༄༅།།སྐད་འཕྲིན་ལས་མཐོ་རྒྱུགས་ཀྱི་རྒྱུགས་འབྲས་ལ་བལྟ་ཐུབ།

མཚོ་སྔོན་ཞིང་ཆེན་གྱི་རྒྱུགས་སྤྲོད་སློབ་མས་སྐད་འཕྲིན་སྤྱི་སྟེགས་ཀྱི་ཞབས་ཞུར་བརྟེན་ནས་ད་ལོ་ཡང་མུ་མཐུད་དུ་མཐོ་རྒྱུགས་ཀྱི་རྒྱུགས་འབྲས་ལ་བལྟ་ཐུབ།
རྒྱ་ཆེའི་རྒྱུགས་སྤྲོད་སློབ་མས་མཐོ་རྒྱུགས་ཀྱི་རྒྱུགས་འབྲས་དང་སློབ་བསྡུའི་ཆ་འཕྲིན་སྔོན་ལ་འཚོལ་རྒྱུར་སྟབས་བདེ་བསྐྲུན་ཆེད། ད་ལོ་ཡང་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གིས་སྐད་འཕྲིན་ཞབས་ཞུའི་ལས་སྟེགས་མུ་མཐུད་དུ་བེད་སྤྱོད་བྱས་ཏེ། 2020ལོའི་མཐོ་རྒྱུགས་རྒྱུགས་འབྲས་དང་དེ་བཞིན་སློབ་བསྡུའི་ཆ་འཕྲིན་འོས་སྦྱོར་བྱ་རྒྱུའི་ཞབས་ཞུ་མཁོ་འདོན་བྱས་ཡོད་པས། རྒྱུགས་སྤྲོད་སློབ་མས་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་སྐད་འཕྲིན་སྤྱི་སྟེགས་ཀྱི་ཞབས་ཞུའི་ཨང་གྲངས་ལ་དོ་ཁུར་བྱ་དགོས་པར་མ་ཟད་སྤྱོད་མཁན་རང་ཉིད་ཀྱི་ཨང་གྲངས་དང་སྦྲེལ་མཐུད་བྱས་ཚེ་རྒྱུགས་འབྲས་ལ་བལྟ་ཐུབ།
གཅིག ཞབས་ཞུའི་ཁྱབ་ཁོངས།
2020ལོར་མཐོ་རྒྱུགས་ལ་ཞུགས་མཁན་གྱི་རྒྱུགས་སྤྲོད་སློབ་མ་ཡིན་པའི་སྟེང་རང་ཉིད་ཀྱི་ཨང་གྲངས་དང་སྐད་འཕྲིན་སྦྲེལ་མཐུད་ཡོངས་འགྲུབ་བྱས་ཡོད་པའི་རིགས།
གཉིས། ཞབས་ཞུའི་རྣམ་པ།
1.མཐོ་རྒྱུགས་ཀྱི་རྒྱུགས་འབྲས་དངོས་སུ་ཁྱབ་སྒྲོག་མ་བྱས་པའི་སྔོན་གྱི་སྐར་མ30ཙམ་ལ་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་སྐད་འཕྲིན་སྤྱི་སྟེགས་སུ་རྒྱུགས་སྤྲོད་སློབ་མ་རང་ཉིད་ཀྱི་རྒྱུགས་འབྲས་འོས་སྦྱོར་བྱ་རྒྱུ།
2. རྒྱུགས་སྤྲོད་སློབ་མ་བསྡུ་བའི་ཉིན་དེའི་ཆུ་ཚོད18ཀྱི་རྗེས་སུ་རྒྱུགས་སྤྲོད་སློབ་མའི་སློབ་བསྡུའི་ཆ་འཕྲིན་འོས་སྦྱོར་བྱ་རྒྱུ།
གསུམ། དོ་སྣང་བྱ་ཡུལ།
1.རྒྱུགས་སྤྲོད་སློབ་མས་ངེས་པར་དུ་ཟླ7པའི་ཚེས12ཉིན་གྱི་སྔོན་དུ་མཚོ་སྔོན་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་སྐད་འཕྲིན་སྤྱི་སྟེགས་ཀྱི་ཞབས་ཞུའི་ཨང་རྟགས་ལ་དོ་ཁུར་བྱ་དགོས་པར་མ་ཟད་སྤྱོད་མཁན་དང་སྦྲེལ་མཐུད་བྱ་དགོས།
2.སྤྱོད་མཁན་གྱིས་སྦྲེལ་མཐུད་བྱ་སྐབས་ངེས་པར་དུ་རྒྱུགས་སྤྲོད་སློབ་མ་རང་ཉིད་ཀྱི་རུས་མིང་དང་རྒྱུགས་སྤྲོད་སློབ་མའི་ཨང་གྲངས། འཕྲིན་ཐུང་ར་སྤྲོད་ཨང་གྲངས་སམ་ཡང་ན་རེ་འདུན་ཡར་སྤྲོད་པའི་གསང་གྲངས་བཅས་གསལ་པོར་འབྲི་དགོས། དོ་སྣང་བྱ་དགོས་པ་ཞིག་ལ། ར་སྤྲོད་ཨང་གྲངས་རྩིས་ལེན་བྱེད་པའི་ཁ་པར་ཨང་གྲངས་ནི་ངེས་པར་དུ་སློབ་མས2020ལོའི་མཐོ་རྒྱུགས་ལ་མིང་ཐོ་འགོད་སྐབས་ཕབ་འཇུག་བྱས་པའི་ཞིང་ཆེན་ནང་ཁུལ་གྱི་ལག་འཁྱེར་ཁ་པར་གྱི་ཨང་གྲངས་ཡིན་དགོས། ཁ་པར་ཨང་གྲངས་གཞན་བཀོད་སྤྱོད་བྱ་མི་ཐུབ།
