༄༅།།མཚོ་སྔོན་རྒྱང་སྒྲོག་སློབ་ཆེན་བློ་བཟང་སློབ་ཁྲིད་ལྟེ་གནས་ཀྱི་བློ་བཟང་ལས་རིགས་ལག་རྩལ་སློབ་གྲྭས་དངོས་གཞི་སློབ་མ་བསྡུ་བཞིན་ཡོད་པ།

མཚོ་སྔོན་རྒྱང་སྒྲོག་སློབ་ཆེན་བློ་བཟང་སློབ་ཁྲིད་ལྟེ་གནས་ཀྱི་བློ་བཟང་ལས་རིགས་ལག་རྩལ་སློབ་གྲྭས་རྩིས་འཁོར་ཚན་རིག་དང་ལག་རྩལ(དངོས་གཞི)སློབ་མ་བསྡུ་བཞིན་ཡོད་པ།
སློབ་བསྡུའི་ཆེད་ལས། རྩིས་འཁོར་ཚན་རིག་དང་ལག་རྩལ(དངོས་གཞི)།
སློབ་ཁྲིད་བཀོད་སྒྲིག  རྩིས་འཁོར་བེད་སྤྱོད་ཀྱི་རྨང་གཞི(དངོས་གཞི)།  བཀོལ་སྤྱོད་མ་ལག  གཞི་གྲངས་སྒྲིག་གཞི(དངོས་གཞི)། Cསྐད་བརྡའི་བྱ་རིམ་ཇུས་འགོད་སོགས་སློབ་ཁྲིད26ཡོད།
དམིགས་བསལ་སློབ་ཁྲིད། བོད་ཀྱི་སྐད་ཡིག  བོད་རྒྱའི་ཚན་རྩལ་ལོ་ཙཱ། བོད་ཡིག་ཆ་འཕྲིན་སྒྲིག་གཅོད་ལག་རྩལ(བོད་ཀྱི་སྐད་ཡིག་དང་བོད་རྒྱའི་ཚན་རྩལ་ལོ་ཙཱ་ལས་གང་རུང་འདེམ་ཆོག)
སློབ་བསྡུ་བྱ་ཡུལ། རྒྱལ་དམངས་སློབ་གསོ་རབས་དང་རིམ་པར་འདྲ་མཚུངས་སམ་ཅུང་ཉེ་བའི་ཆེད་ལས་མཐོ་རིམ་ཆེད་ཚན(ཆེད་ཚན་འདུས)ཡན་གྱི་བསླབ་གནས་ཡོད་ན་རྒྱུགས་མ་བླངས་པར་སློབ་གྲྭར་ཞུགས་ཆོག(རྒྱལ་ཡོངས་ལ་ཕྱོགས་ནས་སློབ་མ་བསྡུ་བ་ཡིན)།
སློབ་སྦྱོང་གི་ལོ་ཚད། ལོ་གསུམ་གྱི་རྗེས་ནས་རྒྱུགས་འབྲས་ཚད་ལྡན་ཡིན་ན་རྩིས་འཁོར་ཚན་རིག་དང་ལག་རྩལ་ཆེད་ལས་ཀྱི་མཐར་ཕྱིན་འཛིན་ཡིག་དང་དངོས་གཞིའི་བསླབ་གནས་ལོན་པ་ཡིན།
སློབ་ཞུགས་རྒྱུགས་གཞི། སློབ་ཞུགས་རྒྱུགས་གཞི་ནི་མཚོ་སྔོན་རྒྱང་སྒྲོག་སློབ་ཆེན་བློ་བཟང་སློབ་ཁྲིད་ལྟེ་གནས་ཀྱིས་རྩ་འཛུགས་ལག་བསྟར་བྱ་རྒྱུ་ཡིན་པ།
རྒྱུགས་ལེན་བྱ།  རྩིས་འཁོར་གྱི་རྨང་གཞི་ཤེས་བྱ། བོད་ཡིག་རྩོམ་འབྲིའམ་རྒྱ་ཡིག་རྩོམ་འབྲི།
སློབ་སྦྱོང་བྱེད་ཐབས།  ཉིན་ཧྲིལ་བོའི་ལམ་ལུགས་ཀྱི་སློབ་སྦྱོང་བྱེད་ཐབས།
