག་གསར་གློ་ཚད་ཀྱི་ཉིང་སྐྱུར་ཞིབ་དཔྱད་ཚད་ལེན་བྱས་པའི་སྙན་ཞུ་བཅས་སྤྲོད་དགོས།
ལད་ཟློས་རེ་འདུན་རེའུ་མིག་སྐོང་བའི་འབྲེལ་ཡོད་དོན་བྱ།
ད་ལོར། རང་ཞིང་གི་མཐོ་རྒྱུགས་ལད་ཟློས་རེ་འདུན་རེའུ་མིག་སྐོང་བའི་དུས་ཚོད་ནི་ཟླ7པའི་ཚེས10ཉིན་ནས་ཟླ7པའི་ཚེས20ཉིན་བར་ཡིན་པ་རེད། ཞིབ་ཕྲའི་བཀོད་སྒྲིག“མཚོ་སྔོན་སློབ་གསོའི་ཡིག་རྒྱུགས་དྲ་བ”དང་སྐད་འཕྲིན་སྤྱི་རྟགས“མཚོ་སྔོན་ཞིང་ཆེན་གྱི་སློབ་གསོ་སློབ་བསྡུ་རྒྱུགས་ལེན”གྱིས་ཁྱབ་སྒྲོག་བྱས་པའི་འབྲེལ་ཡོད་བརྡ་ཐོ་ལ་དོ་ཁུར་བྱེད་དགོས། རེ་འདུན་རེའུ་མིག་འགོད་པའི་མ་ལག་བཀོལ་སྤྱོད་ཀྱི་བརྒྱུད་རིམ་ལ་རྒྱུགས་སྤྲོད་སློབ་མ་ཚོས《རྒྱུགས་སྤྲོད་སློབ་མའི་རེ་འདུན་རེའུ་མིག་སྐོང་བའི་ལག་དེབ》ལ་ཞིབ་ཕྲའི་བལྟ་དགོས།
རྒྱུགས་སྤྲོད་དུས་ཚོད། 2020ལོའི་ཟླ7པའི་ཚེས7ཉིན་ནས་ཚེས9ཉིན་བར་རེད། རྒྱུགས་སྤྲོད་འཛིན་ཡིག་སྟེང་རྒྱུགས་སྤྲོད་ས་ཚིགས་ཀྱི་ས་གནས་གསལ་པོར་བཤད་ཡོད་ལ། རྒྱུགས་སྤྲོད་ས་ཚིགས་ཀྱིས་རྒྱུགས་སྤྲོད་སློབ་མར་དངོས་སུ་སྒོ་འབྱེད་པའི་དུས་ཚོད། ཟླ7པའི་ཚེས6ཉིན་གྱི་ཕྱི་དྲོ་རེད། རྒྱུགས་ཁུལ་སོ་སོའི་སློབ་བསྡུ་གཞུང་ལས་ཁང་གིས་བཀོད་སྒྲིག་བྱས་པའི་དུས་ཚོད་ལྟར། རྒྱུགས་སྤྲོད་སློབ་མས་རྒྱུགས་སྤྲོད་ཆ་ཚིགས་ཀྱི་སློབ་གྲྭའི་ཁོར་ཡུག་ལ་རྒྱུས་ལོན་བྱས་ཆོག （རྒྱུགས་རའི་ནང་འཛུལ་མི་ཆོག)
“ལག་རྟགས་གཉིས”དང་རིམས་འགོག་རྒྱུ་ཆའི་སྐོར།
རྒྱུགས་རའི་ནང་འགྲོ་སྐབས། རྒྱུགས་སྤྲོད་སློབ་མས“ལག་རྟགས་གཉིས”དང་རིམས་འགོག་རྒྱུ་ཆ་སྟོན་དགོས་པ་ལས་གཞན། ད་དུང་ཐོབ་ཐང་ར་སྤྲོད་མ་ལག་བརྒྱུད་དགོས་པ་དང་། རྒྱུགས་སྤྲོད་སློབ་མའི་ཐོབ་ཐང་ལག་ཁྱེར་དང་། མཛུབ་རིས། ངོ་གདོང་ར་སྤྲོད་བྱས་ཏེ་རྒྱུགས་སྤྲོད་སློབ་མའི་ཐོབ་ཐང་ཞིབ་དཔྱད་བྱེད་དགོས་པ་རེད།  
གསལ་འདེབས།
རྒྱུགས་སྤྲོད་འཛིན་ཡིག་བོར་སོང་ན་ཇི་ལྟར་བསྒྲུབ་དགོས་ཞེས་ན། རྒྱུགས་སྤྲོད་སློབ་མས་ཐོབ་ཐང་ལག་ཁྱེར་འཁྱེར་ནས་རྒྱུགས་ཁུལ་ཁག་གི་སློབ་བསྡུ་གཞུང་དོན་ཁང་དུ་གསབ་གཉེར་བྱེད་པར་བསྐྱོད་ཆོག
ཐོབ་ཐང་ལག་ཁྱེར་བོར་བརླག་བྱུང་ན་ཇི་ལྟར་བསྒྲུབ་དགོས་ཞེ་ན། རྒྱུགས་སྤྲོད་སློབ་མས་རང་ཉིད་གནས་སའི་ཁོངས་གཏོགས་མངགས་གཏོང་ཁང་དུ་གནས་སྐབས་ཐོབ་ཐང་ལག་ཁྱེར་གསབ་སྒྲུབ་བྱེད་པར་བསྐྱོད་ཆོག
རྒྱུགས་སྤྲོད་འཛིན་ཡིག་གམ་ཐོབ་ཐང་ལག་ཁྱེར་བརྗེད་ན་ཇི་ལྟར་བྱེད་དགོས།
“ལག་རྟགས་གཉིས”ཚང་མ་ཁྱེར་མེད་ན་རྩ་དོན་ཐོག་ནས་ཡིག་རྒྱུགས་ནང་ཞུགས་མི་ཆོག་ལ། གལ་ཏེ་རྒྱུགས་སྤྲོད་འཛིན་ཡིག་ཁྱེར་མེད་ན་རྒྱུགས་སྤྲོད་སློབ་མའི་ཐོབ་ཐང་ར་སྤྲོད་བྱས་རྗེས། ཡིག་རྒྱུགས་ནང་ཞུགས་ཆོག་པ་དང་། ཐེངས་རྗེས་མར“ལག་རྟགས་གཉིས”འཁྱེར་དགོས། གལ་ཏེ་ཐོབ་ཐང་ལག་ཁྱེར་ཁྱེར་མེད་ཚེ། ཞིང་ཆེན་སློབ་བསྡུ་གཞུང་དོན་ཁང་གིས་ཡུལ་དངོས་ཀྱི་སྤྱི་བདེ་དང་མཉམ་དུ་རྒྱུགས་སྤྲོད་སློབ་མའི་ཐོབ་ཐང་ལ་ཞིབ་བཤེར་བྱས་ནས་རྒྱུགས་སྤྲོད་དུ་འཇུག་དགོས། ཐེངས་རྗེས་མར“ལག་རྟགས་གཉིས”འཁྱེར་དགོས་པ་རེད།
རྒྱུགས་འབྲས་ཁྱབ་སྒྲོག་བྱེད་པའི་དུས་ཚོད། 2020ལོའི་མཐོ་རྒྱུགས་ཀྱི་རྒྱུགས་འབྲས་ཁྱབ་སྒྲོག་བྱེད་པའི་དུས་ཚོད་ནི་སྔོན་དཔག་བྱས་ན་ཟླ7པའི་ཚེས25ཉིན་ཡིན་པ་རེད།