H7N9རིགས་ཀྱི་བྱ་ཆམ་མི102ལ་འགོས་པ་དང་མི20ཤི་བ།

　　རྒྱལ་ཁབ་འཕྲོད་བསྟེན་དང་འཆར་ལྡན་བུ་སྐྱེས་ཨུ་ཡོན་ལྷན་ཁང་གིས་གསལ་བསྒྲགས་བྱས་པ་ལྟར་ན། ཟླ4པའི་ཚེས21ཉིན་གྱི་ཕྱི་དྲོའི་ཆུ་ཚོད16བར་དུ་རྒྱལ་ཡོངས་སུH7N9རིགས་ཀྱི་བྱ་ཆམ་མི102ལ་བྱུང་བ་དང་། དེའི་ཁྲོད་མི20ཤི་ལ། མི12སྨན་བཅོས་བྱས་ནས་ནད་དྲག  མི70ད་དུང་སྨན་ཁང་དུ་སྨན་བཅོས་བྱེད་བཞིན་ཡོད་པ་རེད།
　　བརྡ་ཁྱབ་བཏང་བ་ལྟར་ན། ཚེས20ཉིན་གྱི་ཆུ་ཚོད16ནས་ཚེས21ཉིན་གྱི་ཆུ་ཚོད16ཉིན་བར་དུ། རྒྱལ་ཡོངས་སུH7N9རིགས་ཀྱི་བྱ་ཆམ་འགོས་པའི་མི6ཇེ་མང་དུ་སོང་བ་སྟེ། དེའི་ཁྲོད་ཅང་སུའུ་ཞིང་ཆེན་དུ་མི1དང་ཀྲའེ་ཅང་ཞིང་ཆེན་དུ་མི5ལ་འགོས་པ་རེད།
　　མིག་སྔར H7N9རིགས་ཀྱི་བྱ་ཆམ་དེ་པེ་ཅིང(མི1ལ་བྱུང)དང་། ཧྲང་ཧེ(མི33ལ་བྱུང་བ་དང་དེའི་ཁྲོད་མི11ཤི)། ཅང་སུའུ(མི24ལ་བྱུང་བ་དང་དེའི་ཁྲོད་མི3ཤི)། ཀྲའེ་ཅང(མི38ལ་བྱུང་བ་དང་དེའི་ཁྲོད་མི5ཤི)། ཨན་ཧའེ(མི3ལ་བྱུང་བ་དང་དེའི་ཁྲོད་མི1ཤི)། ཧི་ནན(མི3ལ་བྱུང)བཅས་ཞིང་ཆེན་དྲུག་ལ་ཁྱབ་འདུག་པ་རེད།