རོང་བྲག་རྒྱལ་རོང་བོད་རིགས་ཡུལ་སྲོལ་གོམས་འདྲིས་དུས་ཆེན་འགོ་བརྩམས་པ།

ཡུལ་དངོས་སུ་བྲོ་གར་འཁྲབ་སྟོན་བྱེད་བཞིན་པ།

བྱད་གཟུགས་འགྲན་སྡུར་བྱེད་བཞིན་པ།

　　ཟླ10བའི་ཚེས25ཉིན། ལོ་རེར་ཐེངས་གཅིག་ལ་ཚོགས་བཞིན་པའི“སི་ཁྲོན་རོང་བྲག་རྒྱལ་རོང་བོད་རིགས་ཡུལ་སྲོལ་གོམས་འདྲིས་དུས་ཆེན”གཟབ་རྒྱས་ངང་ཚོགས་འགོ་བརྩམས།
　　“མཛེས་མའི་འགག”ཅེས་པའི་མཚན་སྙན་གསོལ་ཡོད་པའི་རོང་བྲག་རྫོང་ནི་རྒྱལ་རོང་བོད་རིགས་ཀྱི་ཡུལ་སྲོལ་རིག་གནས་ཀྱི་རྫོངས་ཧ་ཅང་སྟུག་པོའི་ཡུལ་ཁྱད་དུ་འཕགས་པ་ཞིག་ཡིན་ཞིང་། ཡུལ་དེའི་དམངས་སྲོལ་དུས་སྟོན་ཆེན་མོ་སྟེ་རྒྱལ་རོང་བོད་རིགས་ཡུལ་སྲོལ་གོམས་འདྲིས་དུས་ཆེན་ནི་བྱད་གཟུགས་འགྲན་པ་དང་། གླུ་གར་འཁྲབ་སྟོན། རྒྱན་གོས་འཁྲབ་སྟོན་བཅས་གཅིག་ཏུ་འདུས་པའི་དུས་ཆེན་ཞིག་ཡིན་པ་མ་ཟད།  རོང་བྲག་རྒྱལ་རོང་ཡུལ་གྱི་ཕུན་སུམ་ཚོགས་པའི་རིག་གནས་ཕྱི་ཕྱོགས་སུ་དྲིལ་སྒྲོག་བྱེད་པའི་སྐར་ཁུང་ལྟ་བུར་གྲུབ་པས་རྒྱལ་ཁབ་ཕྱི་ནང་གི་གནས་སྐོར་བ་རྣམས་ཀྱི་དགའ་བསུ་ཆེན་པོ་ཐོབ། རོང་བྲག་རྒྱལ་རོང་བོད་རིགས་ཡུལ་སྲོལ་གོམས་འདྲིས་དུས་ཆེན་ཐེངས་འགར་ཚོགས་པར་བརྒྱུད་ནས“སི་ཁྲོན་གྱི་དུས་སྟོན་ཆེན་མོ་བཅུ”དང་། རིག་གནས་པུའུ་ཡིས་གནང་བའི་རྒྱལ་ཡོངས་ཀྱི་སྐབས་བཅོ་ལྔ་བའི“མང་ཚོགས་སྒྱུ་རྩལ་གྱི་ཕུལ་བྱུང་བྱ་དགའི”རྣམ་གྲངས། “ཀྲུང་གོའི་མི་རིགས་ཀྱི་ཁྱད་ཆོས་གཟེངས་སུ་ཐོན་པའི་དུས་ཆེན”བཅས་ཀྱི་མཚན་སྙན་ཐོབ། 2010ལོ་ནས་བཟུང་རོང་བྲག་རྒྱལ་རོང་བོད་རིགས་ཡུལ་སྲོལ་གོམས་འདྲིས་དུས་ཆེན་ཚོགས་པའི་དུས་ཚོད་ཁྲིམས་བཀོད་ཅན་དུ་བསྒྱུར་ནས་ལོ་རེའི་ཟླ10བའི་ཚེས26ཉིན་ནས་ཚེས28བར་དུ་ཚོགས་པའི་གཏན་ཁེལ་བྱས་པ་རེད།