ཡུལ་ཤུལ་ཁུལ་གཟུགས་འདས་རིག་གནས་ཤུལ་བཞག་སློབ་གྲྭར་སྐྱོད་པའི་བྱ་འགུལ་སྤེལ།

ཡུལ་ཤུལ་ཁུལ་གཟུགས་འདས་རིག་གནས་ཤུལ་བཞག་སློབ་གྲྭར་སྐྱོད་པའི་བྱ་འགུལ་སྤེལ།

དཔྱད་འདེམ་པ་རྣམ་པ།

     སྤྱི་ཟླ9པའི་ཚེས22ཉིན་གྱི་སྔ་དྲོར། ཡུལ་ཤུལ་ཁུལ་སློབ་གསོ་ལས་དོན་ཨུ་ཡོན་ལྷན་ཁང་དང་ཡུལ་ཤུལ་ཁུལ་སློབ་གསོ་ལས་ཁུངས། ཡུལ་ཤུལ་ཁུལ་རིག་གནས་ལུས་རྩལ་ཁང་བཅས་ཀྱིས་མཉམ་སྒྲུབ་གནང་བའི་ཁུལ་ཡོངས་ཀྱི་གཟུགས་འདས་སྲོལ་རྒྱུན་རིག་གནས་ཤུལ་བཞག་སློབ་གྲྭར་སྐྱོད་པ་ཞེས་པའི་བྱ་འགུལ་རིགས་སྣ་མང་སྟེ། ཞབས་བྲོ་དང་། ཡིག་གཟུགས། སྒྲུང་བཤད། གླུ་གཞས་འགྲན་བསྡུར་སོགས་ལས་གེ་སར་སྒྲུང་བཤད་འགྲན་བསྡུར་དེ་ཡུལ་ཤུལ་ཁུལ་མི་རིགས་མཐོ་རིམ་སློབ་འབྲིང་གཉིས་པའི་ལུས་རྩལ་ར་བ་རུ་གཟབ་རྒྱས་ངང་སྤེལ།

ཡུལ་ཤུལ་རྫོང་སློབ་འབྲིང་གསུམ་པར་གླུ་གཞས་འགྲན་བསྡུར་སྤེལ་བ།

ཡུལ་ཤུལ་ཁུལ་མཐོ་འབྲིང་བཞི་པར་ཡིག་གཟུགས་འགྲན་བསྡུར་སྤེལ་བ།

མཉམ་པར།

     བྱ་འགུལ་དེར་ཁུལ་ཁོངས་ཀྱི་རྫོང་ཁག་སོ་སོའི་སློབ་གྲྭ་ཆུང་འབྲིང་དང་། ཁུལ་ཐོག་གི་སློབ་གྲྭ་ཆུང་འབྲིང་མཐོ་གསུམ་བཅས་མཉམ་ཞུགས་གནང་ཡོད་ཅིང་། ཚོགས་རའི་མདུན་གྲལ་གྱི་བཞུགས་གྲལ་དུ་དཔྱད་འདེམ་པའི་དགེ་རྒན་ཉི་མ་ཚེ་རིང་དང་དབང་གྲགས། ཟླ་བ་གྲགས་པ། ངག་དབང་དགེ་ལེགས་སོགས་དཔྱད་འདེམ་པའི་དགེ་རྒན་རྣམ་པ་གདན་ཞུ་གནང་།
     འགྲན་བསྡུར་སྐབས་སུ་སློབ་གྲྭ་སོ་སོའི་སློབ་མ་རྣམས་ཀྱིས་ལུས་སུ་གཟབ་གོས་ལེགས་པར་སྤྲས་ཏེ་སོ་སོའི་ཐུན་མིན་གྱི་ཁྱད་ཆོས་མངའ་བའི་རིག་རྩལ་འཁྲབ་སྟོན་ཕུན་སུམ་ཚོགས་པ་འཁྲབ་སྟོན་གནང་བ་དང་། དེར་བཞུགས་དགེ་སློབ་སྟོང་ཚོ་མང་པོའི་སྤྲོ་བ་འཕེལ་བའི་གླུ་ལེན་གར་རྩེད་གྱ་ནོམ་པ་འཁྲབ་སྟོན་གནང།