མཚོ་བསྐོར་རྒྱལ་སྤྱིའི་ལྕགས་རྟའི་འགྲན་རྒྱུག་མཚོ་ལྷོའི་འགྲན་ཚིགས་ཀྱི་འགྲིམ་འགྲུལ་བཀག་སྡོམ་བརྡ་ཁྱབ།

     སྐབས་བཅུ་བདུན་པའི“པེ་གེ་ཡོན་རྟགས་མའི”མཚོ་སྔོན་པོར་བསྐོར་བའི་རྒྱལ་སྤྱིའི་གཞུང་ལམ་ལྕགས་རྟའི་འགྲན་རྒྱུག་དེ་མཚོ་ལྷོ་ཁུལ་མངའ་ཁོངས་སུ་བདེ་བླག་ངང་སྤེལ་ཐུབ་པར་ཁག་ཐེག་བྱ་ཆེད། 《གཞུང་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་དོན་ཚན39པའི་གཏན་འབེབས་ལྟར། མཚོ་ལྷོ་ཁུལ་མངའ་ཁོངས་ཀྱི་འགྲན་རྒྱུག་ལམ་ཚིགས་ལ་འགྲིམ་འགྲུལ་བཀག་སྡོམ་བྱེད་པའི་སྐོར་གྱི་དོན་ཚན་གཤམ་གསལ་ལྟར་བརྡ་ཁྱབ་བཏང་བ་སྟེ།
དང་པོ། འགྲིམ་འགྲུལ་བཀག་སྡོམ་གྱི་དུས་ཚོད་དང་ལམ་ཚིགས།
     གཅིག འགྲན་ཚིགས་གསུམ་པ།
     བཀག་སྡོམ་དུས་ཚོད། 2018ལོའི་ཟླ7པའི་ཚེས24ཉིན། (གཟའ་མིག་དམར) 8：00—14:00
     བཀག་སྡོམ་ལམ་ཚིགས། (མདོ་པ་ནས་ཁྲི་ཀའི་བར)X158 མདོ་པའི་སྦྱོང་བརྡར་རྟེན་གཞིའི་ལྷོ་སྒོ། --མདོ་པའི་སྲང་ལྷོ་མ།--G109--ཞི་ཁྲོན་ལྷོ་ལམ།--ཁུ་ནུའི་ནུབ་ལམ།--རེབ་གོང་གི་ལམ་ནས་གཡས་སུ་བསྐྱོག་སྟེ་ཞི་ཐཱའི་མྱུར་བགྲོད་ལམ་དུ་ཞུགས།--S101(ཧྲང་ཞིན་ཀྲོང་།--དགོ་མང་ལའི་ལུང་མདོ།--སྐྱ་ལོག--ཚེ་མགུ།--ཀ་རིང་།--ཨ་སྐུང་།)--རྨ་ཆའི་ཟམ་ཆེན།--ཁྲི་ཀ་རྫོང་དབྱིན་པིན་ནུབ་ལམ་གྱི་ཧུང་ཐུའུ་འགྲོན་ཁང་གི་སྒོ་ཁའི་བར།
     གཉིས། འགྲན་ཚིགས་བཞི་པ།
     བཀག་སྡོམ་དུས་ཚོད།  2018ལོའི་ཟླ7པའི་ཚེས25ཉིན། (གཟའ་ལྷག་པ) 8：00—14:00
     བཀག་སྡོམ་ལམ་ཚིགས། (ཁྲི་ཀ་ནས་ཚ་རྔ་འགག་བར) ཁྲི་ཀའི་དབྱིན་པིན་ནུབ་ལམ་གྱི་སྲིད་གཞུང་གི་སྒོ་ཁ།--རྨ་ཆའི་ཟམ་ཆེན།--ར་ཤི་བ--རྦ་ཁ་ཐའེ—པ་ལུང་གཞུང་ལམ--ཚ་རྔ་འགག་གྲོང་རྡལ།
