མཚོ་ལྷོ་ཁུལ་གྱི་སྐབས་དང་པོའི་བོད་ཀྱི་གྱོན་ཆས་རིག་གནས་གནས་སྐོར་དུས་ཆེན་ཟླ8པར་བསྡུ་རྒྱུ་རེད།

མདོ་སྨད་མཚོ་ལྷོའི་ཡུལ་གྱི་བོད་ཀྱི་རྒྱན་གོས་ཆ་ལུགས།

　　བོད་ཀྱི་རྫོངས་སྟུག་པའི་གྱོན་ཆས་རིག་གནས་འཛིན་སྐྱོང་སྤེལ་གསུམ་བྱེད་པའི་ཁར། དུས་ཀྱི་བགྲོད་རིམ་དང་བསྟུན་ནས་བོད་དམངས་ཀྱི་གྱོན་ཆས་ཆ་ལུགས་ལ་བྱུང་བའི་འགྱུར་བ་སོགས་མངོན་པར་མཚོན་ཆེད། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར60ལོན་པའི་བཀྲ་ཤིས་དུས་བཟང་སྟེ་ཟླ8པའི་ཚེས24ཉིན་ནས་ཚེས26ཉིན་བར་དུ། མཚོ་ལྷོའི་སྐབས་དང་པོའི་བོད་ཀྱི་གྱོན་ཆས་རིག་གནས་གནས་སྐོར་དུས་ཆེན་དེ་གསེར་ཆེན་རྫོང་ཆབ་ཆ་གྲོང་རྡལ་གྱི་ཤམ་བྷ་ལའི་ཐང་ཆེན་དུ་བསྡུ་རྒྱུ་ཡིན་ཞིང་། རྒྱལ་ཡོངས་ཀྱི་བོད་རིགས་རང་སྐྱོང་ཁུལ10ནས་ཡོང་བའི་བོད་ཀྱི་གྱོན་ཆས་ངོམ་པའི་རུ་ཁག་གདན་འདྲེན་ཞུས་ནས་ཡུལ་ལུང་སོ་སོའི་ཐུན་མོང་མ་ཡིན་པའི་གྱོན་ཆས་ངོམ་རྒྱུ་རེད།

མདོ་སྨད་མཚོ་ལྷོའི་ཡུལ་གྱི་བོད་ཀྱི་རྒྱན་གོས་ཆ་ལུགས།
མདོ་སྨད་མཚོ་ལྷོའི་ཡུལ་གྱི་བོད་ཀྱི་ཆ་ལུགས།

　　དེང་གི་ཚོང་རའི་དཔལ་འབྱོར་གྱི་སྐུལ་འདེད་འོག་མདོ་སྨད་མཚོ་ལྷོའི་མི་རིགས་ཀྱི་གྱོན་ཆས་ཐོན་ལས་དེ་མཚོ་ལྷོའི་དཔལ་འབྱོར་གོང་སྤེལ་གྱི་མཐུན་རྐྱེན་གསར་པ་ཞིག་ཏུ་གྱུར་འདུག་ལ། མིག་སྔའི་བར་ཁུལ་ཡོངས་སུ་བོད་ལྭ་ཇུས་འགོད་དང་འཚེམ་བཟོ། ཕྱིར་འཚོང་བྱེད་པའི་ཁེ་ལས30ལྷག་ཡོད་པ་དང་། ལོ་རེའི་ཐོན་ཚད་སྒོར་བྱེ་བ་གཅིག་ལ་བསླེབས་ཤིང་། མཚོ་སྔོན་གྱི་མི་རིགས་གྱོན་ཆས་ཐོན་ལས་ཀྱི་རྟེན་གཞི་རུ་གྱུར་ཡོད། ལྷག་པར་དུ་སྐབས་དང་པོའི་མཚོ་ལྷོའི་གྱོན་ཆས་རིག་གནས་གནས་སྐོར་དུས་ཆེན་བསྡུ་བ་དེས་མི་རིགས་ཀྱི་གྱོན་ཆས་རིག་གནས་ཐོན་ལས་དེ་གཞི་རྒྱ་ཅན་དང་ཐོན་ལས་ཅན་གྱི་ལམ་དུ་འགོད་ངེས་པ་རེད།