གླུ་བ་གདུགས་དཀར་ཡག་གིས་མཚོ་སྔོན་དུ་གཞས་ཚོགས་བསྡུས་པ།
རྩོམ་པ་པོ།：བདེ་ཆེན་མཚོ།
ཡོང་ཁུངས།：མཚོ་སྔོན་པོ་དྲ་བ།
དུས་ཚོད།：2013-04-16
ཀློག་གྲངས།：
གླུ་བ་གདུགས་དཀར་ཡག་གིས་གཞས་ཚོགས་སྟེང་སྙན་གླུ་ལེན་བཞིན་པ།
གླུ་བ་གདུགས་དཀར་ཡག་གིས་ཆེད་བསྒྲིགས་སྟེང་མིང་འགོད་པ།
ཟླ4པའི་ཚེས13ཉིན། གླུ་བ་གདུགས་དཀར་ཡག་གིས་མཚོ་སྔོན་ཞིང་ཆེན་ཟི་ལིང་གྲོང་ཁྱེར་དུ་གཞས་ཚོགས་བསྡུས་ནས་ཁོང་ལ་རྒྱབ་སྐྱོར་གནང་བའི་གཞས་གྲོགས་རྣམས་ལ་བཀའ་དྲིན་ཞུ་བ་རེད།
གླུ་བ་གདུགས་དཀར་ཡག་གིས་ཆེད་བསྒྲིགས་ཁྲོད་ཀྱི་གླུ་གཞས་ཏེ《རེ་སྒུག》དང་། 《མ་ཎི་ཡིག་དྲུག》 《སེམས་ནང་གི་བུ་མོ》སོགས་སྒྲ་འཛིན་གྱི་དབང་བོའི་བཅུད་འཕྲོག་པར་བྱེད་པའི་གླུ་གཞས་སྙན་མོ་དག་གཞས་གྲོགས་རྣམས་ཀྱི་སྙན་ལམ་དུ་ཕུལ་བས། ཀུན་གྱིས་དགའ་བསུ་ཆེན་པོ་ཐོབ་པ་རེད།
གླུ་བ་གདུགས་དཀར་ཡག་གི་ཆེད་བསྒྲིགས《རེ་སྒུག》ཅེས་པའི་ཁྲོད་བོད་ཀྱི་སྲོལ་རྒྱུན་གྱི་རོལ་དབྱངས་དང་དེང་རབས་ཀྱི་རོལ་དབྱངས་གཉིས་ལེགས་པོ་ཟུང་དུ་སྦྲེལ་འདུག་པས། ཐུན་མོང་མ་ཡིན་པའི་ཁྱད་ཆོས་ཤིག་ངང་ངམ་ཤུགས་ཀྱིས་གྲུབ་འདུག་པ་རེད།
འབྲེལ་ཡོད་འོས་སྦྱོར།
