གསེར་ཆེན་རྫོང་ལ་ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང་བསྩལ་བ།

གསེར་ཆེན་རྫོང་ལ་ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང་བསྩལ་བ།

          ཉེ་ལམ།  རིག་གནས་པུའུ་ཡིས་བཀྲམ་པའི《འབྲེལ་ཡོད2011ལོ་ནས2013ལོའི་བར་གྱི་ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང་གཏན་འཁེལ་བྱེད་པ》 ཞེས་པ་ལས།  ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང528ཡོད་ཅིང་།  མཚོ་སྔོན་གྱི་རྫོང་དང་གྲོང་རྡལ11དེའི་གྲས་སུ་ཚུད་པ་དང་།  མཚོ་ལྷོ་ཁུལ་གསེར་ཆེན་རྫོང་ནི་བོད་རིགས་ལ་གཞས་ཀྱི་ཕ་ས་ཡིན་པའི་དབང་གིས་དེའི་གྲས་སུ་ཚུད་ཡོད།
          ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ནི་རིག་གནས་པུའུ་ཡིས་དམངས་ཁྲོད་རིག་གནས་སྒྱུ་རྩལ་ལས་རིགས་ཀྱི་འཕེལ་རྒྱས་དང་།  གཞི་རིམ་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བར་ཆེད་དུ་བཙུགས་པའི་མང་ཚོགས་རིག་གནས་ཀྱི་མཚན་བྱང་ཞིག་ཡིན་ཞིང་།  འདི་ནི2010ལོའི་རྒྱལ་ཡོངས་ཚད་ལྡན་མཐུན་མིན་དཔྱད་བསྡུར་གཟེངས་བསྟོད་ནས་བཟུང་རིག་གནས་པུའུ་ཡིས་ཐེངས་དང་པོར་ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང་གསོལ་ཆོག་མཆན་གནང་བ་ཞིག་ཡིན་པ་རེད། 

ཞར་བཀོད།

          མཚོ་སྔོན་ལ་ཀྲུང་གོའི་དམངས་ཁྲོད་རིག་རྩལ་གྱི་ཕ་ས་ཞེས་པའི་མིང་གསོལ་བའི་རྫོང་དང་གྲོང་རྡལ11ཡོད་པ་ནི་སྟོང་སྐོར་རྫོང(སྒྲོན་ཞུ་ཡི་ཕ་ས)དང་།  གསེར་ཁོག་རྫོང(རི་རྒན་རི་སྐོར་གྱི་ཕ་ས)། ཙོང་ཁ་རྫོང་ལ་ལུང་ཁ་གྲོང་རྡལ(སྒང་གཞོང་གི་ཕ་ས)། དགོན་ལུང་རྫོང་བསྟན་མ་གྲོང་རྡལ(ཧོར་རིགས་མཛའ་གཞས་ཀྱི་ཕ་ས)། གྲོ་ཚང་རྫོང་ཅུའུ་ཐཱན་གྲོང་རྡལ(མཛའ་གཞས་ཚོགས་རའི་ཕ་ས)། ཐུན་རིན་རྫོང(རེབ་གོང་སྒྱུ་རྩལ་གྱི་ཕ་ས)། གསེར་ཆེན་རྫོང(བོད་རིགས་ལ་གཞས་ཀྱི་ཕ་ས)། མདའ་གཞི་རྫོང(རྟ་རྒྱུགས་འགྲན་བསྡུར་གྱི་ཕ་ས)། རྒྱ་མདོ་རྫོང(ཧོས་རིགས་སྟོན་གཞས་ཀྱི་ཕ་ས)།  ན་ཀོར་མོ་གྲོང་ཁྱེར་གོ་ལོར་མུ་སྡེ་གྲོང་རྡལ(སོག་རིགས་དམངས་ཁྲོད་ཤིང་བཟོ་དང་གཙགས་དྲུབ་ཀྱི་ཕ་ས)། ན་ཀོར་མོ་གྲོང་ཁྱེར་ཝུ་ཐུའུ་མེ་རིན་གྲོང་རྡལ(སོག་རིགས་ན་ཏ་མོའི་ཕ་ས)བཅས་སོ།།