《བོད་ལྗོངས་རྒྱུན་ཤེས་སྐོར་གྱི་དོགས་གནད་འགྲེལ་བཤད།》པར་སྐྲུན་བྱས་པ།

             ད་ལོ་ནི་བོད་ལྗོངས་ཞི་བའི་བཅིངས་འགྲོལ་ཐོབ་པའི་ལོ་འཁོར60ལོ་ཡིན་ལ། ཀློག་པ་པོས་བོད་ལྗོངས་ཀྱི་ཕྱོགས་སོ་སོའི་གནས་ཚུལ་དང་བོད་དང་འབྲེལ་བའི་གནད་དོན་སྐོར་གྱི་རྒྱུན་ཤེས་རྒྱུས་ལོན་བྱས་པར་རོགས་རམ་བྱ་ཆེད། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་རྩ་འཛུགས་བྱས་ནས《བོད་ལྗོངས་རྒྱུན་ཤེས་སྐོར་གྱི་དོགས་གནད་འགྲེལ་བཤད》ཅེས་པའི་དཔེ་ཆ་འདི་རྩོམ་སྒྲིག་བྱས་ཤིང་། མིག་སྔར་དཔེ་ཆ་དེ་མི་དམངས་དཔེ་སྐྲུན་ཁང་གིས་དཔེ་སྐྲུན་འགྲེལ་སྤེལ་བྱེད་བཞིན་ཡོད།
             《བོད་ལྗོངས་རྒྱུན་ཤེས་སྐོར་གྱི་དོགས་གནད་འགྲེལ་བཤད》ནང་བོད་ལྗོངས་ཀྱི་རྒྱུན་ཤེས་དོགས་གནད་སྐོར་གྱི་འགྲེལ་བཤད་དང་རྒྱལ་ཁབ་ཕྱི་ནང་གིས་ཡོངས་ཁྱབ་སྒོས་དོ་སྣང་བྱེད་བཞིན་པའི་བོད་དང་འབྲེལ་བའི་གླེང་གནད་དང་དཀའ་གནད་སྐོར་གྱི་འགྲེལ་བཤད་ཀྱང་འདུས་ལ། ནང་དོན་ཐད་ནས་བོད་ལྗོངས་ཀྱི་སྲིད་འཛིན་གནས་ཚུལ་དང་ལོ་རྒྱུས་ཀྱི་འཕེལ་རིམ། བདག་དབང་ཁོངས་གཏོགས། མིའི་ཐོབ་ཐང་གི་གནས་བབ། མི་རིགས་ས་ཁོངས་རང་སྐྱོང་། དཔལ་འབྱོར་དང་སྤྱི་ཚོགས་གོང་འཕེལ། ཆོས་ལུགས་དད་མོས། རིག་གནས་སློབ་གསོ། སྨན་བཅོས་ལས་དོན། སྐྱེ་ཁམས་ཁོར་ཡུག་སྲུང་སྐྱོང་། ཏྰ་ལེའི་གནད་དོན་སོགས་ཕྱོགས10འདུས་ཡོད།