གློག་བརྙན་གནས་སྐོར་ཞེས་པ་སྟོན་ཐེངས་དང་པོའི་མཛད་སྒོ་པོ་ཏ་ལའི་ཐང་ཆེན་དུ་ཟབ་རྒྱས་ངང་འཚོགས་པ།

གློག་བརྙན་གནས་སྐོར་ཞེས་པ་སྟོན་ཐེངས་དང་པོའི་མཛད་སྒོ་པོ་ཏ་ལའི་ཐང་ཆེན་དུ་ཟབ་རྒྱས་ངང་ཚོགས་པ།

         ཟླ11པའི་ཚེས2ཉིན་གྱི་དགོང་མོ།  ལང་ཚོའི་ཡུལ་སྐོར་གྱིས་གཙོ་སྒྲུབ་བྱས་པའི་འགྲུལ་ལམ་ཀྱི་གནས་ཚུལ་བཀོད་པའི་གློག་བརྙན་གནས་སྐོར་ཞེས་པ་སྟོན་ཐེངས་དང་པོའི་མཛད་སྒོ་ཕོ་བྲང་པོ་ཏ་ལའི་ཐང་ཆེན་དུ་ཟབ་རྒྱས་ངང་ཚོགས་ཤིང༌།  སྤྱི་ཟླ11པའི་ཚེས3ཉིན་དངོས་སུ་རྒྱལ་ཡོངས་ཁྱོན་དུ་སྟོན་རྒྱུ་རེད།

གཞས་པ་ཀྲེན་ཅུན་གྱིས་དགོས་ཚོགས་ཐོག་ལྷ་སར་ལོག་པ་ཞེས་པའི་གཞས་བཏང་པ་རེད།

         གནས་སྐོར་ཞེས་པའི་གློག་བརྙན་འདི་ཏུའུ་ཅཱ་དབྱི་ཡིས་ལག་བསྟར་འཁྲབ་ཁྲིད་བྱས་པ་དང༌ཁྲེན་ཀོའོ་ཧྥུ་ཡིས་ལྟ་སྐུལ་སྒྲིག་བཟོ་བྱས་པ་ཞིག་ཡིན།  གློག་བརྙན་འདིའི་ནང་གཞོན་ནུ་ཞིག་གིས་རྐང་འཁོར་ཞོན་ནས་ལམ་ཐག་སྤྱི་ལེ 2000ལྷག་ཙམ་དཀའ་ངལ་ཁྱད་བསད་ཀྱིས་སྐྱོད་མཐར་བོད་ལྗོངས་སུ་འབྱོར་བའི་གནས་ཚུལ་བཀོད་ཅིང་།  གློག་བརྙན་འདིར་ཆེད་ལས་མི་སྣ་ཚུད་པའི་མི་མང་པོས་གདེང་འཇོག་ཡག་པོ་བྱས་ཡོད།
         ཤེས་རྟོགས་བྱུང་བ་ལྟར་ན།  མཇུག་སྒྲིལ་མ་ཐག་པའི་སྐབས24པའི་ཐོ་ཁེའུ་རྒྱལ་སྤྱིའི་གློག་བརྙན་དུས་ཆེན་ཐོག་གནས་སྐོར་ཞེས་པའི་གློག་བརྙན་པར་གཞིར་ཕུལ་བྱུང་གི་སྒྱུ་རྩལ་མཛད་རྗེས་བྱ་དགའ་ཐོབ་པ་རེད།