ཐོ་འགོད་ཡིག་ཆ། རང་ཉིད་ཀྱི་ཐོབ་ཐང་ལག་འཁྱེར་མཁོ་འདོན་བྱེད་དགོས་པ་དང་། བསླབ་གནས་འཛིན་ཡིག་གི་མ་ཡིག  ཐོབ་ཐང་ལག་འཁྱེར་དང་བསླབ་གནས་འཛིན་ཡིག་གི་བསྐྱར་དཔར（A4དཔར་ཤོག）། ཉེ་དུས་ཚུན་གང་ཅན་གྱི་འདྲ་པར1། སློབ་རྟོན་དྲ་བས་བཏོན་པའི་བསླབ་གནས་འཛིན་ཡིག་གློག་རྡུལ་ཐོ་འགོད་གྲབས་འགོད་རེའུ་མིག་བཅས་དགོས།
འཆར་འགོད་སློབ་བསྡུ། སློབ་མ100(མི་རིགས་ཀྱི་ཚད་བཀག་མེད)།
ཐོ་འགོད་དུས་ཚོད། 2020ལོའི་ཟླ8པའི་ཚེས30བར།
ཐོ་འགོད་ས་གནས། གཅིག་གྱུར་གྱིས་མཚོ་སྔོན་རྒྱང་སྒྲོག་སློབ་ཆེན་གྱི་སློབ་ཁྲིད་ལྟེ་གནས(བློ་བཟང་སློབ་གྲྭ)རུ་མིང་ཐོ་འགོད་དགོས།  
སློབ་གྲྭའི་འབྲེལ་གཏུགས་བྱེད་ཡུལ།  བློབ་གཙོ་བློ་བཟང་། 18609746000 དགེ་རྒན་སྙིང་དཔལ་རྒྱལ། 18609746111དགེ་རྒན་ཕྱུག་སྐྱོང་ཐར། 1860976222 དགེ་རྒན་རིན་ཆེན་དབང་མོ། 18609746333
གསལ་བཤད། མཐར་ཕྱིན་འཛིན་ཡིག་འདིས་གཞུང་ཞབས་པ་དང་ལས་རིགས་སྡེ་ཁག ཞིབ་འཇུག་སློབ་མ་སོགས་སུ་རྒྱུགས་བླངས་ཆོག་པ་དང་། སློབ་གསོ་པུའུ་དྲ་རྒྱའི་སློབ་རྟོན་དྲ་བར་ཆེད་ལས་འདིའི་མཐར་ཕྱིན་འཛིན་ཡིག་འཚོལ་ཆོག མཚོ་སྔོན་ཞིང་ཆེན་མཚོ་ལྷོ་ཁུལ་བློ་བཟང་ལས་རིགས་ལག་རྩལ་གསོ་སྦྱོང་སློབ་གྲྭའམ་བསྡུས་མིང་ལ་བློ་བཟང་སློབ་གྲྭ་ཞེས་པ་ནི་མཚོ་སྔོན་ཞིང་ཆེན་མཚོ་ལྷོ་ཁུལ་ཁྲི་ཀ་རྫོང་དུ་གནས་ཤིང་། 2014ལོར་མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་མཚོ་ལྷོ་ཁུལ་མི་ཤུགས་ཐོན་ཁུངས་ཅུའུ་ཡི་ཆོག་མཆན་ཐོབ་ནས་བཙུགས་པ་མ་ཟད། བོད་རྒྱ་སྐད་གཉིས་ཀྱི་ཁྱད་ཆོས་དང་ལྡན་པའི་ལས་རིགས་ལག་རྩལ་གསོ་སྦྱོང་སློབ་གྲྭ་ཞིག་ཡིན། གཙོ་བོ་བོད་རྒྱ་ཡིག་རིགས་གཉིས་ཀྱི་ཆ་འཕྲིན་ལག་རྩལ་དང་། གློག་རྡུལ་ཚོང་དོན། ཁེ་ལས་གསར་འབྱེད། ཞིང་ཕྱུགས་ཉེར་སྤྱོད་ལག་རྩལ་སོགས་ཀྱི་དུས་ཐུང་གསོ་སྦྱོང་དང་། བོད་རྒྱ་སྐད་གཉིས་ཀྱི་རྩིས་འཁོར་ཉེར་སྤྱོད་ལག་རྩལ་ཅན་གྱི་ཆེད་ཚན་སློབ་ཆེན་གྱི་སློབ་གསོ་གཉེར་བཞིན་པའི་སློབ་གྲྭ་ཞིག་ཡིན། སློབ་གྲྭའི་རྒྱ་ཁྱོན་ལ་མུའུ་68ཟིན་པ་དང་། བཟོ་སྐྲུན་རྒྱ་ཁྱོན་ལ་སྨི་གྲུ་བཞི་མ་ཁྲི14000ཟིན་ཡོད། 
