གང་ན་དཀའ་ཁག་ཡོད་ན་ང་ཚོ་དེ་ན་ཡོད།
རྩོམ་པ་པོ།：འབུམ་བྱམས་རྒྱལ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2019-01-29
ཀློག་གྲངས།：
མང་རྫོང་མགོ་མང་གྲོང་རྡལ་ནས་བྱང་ཕྱོགས་སུ་སྤྱི་ལེ་སོ་ལྔ་ཙམ་གྱི་སར་འགྱིང་བའི་ཨ་མྱེས་འབའ་ཚེ་རིའི་སྲིབ་ངོས་སུ་རུ་སྔུན་སྡེ་བའི་ཁྱིམ་ཚང་བཅུ་གཉིས་ཙམ་གཞིས་སྡོད་བྱས་ཡོད། ཉེ་བའི་ཟླ་ངོ་གཉིས་ཙམ་གྱི་རིང་ལ་འགྲུལ་ལམ་ཁ་བས་བཅད་པའི་གནས་ཚུལ་དེ་མགོ་མང་གྲོང་རྡལ་སྤྱི་ཕན་ཁོར་ཡུག་གཙང་སྦྲ་བཅོས་སྐྱོང་མཐུན་ཚོགས་ཀྱིས་ཤེས་རྟོགས་བྱུང་།
སྤྱི་ཟླ1པོའི་ཚེས27ཉིན། མཐུན་ཚོགས་ཏང་ཀྲི་པུའུ་ཡིས་སྣེ་ཁྲིད་འོག་གསེར་ཐང་ཚན་ཆུང་དང་ས་སྒ་ཚན་ཆུང་། རུ་སྔུན་ཚན་ཆུང་། ཚ་ནག་ཚན་ཆུང་། ཅོ་སེར་ཚན་ཆུང་། རྟ་ར་ཚན་ཆུང་བཅས་གཙོ་བོར་གྱུར་བའི་ཚན་ཆུང་དགུའི་མི་སྣ་ཁྱོན་བསྡོམས་དྲུག་ཅུ་རེ་བདུན་གྱིས་གནས་དེ་ནས་སྔ་དྲོའི་ཆུ་ཚོད་དགུ་བ་ནས་ཕྱི་དྲོའི་ཆུ་ཚོད་ལྔ་བའི་བར་དུ་སྤྱི་ལེ་གསུམ་ལྷག་གི་ཁ་བ་མཐུག་པོ་དེ་བརྐོས། ཐེངས་འདིར་ཁོར་སྲུང་དང་བླངས་པ་དེ་དག་གིས་ཆུ་ཚོད་བརྒྱད་ལྷག་ལ་ངལ་གསོ་ཙམ་ཡང་མ་བྱས་པར་གྲང་ངར་བུ་ཡུག་འཚུབ་པའི་ཁྲོད་ནས་ངམ་ཁ་མཐོ་བའི་ཁངས་ལམ་དེད་དེ། རླངས་འཁོར་དང་འཕྲུལ་རྟ་སོགས་འགྲོ་བདེ་བར་བྱས་ཡོད།
གནས་ཚུལ་དེ་རུ་སྔུན་སྡེ་བའི་རུ་ཁག་གཉིས་པའི་རུ་གཙོ་ཚེ་དབང་ཐར་དང་སྡེ་མི་ལྷ་ཕྱུག་སོགས་ཀྱིས་འཆད་རྒྱུར། ཁྱོད་ཚོར་ངོ་མ་བཀའ་དྲིན་ཆེ་ཞུ། ལོ་སར་སླེབས་ལ་ཉེ་བའི་དུས་འདིར་ང་ཚོ་ཕར་ཚུར་ལ་བགྲོད་ཐུབ་པ་བཟོས་བྱུང་། ཞེས་ཡིད་འགུལ་ཐེབས་པའི་ངང་བཀའ་དྲིན་ཞུ་བཞིན་ཡོད།
དེར་བརྟེན། ང་ཚོའི་གོམས་གཤིས་བཟང་པོ་རྒྱུན་མཐུད་དེ་སླད་མར་ཡང་ཕན་ཚུན་ལ་མཐུན་སྒྲིལ་གང་ལེགས་དང་། མི་སུ་ཡིན་ཡང་དཀའ་ཁག་ལ་ཐུག་ན་སེམས་གཏིང་ནས་རོགས་རེས་ཅི་ལྕོགས་བྱེད་རྒྱུ་ནི་ཆེས་གལ་ཆེ་བའི་བྱ་གཞག་ཅིག་གོ །
