རྔ་བའི་གཙགས་དྲུབས་ལག་རྩལ་གཟུགས་འདས་ཤུལ་བཞག་རིག་གནས་སྲུང་སྐྱོབ་གྲུབ་འབྲས་འགྲེམ་སྟོན་དུ་བཤམས་པ།
རྔ་བ་ཁུལ་བོད་ཀྱི་སྲོལ་རྒྱུན་གཙགས་དྲུབས་ལས་གཞིའི་ཞིང་ཆེན་རིམ་པའི་རྒྱུན་འཛིན་ཚབ་
བྱེད་མི་སྣ་གཡང་དཔལ་སྒྲོན་གྱིས་འགྲེམ་སྟོན་སྟེང་རང་གི་མྱོང་ཚུར་བརྗོད་པ།
ཉེ་ལམ། རིག་གནས་པུའུ་སོགས་པུའུ་ཨུས་གཙོ་སྒྲུབ་གནང་བའི“ཀྲུང་གོའི་གཟུགས་འདས་ཤུལ་བཞག་རིག་གནས་ཐོན་སྐྱེད་རང་བཞིན་གྱི་སྲུང་སྐྱོབ་གྲུབ་འབྲས་འགྲེམ་སྟོན”པེ་ཅིན་ནས་སྤེལ་ཞིང་། འབྲེལ་ཡོད་འགོ་ཁྲིད་དག་ཐེངས་འདིའི་འགྲེམ་སྟོན་ཡུལ་དངོས་ལ་སླེབས་ཏེ་གཏམ་བཤད་གནང་བ་དང་། རྔ་བ་ཁུལ་བོད་ཀྱི་སྲོལ་རྒྱུན་གཙགས་དྲུབས་ལས་གཞིའི་ཞིང་ཆེན་རིམ་པའི་རྒྱུན་འཛིན་ཚབ་བྱེད་མི་སྣ་གཡང་དཔལ་སྒྲོན་གྱིས་འགྲེམ་སྟོན་སྟེང་རང་གི་མྱོང་ཚུར་བརྗོད་པ་རེད།
འགྲེམ་སྟོན་ཡུལ་དངོས་སུ་བོད་ཀྱི་གཙགས་དྲུབས་ལག་རྩལ་མངོན་བཞིན་པ།
ཐེངས་འདིའི་འགྲེམ་སྟོན་ནི་རིག་གནས་པུའུ་སོགས་གཟུགས་འདས་ཤུལ་བཞག་རིག་གནས་སྲུང་སྐྱོབ་བྱ་བའི་སྡེ་ཁག་མཉམ་ཞུགས་ཚོགས་འདུ་འཐུས་མིའི་ལས་ཁུངས་དང་། རྒྱལ་ཡོངས་སྲིད་གྲོས་རིག་གནས་ལོ་རྒྱུས་དང་སློབ་སྦྱོང་ཨུ་ཡོན་ལྷན་ཁང་། པེ་ཅིན་གྲོང་ཁྱེར་མི་དམངས་སྲིད་གཞུང་སོགས་མཉམ་འབྲེལ་སྒོས་སྤེལ་པ་ཞིག་ཡིན་ལ། རྔ་བ་ཁུལ་བོད་ཀྱི་གཙགས་དྲུབས་ལག་རྩལ་སོགས་རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ལས་གཞི8དང་མཚོན་བྱེད་རང་བཞིན་གྱི་རྒྱུན་འཛིན་མི་སྣ་སོགས་ལ་ཐེངས་འདིའི་འགྲེམ་སྟོན་སྟེང་གཟེངས་བསྟོད་དང་དགའ་བསུ་ཆེན་པོ་ཐོབ། དེར་བརྟེན། འབྲེལ་ཡོད་སྨྱན་བྱད་ལས་རིགས་ཀྱིས་སི་ཁྲོན་གྱི་འགྲེམ་ཞུགས་ལས་གཞི་རྒྱུན་འཛིན་པ་དང་སི་ཁྲོན་གཟུགས་འདས་ཤུལ་བཞག་རིག་གནས་སྲུང་སྐྱོང་གྲུབ་འབྲས་བྱ་བར་གསར་འགོད་རྒྱས་ཆེན་གནང་བ་རེད།