སློབ་གྲྭའི་དགེ་རྒན་གྱི་དཔུང་ཁག་ནི་གཙོ་བོར་ཕྱི་རྒྱལ་དུ་སློབ་གཉེར་ཕྱིན་པའི་ཕྱི་འགྲིམ་མི་སྣ་དང་། སློབ་གྲྭ་ཆེན་མོའི་དགེ་རྒན། ཁེ་ལས་པ་བཅས་ལས་གྲུབ་ཅིང་། ད་ཡོད་ཀྱི་ཆེད་ལས་དང་གཅིག་ལྕོགས་དགེ་རྒན65ཡོད་པ་དང་། དེའི་ནང་འབུམ་རམས་པའི་དགེ་རྒན13དང་། རབ་འབྱམས་པའི་དགེ་རྒན10ཡོད་པ་དང་། ཕྱི་རྒྱལ་དུ་སློབ་སྦྱོང་ལ་སོང་ནས་ཕྱིར་རང་རྒྱལ་ཏུ་ལོག་པའི་མི་སྣ་6དང་། ཁེ་ལས་པའི་མི་སྣ15དང་། མཐོ་རིམ་གོ་མིང་ཅན་གྱི་མི་སྣ13བཅས་ཡོད། 
2014ལོར་མཚོ་སྔོན་ཞིང་ཆེན་གློག་རྡུལ་ཚོང་དོན་མཐུན་ཚོགས་ཀྱི་ཚོགས་མིའི་ཚན་པར་གཏན་འཁེལ་བྱས་པ་རེད། 
2015ལོར་བློ་བཟང་སློབ་གྲྭ་མཚོ་སྔོན་རྒྱང་སྒྲོག་སློབ་ཆེན་དང་མཉམ་འབྲེལ་སྒོས་རྩིས་འཁོར་ཉེར་སྤྱོད་ལག་རྩལ་(བོད་ཡིག་རྩིས་འཁོར་ཉེར་སྤྱོད་ལག་རྩལ་ཁ་ཕྱོགས་)ཅན་གྱི་ཆེད་ཚན་སློབ་མ་བསྡུས་ཤིང་། བསྟུད་མར་ལོ་5ལྷག་ལ་སློབ་བསྡུ་བྱས། 
2016ལོར་ཞིང་ཆེན་རིམ་པའིSIYBཡི་ཐོབ་ཐང་ངོས་འཛིན་ཐོབ། 
2016ལོར་མཚོ་སྔོན་རྒྱང་སྒྲོག་སློབ་ཆེན་གྱི་བོད་ཡིག་རྩིས་འཁོར་ཉེར་སྤྱོད་ལག་རྩལ་གྱི་དངོས་སྦྱོང་རྟེན་གཞི་རུ་གཏན་འཁེལ་བྱས། 
2017ལོར་ཁྲི་ཀ་རྫོང་ཨུད་ཀྱི་གུང་གཞོན་ཚོགས་པའི་གཞོན་ནུའི་ལས་ཞུགས་ལྟ་སྦྱོང་རྟེན་གཞིར་གཏན་འཁེལ་བྱས། 
2017ལོར་སློབ་མའི་དངོས་སྦྱོང་རྟེན་གཞི12གསར་བསྐྲུན་བྱས་ཟིན་པ་རེད། 
2018ལོར་མཚོ་སྔོན་དགེ་ཐོན་སློབ་ཆེན་གྱི་མཉེན་ཆས་བཟོ་སྐྲུན་གྱི་རབ་འབྱམས་པའི་ལག་ལེན་དངོས་སྦྱོང་རྟེན་གཞིར་གཏན་ཁེལ་བྱས། 
2018ལོར་ཞིང་ཆེན་རིམ་པའི་གསར་གཏོད་བར་སྟོང་སུ་གཏན་འཁེལ་བྱས།
2019ལོར་མཚོ་སྔོན་ཞིང་ཆེན་གྱི“འགྲིམ་འགྲུལ་དངུལ་ཁང་རྟགས་མའི”སློབ་ཆེན་སློབ་མའི་བོད་རྒྱ་སྐད་གཉིས་ལས་གཏོད་ཀྱི་འགྲན་བསྡུར་ཆེན་མོའི་འགན་སྒྲུབ་གནང་པ་རེད།