༄༅།།མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ཡོངས་བསྒྲགས་ངང་བོད་ཡིག་གཞི་གྲངས་ཀྱི་རྩོམ་སྒྲིག་མི་སྣ་བསྡུ་བའི་བརྡ་ཐོ།

མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ཡོངས་འཛིན་འཚོལ་བཤེར་གྱི་གཞི་གྲངས་ཐོན་ཁུངས་སྔར་བས་རྒྱ་སྐྱེད་དང་ཕུན་སུམ་ཇེ་ཚོགས་སུ་གཏོང་བ། འཚོལ་བཤེར་གྱི་དུས་ནུས་རང་བཞིན་དང་ཁྱོན་ཡོངས་རང་བཞིན། ཡང་དག་རང་བཞིན་བཅས་ཇེ་མཐོར་གཏོང་བ། གཞི་གྲངས་མཛོད་འཛུགས་སྐྲུན་བྱ་བར་ཤེས་ལྡན་མི་སྣའི་འགན་ལེན་ལ་ཤུགས་སྣོན་བཅས་རྒྱག་ཆེད། སྤྱི་ཚོགས་ཡོངས་ལ་ཁ་ཕྱོགས་ནས་ཡོངས་འཛིན་འཚོལ་བཤེར་གྱི་བོད་ཡིག་གཞི་གྲངས་ཀྱི་རྩོམ་སྒྲིག་མི་སྣ7བསྡུ་རྒྱུ་རེད། ད་ལྟ་ལས་བསྡུའི་འབྲེལ་ཡོད་ནང་དོན་སྤྱི་བསྒྲགས་བྱས་པ་གཤམ་གསལ།
གཅིག ལས་བསྡུ་མི་སྣའི་ཐོབ་ཐང་ཆ་རྐྱེན།
1.ཆབ་སྲིད་ཀྱི་བྱང་ཚད་དང་བྱ་བའི་སྤྱོད་ཚུལ། ལས་རིགས་ཀྱི་ཀུན་སྤྱོད། ཀུན་སྤྱོད་ཀྱི་བློ་སྦྱོང་བཅས་ལེགས་པོ་ཡོད་དགོས།
2.རྩ་འཛུགས་ཀྱི་བཀོད་སྒྲིག་དང་ལེན་དང་སྒྲིག་བརྩི་ཁྲིམས་སྲུང་། བྱ་བའི་འགན་འཁྲི་ལག་བསྟར་ནན་ཏན་བཅས་བྱ་དགོས།
3. ཉིན་ཧྲིལ་བོའི་ལམ་ལུགས་ཀྱི་རབ་འབྱམས་ཞིབ་འཇུག་སློབ་མའི་སློབ་གཉེར་བརྒྱུད་རིམ་ལྡན་པ་དང་བོད་སྐད་ཡིག་གི་འབྲེལ་ཡོད་ཆེད་ལས་ཡིན་དགོས།
4.བྱ་བའི་ནུས་པ་ཆེ་ཙམ་ལྡན་པ་དང་ཡི་གེ་རྩོམ་སྒྲིག་གི་ནུས་པ་དང་བོད་ཡིག་ཧི་མ་ལ་ཡའི་གཏག་ཐབས་ལ་བྱང་ཆུབ་པ་ཞིག་ཡིན་དགོས།
5.ལོ30མན་ཡིན་དགོས།
གཉིས། རྩ་འཛུགས་འགོ་ཁྲིད།
ཐེངས་འདིར་ཡོངས་བསྒྲགས་ངང་གནས་སྐབས་ལས་མི་བསྡུ་བའི་འབྲེལ་ཡོད་ལས་དོན་ཁག་མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱི་རྩ་འཛུགས་འོག་སྤེལ་རྒྱུ་ཡིན།
གསུམ། ལས་བསྡུའི་རྩ་དོན།
ཡོངས་བསྒྲགས་དང་དྲང་སྙོམས། དྲང་གཞག ལེགས་འདེམས་བཅས་ཀྱི་རྩ་དོན་རྒྱུན་འཁྱོངས་ཐོག ཡུལ་དངོས་དེ་གའི་རྒྱུགས་ལེན་བྱེད་ཐབས་སྤྱད་དེ་བསྡུ་རྒྱུ།
བཞི། ལས་བསྡུའི་གོ་རིམ་དང་བྱེད་ཐབས།
1.མིང་ཐོ་འགོད་པའི་དུས་ཚོད།
