ཞིན་ཧེ་རྫོང་རྩི་གོར་ཐང་གྲོང་རྡལ་དུ་ལོ་དགུའི་ལམ་ལུགས་བཅའ་སྡོད་སློབ་གྲྭ་འཛུགས་སྐྲུན་བྱེད་པའི་མཛད་སྒོ་བསྡུས།
རྩོམ་པ་པོ།：དྲ་བའི་རྩོམ་སྒྲིག་པ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2023-06-29
ཀློག་གྲངས།：
ཟླ6པའི་ཚེས27ཉིན་གྱི་སྔ་དྲོར་ཞིན་ཧེ་རྫོང་རྩི་གོར་ཐང་གྲོང་རྡལ་དུ་རྩི་གོར་ཐང་གྲོང་རྡལ་ལོ་དགུའི་ལམ་ལུགས་བཅའ་སྡོད་སློབ་གྲྭའི་རྩིག་རྨང་འདིང་བའི་མཛད་སྒོ་དེ་རྩི་གོར་ཐང་གྲོང་རྡལ་གྱི་ཨ་མདོའི་དམངས་སྲོལ་སྡེ་བར་གཟབ་རྒྱས་ངང་སྤེལ།
མཛད་སྒོའི་སྟེང་རྫོང་ཨུའི་ཧྲུའུ་ཅི་ཀྲང་ཏིག་ཞན་དང་རྫོང་ཨུའི་ཧྲུའུ་ཅི་གཞོན་པ། རྫོང་དཔོན་འབྲུག་འབུམ་རྒྱལ། མཚོ་ལྷོ་ཁུལ་ཨུའི་སློབ་གསོ་ལས་དོན་ཨུ་ཡོན་ལྷན་ཁང་གི་ཆེད་བསྐོས་ཧྲུའུ་ཅི་གཞོན་པ། ཁུལ་སློབ་གསོ་ཅུའི་ཅུའུ་ཀྲང་གཞོན་པ་སྟག་ལྷ། རྫོང་ཨུའི་ཧྲུའུ་ཅི་གཞོན་པ། རྫོང་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཚེ་རིང་ཐར། རྫོང་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཚེ་བརྟན་སོགས་རྨང་འདིང་མཛད་སྒོར་ཞུགས།
རྩི་གོར་ཐང་གྲོང་རྡལ་ལོ་དགུའི་ལམ་ལུགས་བཅའ་སྡོད་སློབ་གྲྭ་འཛུགས་སྐྲུན་བྱས་པ་འདིས་རྫོང་ཡོངས་ཀྱི་སློབ་གྲྭའི་བཀོད་པ་སྔར་བས་ལེགས་སུ་བཏང་བ་དང་། རྫོང་ཁོངས་ཀྱི་སློབ་གསོ་དེ་གྲོང་ཁྱེར་དང་གྲོང་གསེབ་གཞི་གཅིག་ཅན་དང་འོས་འགན་སློབ་གསོའི་སྤུས་ཚད་དོ་སྙོམས་ངང་འཕེལ་རྒྱས་མགྱོགས་སུ་གཏོང་རྒྱུར་སྐུལ་འདེད་བཏང་ཡོད་པར་མ་ཟད། རྒྱ་ཆེའི་མི་དམངས་མང་ཚོགས་ཀྱིས་ཚད་མཐོའི་སློབ་གསོའི་འཕེལ་རྒྱས་ཀྱི་དགོས་མཁོ་ལོངས་སུ་སྤྱོད་ཐུབ་པར་ཁག་ཐེག་ཀྱང་བྱས་ཡོད་པ་རེད།
འབྲེལ་ཡོད་འོས་སྦྱོར།
