བོད་ལྗོངས་ཀྱི་ཤུལ་བཞག་རིག་གནས་སྲུང་སྐྱོང་ལས་དོན་སྐས་རིམ་གསར་པར་སླེབས་པ།

            ལོ་ལྔ་ཚན་བཅུ་གཅིག་པའི་རིང་བོད་ལྗོངས་ཀྱི་རིག་གནས་ལས་དོན་གྱིས་ཐོག་མཐའ་བར་གསུམ་དུ་སྲུང་སྐྱོང་ལྟེ་བར་བྱེད་པའི་ལས་ཀའི་བྱེད་ཕྱོགས་མཐའ་འཁྱོངས་དང་ཤུལ་བཞག་རིག་གནས་སྲུང་སྐྱོང་ལས་དོན་ལ་སྐུལ་འདེད་ཤུགས་ཆེན་བཏང་ནས། ཀྲུང་ཧྭ་མི་རིགས་ཀྱི་ཁྱད་ལྡན་རིག་གནས་སྲུང་སྐྱོང་བྱ་ཡུལ་གལ་ཆེན་གྱི་འཐབ་ཇུས་གནས་བབ་མངོན་འགྱུར་བྱ་རྒྱུར་ནུས་པ་འདོན་སྤེལ་ཧུར་ཐག་བྱས་ཤིང༌། མིག་སྔའི་བར་ལྗོངས་ཡོངས་སུ་རིམ་ཁག་རིག་དངོས་སྲུང་སྐྱོང་ཚན་པ 743 དང༌། རྒྱལ་ཁབ་ཀྱི་ལོ་རྒྱུས་རིག་གནས་མིང་གྲགས་གྲོང་ཁྱེར3གཅེས་ཉར་རིག་དངོས་ཁྲི10བཅས་ཡོད་པ་རེད།
            ལོ་ལྔ་ཚན་བཅུ་གཅིག་པའི་རིང་བོད་ལྗོངས་ཀྱིས་ཐོག་མཐའ་བར་གསུམ་དུ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་གཏོང་རྒྱུ་དེ་ལོ་རྒྱུས་ཀྱི་འོས་འགན་དུ་བརྩིས་ནས། རིག་དངོས་དང༌མངོན་མིན་རིག་གནས་ཤུལ་བཞག དཔེ་རྙིང་བཅས་སྲུང་སྐྱོང་གི་ལས་དོན་ལ་སྐུལ་འདེད་ཤུགས་ཆེན་བཏང་བར་བརྟེན་ཤུལ་བཞག་རིག་གནས་སྲུང་སྐྱོང་ལས་དོན་སྐས་རིམ་གསར་པར་སླེབས་པ་དང་། དུས་སྐབས་གསར་པར་བོད་ཀྱི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་ཐུབ་ཡོད། ད་བར་ལྗོངས་ཡོངས་སུ་ཁྱོན་སྡོམ་རྒྱལ་ཁབ་རིམ་པའི་རྣམ་གྲངས 60 དང༌། རྒྱལ་ཁབ་རིམ་པའི་རྒྱུན་འཛིན་པ 53རང་སྐྱོང་ལྗོངས་རིམ་པའི་རྣམ་གྲངས 222 རང་སྐྱོང་ལྗོངས་རིམ་པའི་རྒྱུན་འཛིན་པ227རྒྱལ་ཁབ་ཀྱི་དཔེ་རྙིང་རྩ་ཆེན34 བཅས་ཡོད།