2020ལོའི་ཟླ9བའི་ཚེས1ཉིན་ནས2020ལོའི་ཟླ9བའི་ཚེས7ཉིན་བར།
2.ལས་བསྡུའི་བླང་བྱ།
ལས་བསྡུ་མི་སྣས་རང་ཉིད་ངོ་སྤྲོད་མདོར་བསྡུས་དང་མཐར་ཐོན་འཛིན་ཡིག བསླབ་གནས་དཔང་ཡིག ཐོབ་ཐང་ལག་ཁྱེར་གྱི་མ་ཡིག་དང་བསྐྱར་པར་རེ་འཁྱེར་ནས་མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་སུ་ཡོང་དགོས།
3.རྒྱུགས་བསྡུའི་རྣམ་པ།
མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱིས་ལས་བསྡུའི་མི་སྣར་ཁ་རྒྱུགས་དང་ཡིག་རྒྱུགས་ཟུང་འབྲེལ་གྱི་བྱེད་ཐབས་སྤྱད་དེ། དེའི་བབ་མཚུངས་ཀྱི་ཆེད་ལས་ཤེས་བྱ་དང་དོན་དངོས་ཀྱི་བྱ་བའི་ནུས་པར་ཚད་ལེན་ཚོད་ལྟ་དང་དཔྱད་བསྡུར་གཏན་འབེབས་བྱས་རྗེས། ལེགས་འདེམས་བྱས་ནས་ལས་བསྡུ་བྱ་རྒྱུ་ཡིན།
ལྔ། ལས་བསྡུ་བྱེད་སྟངས་དང་འབྲེལ་ཡོད་ཀྱི་གསོལ་ཐང་།
1.ལས་བསྡུ་མི་སྣར་ཁ་རྒྱུགས་ཀྱི་ཚད་ལེན་ཚོད་ལྟ་དང་དཔྱད་བསྡུར་གཏན་འབེབས་བྱས་ཏེ་ཚད་ལོན་རྗེས། འབྲེལ་ཡོད་སྲིད་ཇུས་ཀྱི་གཏན་འབེབས་ལྟར་ལས་བསྡུ་བཀོལ་སྤྱོད་ཀྱི་གན་རྒྱ་འཇོག་དགོས། ལས་བསྡུའི་གན་རྒྱ་ཉུང་མཐར་ཡང་ལོ་གཅིག་ཡིན་པ་དང་དེའི་ནང་ཚོད་ལྟའི་དུས་ཡུན་ཟླ་གཅིག་ཡིན། ཚོད་ལྟའི་དུས་ཡུན་ནང་ལས་སྒོ་འཕར་ན་བཀོལ་སྤྱོད་ཀྱི་འབྲེལ་བ་ཕྱིར་འཐེན་བྱ་རྒྱུ་ཡིན་ཞིང་། བྱ་བ་ལེགས་འགྲུབ་བྱས་ཚུལ་དང་མི་སྒེར་གྱི་སྤྱོད་ཚུལ་ལ་གཞིགས་ནས་ལས་བསྡུའི་བཀོལ་སྤྱོད་ཀྱི་གན་རྒྱ་མུ་མཐུད་དུ་བཞག་ཆོག
2.ལས་བསྡུ་མི་སྣའི་གླ་ཕོགས་ཀྱི་གསོལ་ཐང་ནི་གནས་སྐབས་ལས་མིའི་ཞིབ་བཤེར་གཏན་འབེབས་ཀྱི་ཚད་གཞི་ལྟར་ལག་བསྟར་བྱ་རྒྱུ་ཡིན་ལ། འདུག་ས་དང་ཟ་མ་རང་ཉིད་ནས་འགན་ཁུར་དགོས།
དྲུག འབྲེལ་གཏུག་བྱེད་སྟངས།
འབྲེལ་གཏུག་ཁ་པར། 0974-8532667
འབྲེལ་གཏུག་བྱེད་ས། སྨན་བླ་ཐར།
ལས་ཁུངས་གནས་ཡུལ། མཚོ་སྔོན་ཞིང་ཆེན་མཚོ་ལྷོ་ཁུལ་གསེར་ཆེན་རྫོང་མཁར་བྱང་ཆུས་གཞིས་གསར་མཚོ་ལྷོ་ཁུལ་ཡོངས་འཛིན་བོད་ཡིག་ཆ་འཕྲིན་ལག་རྩལ་གསོ་སྦྱོང་རྟེན་གཞིའི་ཉིས་ཐོག་གི་གཞི་གྲངས་འཛུགས་སྐྲུན་པུའུ།