རེབ་གོང་སྒྱུ་རྩལ་དེ་ཤུལ་བཞག་རིག་གནས་ཀྱི་སྲུང་སྐྱོབ་ལམ་བུར་བསྐྱོད་པ།

རེབ་གོང་ལྷ་རིས་པ་སྐལ་བཟང་ཚེ་རིང་ལགས་ཀྱིས་ཐང་ག་བཞེངས་བཞིན་པ།

རེབ་གོང་ལྷ་རིས་པ་ཤ་བོ་སྐྱབས་ལགས་ཀྱིས་བཞེངས་པའི་ལྷ་སྐུ།

　　མདོ་སྨད་རེབ་གོང་ཡུལ་དུ་ཐང་ག་དང་འབག་སྐུ། གཙགས་དྲུབས་སོགས་བོད་ཀྱི་རིག་གནས་སྒྱུ་རྩལ་གྱི་ཉིང་བཅུད་གཅིག་ཏུ་འདུས་ཤིང་། རེབ་གོང་སྒྱུ་རྩལ་དེ2006ལོར་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་མིང་ཐོར་བཞག་པ་དང་། 2009ལོར་མཉམ་འབྲེལ་རྒྱལ་ཚོགས་ཀྱི་སློབ་གསོ་དང་ཚན་རིག་རིག་གནས་རྩ་འཛུགས་ཀྱི་མིའི་རིགས་ཀྱི་གཟུགས་འདས་ཤུལ་བཞག་རིག་གནས་ཀྱི་མཚོན་བྱེད་བརྩམས་ཆོས་ཀྱི་མིང་ཐོ་རུ་བཞག་པ་རེད།
　　ད་ལྟ་རེབ་གོང་ཡུལ་དུ་རེབ་གོང་སྒྱུ་རྩལ་ཐོན་ལས་གཉེར་བཞིན་པའི་དུད་ཚང4700དང་མི་ཁྲི1.6ལ་ཉེ་བ་ཡོད་པ་རེད། 2012ལོར་རེབ་གོང་སྒྱུ་རྩལ་ཐོན་ལས་ཀྱི་ཡོང་འབབ་སྒོར་དུང་ཕྱུར3.1ལ་ཉེ་བ་ཐོན་ཞིང་། རེབ་གོང་སྒྱུ་རྩལ་པའི་ཡོང་སྒོ་རྐྱང་མ་མི་རེར་ཆ་སྙོམས་ཀྱིས་སྒོར་ཁྲི2ལ་ཉེ་བ་ཐོན་པས། ས་གནས་དེའི་ཡུལ་མི་གཞན་གྱི་ཡོང་སྒོ་རྐྱང་མ་ལས་ལྡབ5ཡིས་མཐོ་བ་རེད།