     གསུམ།  འགྲན་ཚིགས་ལྔ་པ།
     བཀག་སྡོམ་དུས་ཚོད། 2018ལོའི་ཟླ7པའི་ཚེས26ཉིན། (གཟའ་ཕུར་བུ) 6：00—15:30
     བཀག་སྡོམ་ལམ་ཚིགས། (ཚ་རྔ་འགག་ནས་འདབ་ཆགས་གླིང་ཕྲན་བར)ཚ་རྔ་འགག་གྲོང་རྡལ་མཛེས་ལྗོངས་མགྲོན་སྐྱེལ་འབབ་ཚིགས་སྒོ་ཁ།--རྦ་ཁ་ཐའེ--s201--s109--(རིག་སྨོན--ཅང་སི།--རྟ་ནག་མ།)--མཚོ་སྐོར་ནུབ་ལམ།--སྤྲལ་ནག--བུ་ཧུ་ཆུ་ཟམ་ཆེན་མོ།
གཉིས་པ། འགྲིམ་འགྲུལ་བཀག་སྡོམ་གྱི་ནང་དོན་དང་བླངས་བྱ།
     གཅིག འགྲིམ་འགྲུལ་བཀག་སྡོམ་གྱི་སྐབས་སུ་རླངས་འཁོར་རིགས་གང་ཡིན་ཡང(འཕྲུལ་རྟ་དང་། གློག་སྒུལ་འཕྲུལ་འཁོར། ལྕགས་རྟ། ཕྱུགས་ཟོག་གི་འདྲུད་འཁོར། དབང་བོ་སྐྱོན་ཅན་གྱི་ཆེད་སྤྱོད་འཕྲུལ་འཁོར་སོགས་འདུས།)བཀག་སྡོམ་དུས་ཡུན་ནང་དང་བཀག་སྡོམ་ལམ་ཚིགས་སུ་བགྲོད་མི་ཆོག་ལ། དེར་བསྡད་ཀྱང་མི་ཆོག
     གཉིས། འགྲིམ་འགྲུལ་བཀག་སྡོམ་གྱི་དུས་ཡུན་ནང་། ལས་ཁུངས་དང་ཡང་ན་མི་སྒེར་གང་ཡིན་རུང་རྒྱུག་ལམ་དུ་འགྲན་རྒྱུག་དང་འབྲེལ་བ་མེད་པའི་ལས་ཅི་ཡང་བསྒྲུབ་མི་ཆོག
     གསུམ། འགྲིམ་འགྲུལ་བཀག་སྡོམ་གྱི་དུས་ཡུན་ནང་། གཞུང་ལམ་གྱི(རྒྱུག་ལམ)གཡས་གཡོན་དུ་ཕྱུགས་ཟོག་འཚོ་མི་ཆོག
     བཞི། འགྲིམ་འགྲུལ་བཀག་སྡོམ་གྱི་དུས་ཡུན་ནང་། སྤྱི་དམངས་ཀྱིས་སྤྱི་བདེ་ལས་ཁུངས་ལ་རམ་འདེགས་བྱས་ནས་འགྲིམ་འགྲུལ་བཀག་སྡོམ་གྱི་ལས་ཀ་ལེགས་པོར་བསྒྲུབ་པའི་འོས་འགན་ཡོད་པར་མ་ཟད། རང་རྟོགས་སྒོས་འགྲིམ་འགྲུལ་བཀག་སྡོམ་གྱི་གཏན་འབེབས་བརྩི་སྲུང་བྱ་དགོས།
     གོང་དུ་བཀོད་པའི་བཀག་སྡོམ་གྱི་གཏན་འབེབས་དང་འགལ་ན། སྤྱི་བདེ་ལས་ཁུངས་ཀྱིས་ཁྲིམས་ལྟར་ཐག་གཅོད་བྱ་རྒྱུ་ཡིན།
     ཆེད་དུ་བརྡ་ཁྱབ་འདི་བཏང་བའོ། །

2018ལོའི་ཟླ7པའི་ཚེས13ཉིན།