3.རྒྱུགས་སྤྲོད་སློབ་མས་མི་སྒེར་གྱི་སྐད་འཕྲིན་བེད་སྤྱད་དེ་ཐོ་འགོད་བྱ་ཆོག་ལ། ཁྱིམ་བདག་གི་སྐད་འཕྲིན་གྱིས་རྒྱུགས་སྤྲོད་སློབ་མའི་ཚབ་བྱས་ཏེ་ཐོ་འགོད་བྱས་ནའང་ཆོག
4.སྐད་འཕྲིན་སྤྱི་སྟེགས་ཀྱི་ཞབས་ཞུར་དོ་ཁུར་བྱས་མེད་པའི་རྒྱུགས་སྤྲོད་སློབ་མས་སྔར་ཡོད་ཀྱི་བྱ་ཐབས་ལ་བརྟེན་ནས་རྒྱུགས་འབྲས་འདྲི་རྩད་བྱ་ཆོག
5.རྒྱུགས་སྤྲོད་སློབ་མས་ཟླ7པའི་ཚེས10ཉིན་གྱི་སྔོན་ལ་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་སྐད་འཕྲིན་སྤྱི་སྟེགས(qhjyzsks)ལ་དོ་ཁུར་བྱས་ན། ཞིང་ཆེན་རྒྱུགས་ལེན་ཁང་གིས་དུས་ཐོག་ཏུ་སློབ་བསྡུ་རྒྱུགས་ལེན་གྱི་འབྲེལ་ཡོད་ཆ་འཕྲིན་ལ་བལྟ་ཐུབ།
སྦྲེལ་མཐུད་བྱ་ཐབས་ཀྱི་གོ་རིམ།
1.མཚོ་སྔོན་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་སྐད་འཕྲིན་ཞབས་ཞུའི་ཨང་རྟགས་བཤེར་བའམ་སྤྱི་སྟེགས་ཨང་གྲངས（qhsjyks）ལ་དོ་ཁུར་བྱེད་པ། 2.དོ་ཁུར་བྱས་རྗེས་གཡས་ཕྱོགས་ཀྱི་རྒྱུགས་སྤྲོད་ཞབས་ཞུ་བདམས་ཏེ་སྤྱོད་མཁན་སྦྲེལ་མཐུད་ཅེས་པའི་རིམ་པ་དེ་ནོན། དོ་སྣང་བྱ་དགོས་པ་ཞིག་ལ། རྒྱུགས་སྤྲོད་སློབ་མས་མི་སྒེར་གྱི་སྐད་འཕྲིན་བེད་སྤྱད་དེ་ཐོ་འགོད་བྱ་ཆོག་ལ། ཁྱིམ་བདག་གི་སྐད་འཕྲིན་གྱིས་རྒྱུགས་སྤྲོད་སློབ་མའི་ཚབ་བྱས་ཏེ་ཐོ་འགོད་བྱས་ནའང་ཆོག 3.རྒྱུགས་སྤྲོད་སློབ་མའི་ཨང་གྲངས་དང་རུས་མིང་། རེ་འདུན་ཡར་སྤྲོད་པའི་གསང་གྲངས་བཅས་ལ་བརྟེན་ནས་སྦྲེལ་མཐུད་བྱས་ནའང་ཆོག བཞི། སྦྲེལ་མཐུད་ལེགས་འགྲུབ་བྱུང་ན་ཁ་པར་གྱི་འཆར་ངོས་སྟེང་གསལ་བརྡ་འབྱོར་སྲིད། ལྔ། མཐོ་རྒྱུགས་ཀྱི་རྒྱུགས་འབྲས་དང་འབྲེལ་ཡོད་ཆ་འཕྲིན་འོས་སྦྱོར་བྱེད་པ། དྲུག སློབ་བསྡུའི་ཆ་འཕྲིན་འོས་སྦྱོར་བྱེད་པ། གསལ་འདེབས། རྒྱུགས་སྤྲོད་སློབ་མས་ཞིང་ཆེན་སློབ་གསོ་སློབ་བསྡུ་རྒྱུགས་ལེན་ཁང་གི་མཐོ་རྒྱུགས་རེ་འདུན་རེའུ་མིག་སྐོང་བའི་མ་ལག་བརྒྱུད་དེ་རང་ཉིད་ཀྱི་མཐོ་རྒྱུགས་སྦྱངས་འབྲས་འདྲི་རྩད་བྱ་ཆོག གནས་ཚུལ་ཞིབ་མོར་ཤེས་འདོད་ན་ཞིང་ཆེན་སློབ་གསོ་རྒྱུགས་ལེན་ཁང་གི་གཙོ་ཆེའི་དྲ་ཚིགས（http://www.qhjyks.com）དང་། སྐད་འཕྲིན་སྔོན་མངག་ཨང་གྲངས། སྐད་འཕྲིན་ཞབས་ཞུའི་ཨང་གྲངས་སོགས་འབྲེལ་ཡོད་ཆ་འཕྲིན་བཅས་དོ་ཁུར་བྱོས།