པདྨ་ཚེ་བརྟན་གྱི་འཁྲབ་གཞུང《དབུགས་ལྒང》ཞེས་པ་ཞང་ཀང་ཡ་གླིང་གློག་བརྙན་དངུལ་གཏོང་ཚོགས་འདུར་ཚུད་པ།

བོད་ཀྱི་གློག་བརྙན་འཁྲབ་ཁྲིད་པ་པདྨ་ཚེ་བརྟན།

           ཟླ3པའི་ཚེས19ནས་ཚེས21བར།  སྐབས་བཅུ་བའི་ཞང་ཀང་ཡ་གླིང་གློག་བརྙན་དངུལ་གཏོང་ཚོགས་འདུ(HAF)དེ་ཞང་ཀང་ཚོགས་འདུ་འགྲེམ་སྟོན་ལྟེ་གནས་སུ་སྤེལ་རྒྱུ་ཡིན་ཞིང་།  སྐབས་འདིའིHAFསྟེང་རྒྱལ་ཁབ45དང་ས་ཁུལ200ལྷག་གིས་གློག་བརྙན་འཆར་འགོད་ཀྱི་ཡར་ཞུ་ཡི་གེ་སྐུར་ཡོད་པ་དང་།  མཇུག་མཐར་ལོ་རྒྱུས་ཀྱི་ཟིན་ཐོ་ལས་བརྒལ་ཏེ་རྒྱལ་ཁབ་དང་ས་ཁུལ20ཡི་གློག་བརྙན་འཆར་འགོད32བདམས་ཐོན་འབྱུང་འཆར་ཡོད་པ་རེད།  དེའི་ནང་ཨོ་གླིང་དང་། ཡ་མེ་ཉི་ཡ།  ཀྲུང་གོ  ཇེ་ཁི།  ཞང་ཀང་།  ཧིན་རྡུ་ཉི་ཞི་ཡ།  རྒྱ་གར།  ཡེ་སི་ལེ།  ཉི་ཧོང་།  ལེ་པཱ་ནིན།  མཱ་ལེ་ཞི་ཡ།  ཧྥེ་ལུ་ཕིན།  ཇེ་ཁི་སི་ལོ་ཧྥ་ཁི། ཁོ་རི་ཡ་ལྷོ་མ། ཐེ་ཝན།  ཐེ་རྒྱལ་ཁབ་སོགས་འདུས། 
           འཁྲབ་ཁྲིད་པ་པདྨ་ཚེ་བརྟན་གྱི་འཁྲབ་གཞུང་གསར་བ《དབུགས་ལྒང》ཞེས་པ་རབས་འདིའི་འཆར་གཞི་ཁྲོད་ཟིན་ཡོད་པ་རེད། ཁོས་མཚམས་སྦྱོར་བྱས་པ་ལྟར་ན། 《དབུགས་ལྒང》ཞེས་པས་གཙོ་ཆེར་རྣམ་ཤེས་དང་དོན་དངོས་བར་གྱི་འབྲེལ་བ་བརྗོད་པ་དང་། འཁྲབ་གཞུང་འདི་ལ་ཁོ་རི་ཡའི་ཧྥུ་ཧྲན་རྒྱལ་སྤྱིའི་གློག་བརྙན་དུས་སྟོན་སྟེང“ACF”འཁྲབ་གཞུང་འཕེལ་རྒྱས་ཐེབས་རྩའི་བྱ་དགའ་ཐོབ་མྱོང་ཟེར།