༄༅།།མཚོ་བྱང་ཁུལ་གླུ་གར་ཁང་གིས་འཁྲབ་སྟོན་པ14བསྡུ་རྒྱུ་རེད།

བྱ་གཞག་འཕེལ་རྒྱས་ལ་སྔར་བས་སྐུལ་འདེད་བཏང་ནས་ཤེས་ལྡན་པའི་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་ཆེད། མཚོ་བྱང་ཁུལ་མི་རིགས་གླུ་གར་ཚོགས་པས་བྱ་བའི་དགོས་མཁོ་གཞིར་བཟུང་། སྤྱི་ཚོགས་ཡོངས་ལ་ཁ་ཕྱོགས་ནས་སྒྲིག་ཕྱིའི་ཞབས་བྲོ་འཁྲབ་སྟོན་པ14ཡོངས་བསྒྲགས་ངང་བསྡུ་རྒྱུ་ཡིན་ཞིང་། ད་ལྟ་འབྲེལ་ཡོད་དོན་ཚན་ཡོངས་བསྒྲགས་བྱས་པ་གཤམ་གསལ།
གཅིག ལས་བསྡུའི་མི་གྲངས།
ཞབས་བྲོ་འཁྲབ་སྟོན་པ14བསྡུ་རྒྱུ།
གཉིས། ལས་བསྡུའི་ཆ་རྐྱེན།
（གཅིག）ཀྲུང་གོ་གུང་ཁྲན་ཏང་གི་འགོ་ཁྲིད་ལ་བརྩི་བཀུར་མཐའ་གཅིག་ཏུ་བྱེད་པ་དང་སྒྲིག་བཀུར་ཁྲིམས་སྲུང་བྱས་ནས་ཁྲིམས་འགལ་སྒྲིག་འགལ་གྱི་ཟིན་ཐོ་མེད་པ།
（གཉིས）ཁ་དན་ཚིག་གནས་དང་། རང་གཅུན། ཚད་ལྡན། ལས་བཀུར་བཅས་བྱེད་པའི་སྤྱི་པའི་ཀུན་སྤྱོད་དང་ལས་རིགས་ཀྱི་ཀུན་སྤྱོད་ལྡན་པ། ལེགས་སྐྱེས་འབུལ་བའི་སྙིང་སྟོབས་དང་འགན་འཁྲིའི་བསམ་པ་ལྡན་པ་དང་། ཚོགས་པའི་མཉམ་ལས་ཀྱི་སྙིང་སྟོབས་དང་། ཐུན་མོང་གི་འདུ་ཤེས། ཁྱོན་ཡོངས་ཀྱི་འདུ་ཤེས་ལྡན་དགོས།
（གསུམ）ཞབས་བྲོའི་བྱ་གཞག་ལ་དགའ་ཞེན་ཆེ་བ་དང་། ཆབ་སྲིད་དང་བྱེད་སྒོའི་བྱང་ཚད་ལེགས་པོ་ཡོད་པ། དཀའ་སྤྱད་སྙིང་རུས་བྱེད་ཐུབ་པ་དང་གསར་གཏོད་སྲོལ་འབྱེད་ཀྱི་སྙིང་སྟོབས་ལྡན་དགོས།
（བཞི）ལུས་ཁམས་བདེ་ཐང་ཡིན་ཞིང་ལས་བསྡུའི་ལས་གནས་ལ་མཁོ་བའི་ལུས་ཁམས་ཀྱི་ཆ་རྐྱེན་ལྡན་དགོས་པ་དང་བླང་བྱ་གཞན་དག་དང་མཐུན་དགོས།
（ལྔ）ལས་གནས་ཀྱི་ཆ་རྐྱེན་དང་མཐུན་པའི་མི་ཚང་མས་མིང་ཐོ་འགོད་ཆོག
གསུམ། ལས་བསྡུའི་བྱ་ཐབས་དང་གོ་རིམ།
ལས་བསྡུའི་ལས་དོན་དེ“ཡོངས་བསྒྲགས་དང་འདྲ་མཉམ། འགྲན་རྩོད། ལེགས་འདེམས”བཅས་ཀྱི་རྩ་དོན་གཞིར་བཟུང་། སྤྱོད་ཡོན་གཉིས་ལྡན་གྱི་མིའི་ཀུན་སྤྱོད་ཚད་གཞི་མཐའ་འཁྱོངས་ཀྱིས་ཡུལ་དངོས་དང་ཁ་པར་བརྒྱུད་ནས་མིང་ཐོ་འགོད་པའི་བྱ་ཐབས་སྤྱོད་པ། ལས་བསྡུའི་གོ་རིམ་ནི་ཐོབ་ཐང་ཞིབ་བཤེར་དང་དཔྱད་ཞིབ། ལུས་པོར་བརྟག་དཔྱད། ཆབ་སྲིད་ཞིབ་བཤེར་སོགས་བརྒྱུད་རྗེས་ལེགས་འདེམས་བྱས་ཏེ་ལས་བསྡུ་བྱ་རྒྱུ་ཡིན།
