སེམས་ཀྱི་ཉི་ཟླས་རྫོང་མིང་བརྗེས་ནས་ལོ་འཁོར་བཅུ་ལོན་པའི་དགའ་སྟོན་མཛད་སྒོ་དང་རྟ་རྒྱུག་དུས་ཆེན་བསྡུས།

སེམས་ཀྱི་ཉི་ཟླ་རྫོང་གིས་རྫོང་མིང་བརྗེས་ནས་ལོ་འཁོར་བཅུ་ལོན་པའི་རིག་རྩལ་འཁྲབ་སྟོན།

བང་རྩལ་འགྲན་བཞིན་པའི་ཅང་ཤེས་རྟ་ཕོ།

　　ཟླ6པའི་ཚེས23ཉིན། ཡུན་ནན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གོང་འོག་ཆ་ཚང་དུས་སྟོན་གྱི་དཔལ་ལ་རོལ་བཞིན་མཆིས། སེམས་ཀྱི་ཉི་ཟླ་རྫོང་གིས་རྫོང་མིང་བརྗེས་ནས་ལོ་འཁོར་བཅུ་ལོན་པའི་དགའ་སྟོན་མཛད་སྒོ་དང་ལྔ་པའི་རྟ་རྒྱུག་དུས་ཆེན་ཡུན་ནན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གི་མི་རིགས་ལུས་རྩལ་ཁང་ནང་དུ་བསྡུས།
　　ཐེངས་འདིའི་དགའ་སྟོན་མཛད་སྒོའི་བརྗོད་དོན་ནི་ “འཆམ་མཐུན་དང་། གོང་འཕེལ། དར་རྒྱས། བདེ་སྐྱིད་”བཅས་ཡིན། བྱེད་སྒོའི་ནང་དོན་ལ་གཙོ་བོ་གཞི་རྒྱ་ཆེན་པོའི་དགའ་སྟོན་དང་། སྲོལ་རྒྱུན་རྟ་རྒྱུག ཚོང་འགུགས་དངུལ་འདྲེན་ཁྱབ་སྤེལ་མཛད་སྒོ། སེམས་ཀྱི་ཉི་ཟླ་རྫོང་གིས་རྫོང་མིང་བརྗེས་ནས་ལོ་འཁོར་བཅུ་ལོན་པའི་ནང་གི་དཔལ་འབྱོར་སྤྱི་ཚོགས་ལས་དོན་རིགས་སོ་སོའི་གྲུབ་འབྲས་འགྲེམ་སྟོན། བོད་ཁུལ་གྱི་གླུ་བ་གྲགས་ཅན་དག་གི་གླུ་ལེན་དགོང་ཚོགས་སོགས་འདུས་ཡོད།
　　སེམས་ཀྱི་ཉི་ཟླ་རྫོང་གི་སྔ་མའི་རྫོང་མིང་ལ་རྒྱལ་ཐང་ཞེས་འབོད་ཀྱིན་ཡོད་པ་དང་། 1950 ལོར་ཞི་བའི་བཅིངས་འགྲོལ་ཐོབ་པ་དང་། 1993ལོར་དངོས་སུ་ཕྱི་གླིང་པར་སྒོ་འབྱེད་བྱས། 2001ལོའི་ཟླ12པའི་ཚེས17ཉིན་རྒྱལ་སྲིད་སྤྱི་ཁྱབ་ཁང་གི་ཆོག་མཆན་ལྟར་སེམས་ཀྱི་ཉི་ཟླ་རྫོང་ཞེས་རྫོང་མིང་བརྗེས། 2002ལོའི་ཟླ5པའི་ཚེས་5ཉིན་སེམས་ཀྱི་ཉི་ཟླ་རྫོང་གི་རྫོང་མཁར་ནས་རྫོང་མིང་བརྗེས་བའི་དགའ་སྟོན་མཛད་སྒོ་བསྡུས། ལོ་བཅུའི་རིང་སེམས་ཀྱི་ཉི་ཟླ་རྫོང་གིས་བྱ་བ་གང་ཅིའི་ཐད་ནས་གྲུབ་འབྲས་མི་དམན་པ་བླངས་པ་རེད།