གནས་ལུགས་འདི་འདྲ་ཁྱོད་ཀྱིས་རྟོགས་སམ།

གཅིག རྣམ་ཀུན་འཚོ་བའི་ཁྲོད་རང་སར་མི་བཞག་པ་དང་། མི་སར་རང་བསྡད་ནས་བསམ་བློ་བཏང་ན། གཞི་ནས་རང་ལ་དབང་བའི་ནོར་བུའི་ནོར་ཉམས་ཆོད་སྲིད། གཉིས། རྣམ་ཀུན་འཚོ་བའི་ཁྲོད་རང་སར་མི་བཞག་པ་དང་། མི་སར་རང་བསྡད་ནས་བསམ་བློ་བཏང་ན། གཞི་ནས་བཀའ་དྲིན་སྙིང་དབུས་ནས་ཚོར་སྲིད།
       མི་ཞིག་གིས་རང་གི་གྲོགས་པོ་ལོང་བ་ཞིག་ཡོད་པ་དེ་ཁྱིམ་དུ་ཁ་ལག་ཟ་བར་བོས། ཁ་ལག་ཟས་ཚར་དུས་ས་རྦད་དེ་རུབ་པས། ལོང་བ་དེས“ད་ཕྱི་པོ་ཆགས་འདུག ང་ལོག་འགྲོ་གི་ཡིན”ཞེས་བཤད་པར། མིག་ཐང་མ་དེས་དེ་མུར་བཞུ་མར་ཞིག་སྤར་ནས་ལོང་བ་ལ་སྤྲད། དེས་ན། ལོང་བས་ཁོང་ཁྲོ་ཆེན་པོས“རང་གིས་ངས་མཐོང་གི་མེད་པ་ཤེས་ནའང་། ད་དུང་བཞུ་མར་སྐུར་བ་དེ་འཕྱ་དམོད་བྱས་པ་མ་རེད་དམ”ཞེས་བཤད།
       “ངས་བཞུ་མར་གྱིས་རང་ལ་ཕན་ན་བསམས་ནས་སྐུར་བ་ཡིན། རེད། རང་གིས་མཐོང་གི་མེད། ཡིན་ནའང་། ནག་ཁུང་ནང་རང་གིས་བཞུ་མར་ཁྱེར་ན། གཞན་གྱིས་མཐོང་ནས་རང་དང་རྡུང་ཁ་ཤོར་མི་སྲིད”ཅེས་གྲོགས་པོས་བཤད། གཏམ་འདི་ཐོས་འཕྲལ། ལོང་བར་སེམས་འགུལ་ཚད་མེད་ཐེབས། གསུམ། རྣམ་ཀུན་འཚོ་བའི་ཁྲོད་རང་སར་མི་བཞག་པ་དང་མི་སར་རང་བསྡད་ནས་བསམ་བློ་བཏང་ན། གཞི་ནས་མི་གཞན་ལ་བསམ་ཤེས་དང་སེམས་ཁུར་བྱེད་ཤེས་སྲིད།
       ཁྱེད་རང་མོ་ཊ་གཏོང་སྐབས། རྒྱ་ལམ་འགྲུལ་པར་སུན་སྣང་སྐྱེ་སྲིད་མོད། ཡིན་ནའང་། རྒྱ་ལམ་དུ་རྐང་ཐང་མར་སྐྱོད་སྐབས། ཡང་མོ་ཊར་སུན་སྣང་སྐྱེ་སྲིད།
       ཁྱེད་རང་ལས་མི་ཞིག་ཡིན་དུས། སྦྱིན་བདག་གཏུམ་དྲག་ཆེན་པོ་ཞིག་ཏུ་སྣང་མོད། འོན་ཀྱང་། ཁྱེད་རང་སྦྱིན་བདག་ཆགས་སྐབས། ལས་ཀའི་དོན་དུ་གཏུམ་དྲག་ཅན་གྱི་སྦྱིན་བདག་ཅིག་ཆགས་སྲིད།
       ཁྱེད་རང་སྐུ་མགྲོན་ཡིན་དུས། ཚོང་པས་ཁེ་བཟང་ཟ་རྒྱུ་ཁོ་ན་མ་གཏོགས་མི་ཤེས་པའི་སྣང་བ་ཡོང་སྲིད་མོད། འོན་ཀྱང་། ཁྱེད་རང་ཚོང་པ་ཡིན་ན། སྐུ་མགྲོན་ནི་འདོད་པ་ཤིན་ཏུ་སྐོང་དཀའ་བ་ཞིག་ཏུ་མཐོང་སྲིད།