བཞི། ལས་བསྡུའི་གསོལ་ཐང་།
（གཅིག）ཟླ་ཕོགས།
རྒྱུགས་བླངས་ནས་འཕྲོད་མཁན་ལ་ཟླ་རེར་གླ་ཕོགས་སྒོར2500(ལས་རྨས་འགན་བཅོལ་དང་ཐོལ་བྱུང་འགན་བཅོལ་འདུ)ཡིན། ཚོད་ལྟའི་དུས་ཡུན་ནི་ཟླ2ཡིན་པ་དང་། ཚོད་ལྟའི་དུས་ཡུན་གྱི་གླ་ཕོགས་ཐོབ་ཐང་ལ་འགྱུར་བ་མི་གཏོང་། ཚོད་ལྟའི་དུས་ཡུན་འགོར་རྗེས་ཕྱོགས་བསྡུས་དཔྱད་ཞིབ་ཚད་ལོན་གྱི་ཚད་ལོངས་ན་གན་རྒྱ་འཇོག་དགོས། མཚོ་བྱང་ཁུལ་མི་རིགས་གླུ་གར་ཚོགས་པའི་སྒྲིག་ཕྱིའི་ལས་བསྡུ་མི་སྣའི་དོ་དམ་ནང་བཅུག་ཆོག
（གཉིས）བྱ་བའི་སྒྲུབ་ཚད།
བྱ་བའི་སྒྲུབ་ཚད་ནི་ལོ་གཅིག་ཡིན་ཞིང་སྒྲིག་ཕྱིའི་ལས་བསྡུའི་མི་སྣར་གཏོགས། ལོ་གཅིག་གི་དུས་ཡུན་ལོངས་རྗེས་མི་སྒེར་གྱི་རྣམ་འགྱུར་དང་བྱ་བའི་དགོས་མཁོར་གཞིགས་ནས་ལས་བསྡུ་རྒྱུན་བསྲིངས་བྱ་རྒྱུ།
（གསུམ）གསོལ་ཐང་གཞན་དག
ལས་བསྡུའི་སྐབས་ལས་ཁུངས་ཀྱིས་འདུག་ས་དང་ཟ་ཁང（ཟས་རིན་རང་ཉིད་ནས་སྤྲོད་དགོས།）མཁོ་སྤྲོད་བྱ་ངེས།
ལྔ། རྒྱུགས་ལེན་གྱི་ནང་དོན།
（གཅིག）གཞི་རྩའི་ལུས་རྩལ། (ཆེད་ལས་རྩལ་སྦྱོང་གྱོན་ཆས་དང་རྩལ་སྦྱོང་ལྷམ་འཁྱེར་ཡོང་དགོས།)
（གཉིས）ལག་རྩལ་ཐབས་ཤེས།
（གསུམ）སྐར་མ2ནང་ཚུན་གྱི་ཟློས་གར་རྣམ་གྲངས་སམ་མི་རིགས་ཀྱི་དམངས་ཁྲོད་ཞབས་བྲོ་འགྲེམས་སྟོན་བྱེད་དགོས། (གྱོན་ཆས་དང་རོལ་དབྱངས་རང་གིས་འཁྱེར་ཡོང་དགོས། རྣམ་གཞགMP3དངWAVཡིན་དགོས།)
（བཞི）ཡུལ་དངོས་ནས་ལད་མོའི་འཁྲབ་སྟོན་བྱེད་པ།
དྲུག མིང་ཐོ་འགོད་པ་དང་ཐོབ་ཐང་ཞིབ་བཤེར། རྒྱུགས་ལེན་བཅས་ཀྱི་དུས་ཚོད།
（གཅིག）མིང་ཐོ་འགོད་པའི་དུས་ཚོད།
2020ལོའི་ཟླ9བའི་ཚེས2ནས2020ལོའི་ཟླ9བའི་ཚེས5ཉིན་བར།
（གཉིས）ཐོབ་ཐང་ཞིབ་བཤེར་དུས་ཚོད།
2020ལོའི་ཟླ9བའི་ཚེས6ཉིན།
（གསུམ）རྒྱུགས་ལེན་པའི་དུས་ཚོད།
2020ལོའི་ཟླ9བའི་ཚེས7ཉིན།
བདུན། འབྲེལ་གཏུག་བྱེད་སྟངས་དང་མིང་ཐོ་འགོད་པའི་ཡིག་སྒམ།
འབྲེལ་ཨང་། 0970-8647579
དགེ་རྒན་ཡི། 13639709005
སྦྲག་ཨང་། 810299
QQཡིག་སྒམ། 2455368196