ཀན་ལྷོའི་ཅོ་ནེ་རྫོང་ཉིན་པ་སྡེ་བ་དེ་ཀྲུང་གོའི་སྲོལ་རྒྱུན་སྡེ་བའི་མིང་ཐོ་རུ་ཚུད་པ།

　　ཉེ་ཆར། སྡོད་ཁང་དང་གྲོང་ཞང་འཛུགས་སྐྲུན་པུའུ་ཡིས་སྐོར་ཐེངས་གཉིས་པའི་ཀྲུང་གོའི་སྲོལ་རྒྱུན་སྡེ་བའི་མིང་ཐོ་ཁྱབ་བསྒྲགས་བྱས་པ་ལྟར་ན། ཀན་སུའུ་ཞིང་ཆེན་ཀན་ལྷོ་ཁུལ་ཅོ་ནེ་རྫོང་ཉིན་པ་ཡུལ་ཚོའི་ཉིན་པ་སྡེ་བ་དེའི་ཁོངས་སུ་ཚུད་ཅིང་། དེ་ནི་ཀྲུང་གོའི་སྲོལ་རྒྱུན་སྡེ་བའི་མིང་ཐོ་རུ་ཚུད་པའི་ཀན་ལྷོའི་སྡེ་བ་ཁོ་ན་ཡིན་པ་རེད།
　　ཉིན་པ་སྡེ་བ་ནི་ལོ་ངོ་བརྒྱ་ཕྲག་དུ་མའི་ལོ་རྒྱུས་ལྡན་པའི་གནའ་བོའི་གྲོང་སྡེ་ཞིག་ཡིན་ལ། སྡེ་བའི་སྡོད་ཁང་རྣམས་རི་ལ་བརྟེན་ནས་གོ་རིམ་ལྡན་པར་བརྩིགས་ཡོད་ཅིང་ཐུན་མིན་གྱི་ཁྱད་ཆོས་མངོན་གསལ་ལྡན། ཡུལ་དེ་ནི་ཨ་མདོའི་སྡེ་བ་དང་པོ་དང་ཚེ་ཐག་རིང་བའི་གྲོང་སྡེ་ཞིག་ཡིན་ཏེ། ལོ་བརྒྱའི་རྒན་པ་མང་པོ་འཚོ་གཞེས་གནང་འདུག་པ་དང་། ལོ་ན་ཆེས་རྒན་པ་དེ་དགུང་ལོ114ལ་བསླེབས་མྱོང་།